🎥 Yosh yozuvchi tanlovi g‘olibi Iroda Bekmurodova bilan samimiy suhbat

Tanlovda g‘oliblikni qo‘lga kiritgan, hayotda kamgap, ammo ijodida o‘z olamiga ega bo‘lgan umidli yosh yozuvchimiz — Iroda Bekmurodova bilan suhbatlashdik.

Suhbat davomida Iroda o‘zining qisqa, ammo mazmunli hayot yo‘li, dunyoqarashi, ijodga kirib kelishi va yozuvchilik haqidagi qarashlari bilan o‘rtoqlashdi.

Uning hikoyasidan kichik bir parchani e’tiboringizga havola qilamiz. ✨

🎬 To‘liq intervyuni ertaga soat 12:00 da tomosha qilishingiz mumkin.

Sizningcha, kamgap insonning ichki dunyosi qanday bo‘ladi?

Bizni ijtimoiy tarmoqlarda kuzating!
🌐 Telegram | 🌐 Instagram

Адабиёт бўйича 2026 йилги Нобель мукофоти канадалик ёзувчи Энн Карсонга берилди

У Классик адабий анъаналар билан ижодий уйғунликда замонавий адабиётнинг янги шаклларини яратган жасоратли ва ўзига хос ижоди учун тақдирланмоқда.

Маълумот ўрнида, ўзбекистонлик ёзувчи Ҳамид Исмоилов ҳам 2026 йилги Нобель мукофотининг номзодлар рўйхатига киритилганди.

“ЎЗ” — Ўзбекистоннинг янги тараққиёт фалсафаси

Президент Шавкат Мирзиёев Янги Тошкентда “ЎЗ” деган янги тараққиёт фалсафасини илгари сурди. “ЎЗ” — Ўзбекистон. Ўзгариш. Ўзлик. Масъулият.

Бу шунчаки тўртта сўзнинг бирлашмаси эмас. Унинг замирида жуда кучли ғоя бор: Ўзбекистонда яшаётган, ишлаётган, сармоя киритаётган ва келажак қураётган ҳар бир инсон мамлакатдаги ўзгаришларга дахлдор.

Чунки “ўз” деган сўз халқимиз тафаккурида алоҳида маънога эга. Ўз уйингга бефарқ бўлмайсан. Ўз ерингни ташлаб қўймайсан. Ўз юртинг тақдирига четдан қараб турмайсан. “Ўз” дегани — дахлдорлик. Дахлдорлик эса масъулиятни англатади.

Янги фалсафа шу тушунчани иқтисодиётга олиб киряпти: ким Ўзбекистонга сармоя киритса, янги технология олиб келса, иш ўрни яратса, шу юрт тараққиётига ҳисса қўшса — у умумий ўзгаришнинг бир қисми. Бу ерда унинг қаердан келгани эмас, Ўзбекистон учун қандай қиймат яратаётгани муҳим.

Шунинг учун “ЎЗ” — фақат “ўзимизники” дегани эмас. “ЎЗ” — Ўзбекистондаги ўзгаришни ўзгаришим, унинг ютуғини ютуғим, келажагини келажагим деб билиш фалсафаси.

Янги Тошкент эса бу ғоянинг энг катта амалий ифодаларидан бирига айланмоқда: дунёга очиқ, замонавий ва рақобатбардош, айни пайтда ўзлигини йўқотмаган янги Ўзбекистон.

@pressuzb

ДАШНОМ

Самарқандга Мистер Бист келгандаги бемаъни ҳолат ўзини билган ҳаммани хавотирга солди.

Бу қандай шовқиндир, қандай тўполон,
Не-не улуғларнинг хоки ёнида...
Ҳушини йўқотиб қўпар оломон
Илму маърифатнинг Регистонида.

Ўпкангни қўлтиқлаб қайга чопасан
Кўзлаган манзилинг қай сомонхона?
Боболаринг қолиб, кимни топасан,
Наҳотки, муродинг – оломонхона?

Етти ёт ажнабий муршидинг бўлса,
Миллат пирларига кўз солармидинг?
Мабодо, Навоий тирилиб келса,
Ўтирган ўрнингдан қўзғолармидинг?

Улуғбек қўлингга бир китоб тутса,
Шундай тошармидинг айқирган сойдек?
Салом берармидинг кўчангдан ўтса,
Ўзбекнинг ҳасрати – ҳазрати Ойбек?

Қўрчоққа топинган бутпараст мисол
Мунча хор турасан, мутеъ, жодубанд.
Нега сезмаяпсан, ортингда алҳол,
Бош чайқаб турибди буюк Самарқанд.

12.10.26

✍️ Эшқобил ШУКУР

@Eshqobil_Shukur_ijodi

Bundan ming yil avval, hech qanday zamonaviy texnologiyalarsiz Yer kurrasining radiusini o'ta aniqlikda hisoblab bergan dahoni bilasizmi?

Bu – Xorazmlik buyuk qomusiy olim Abu Rayhon Beruniydir. U 973-yilda qadimiy Kat shahrida tug'ildi. Astronomiya, matematika, geodeziya, tarix va tabobatga oid 150 dan ortiq yirik asarlar bitdi.

Beruniy Hindiston tog'larida turib osmon va ufqni kuzatdi, trigonometriya yordamida sayyoramizning o'lchamlarini aniqladi.

O'z davrida birinchi bo'lib qadimiy xalqlar tarixi va madaniyatini xolis o'rgangan ilk antropologga aylandi. Beruniyning ilmiy merosi va kashfiyotlari bugungi zamonaviy ilm-fanni ham hamon hayratga solib kelmoqda!

Telegram | YouTube | Instagram | Facebook

⚡️Kitobxonlik uchun imkoniyatlar kengaymoqda

2026-yilda kitobxonlikni rivojlantirishda kutubxonalardan tortib, muallif va kitobxonlarni rag‘batlantirishgacha bo‘lgan yo‘nalishlarda yangi natijalar qayd etildi.

Kitobga kirish imkoniyati qanday kengaymoqda?

• 20 ta yangi konstruksiyali kutubxona tashkil etilmoqda;
• mahalla kutubxonalari sonini 12 tadan 330 taga yetkazish rejalashtirilgan;
• davlat tashkilotlarida 40 ta “Kitob burchagi” tashkil etildi.

Bugungi kitobxonlik qamrovi qanday?

Milliy kutubxona tizimida 495 ming a’zo mavjud. Kitobxonlik indeksida 248 ta nashriyot, 829 ta kitob do‘koni va 3,1 mln mutolaa foydalanuvchisi qamrab olingan.

Mualliflar qanday rag‘batlantirilmoqda?

“Iste’dodli muallif” tanloviga 217 nafar ijodkor ariza topshirdi. 29 nafar muallif taqdirlanib, jami 3,2 mlrd so‘m mukofot ajratildi.

“Yosh yozuvchilar” tanlovida 201 nafar yosh qatnashdi. 15 nafar g‘olibning asarlari jami 15 ming nusxada chop etilmoqda.

Kitobxonning o‘zi-chi?

“Top 100 kitobxon” loyihasida hozirgacha 27 455 nafar ishtirokchi ro‘yxatdan o‘tgan. Final bosqichi dekabr oyida o‘tkaziladi.

Bu raqamlar kitobxonlikda kitob yaratish, uni o‘quvchiga yetkazish va mutolaani rag‘batlantirish bir vaqtda olib borilayotganini ko‘rsatadi.

🕊Telegram 📸Instagram 📺YouTube 🌍 Linkedin 🌍Veb sayt

Namangan, tayyormisiz?

Namangan ahli, kitobga qiziqadiganlar ko'proq ekan-a? Yoshlar ishlari agentligi, Kitobxonlik jamgʻarmasi "Malham kitoblar" jamoasi bilan hamkorlikda yangi "Ruh shiviri" kitobining taqdimotini aynan sizning shahringizda o'tkazadi.

Tadimotda:
Bookblogerlar va ustozlar bilan uchrashuv “Ruh shiviri" kitobiga sayohat. Ustozlar bilan fotossesiya va dastxat olish imkoniyati

Sana: 25-oktabr, 14:00
Manzil: Namangan Yoshlar markazi,
Mo'ljal: Zahiriddin Muhammad Bobur bog'i

Bizni ijtimoiy tarmoqlarda kuzating!
🌐 Telegram | 🌐 Instagram