🇰🇿🇸🇮 Қасым-Жомарт Тоқаев пен Наташа Пирц-Мусар БАҚ өкілдері үшін брифинг өткізді

✔️Мемлекет басшысы өзінің шақыруын қабыл алып, Қазақстанға алғаш рет ресми сапармен келген Наташа Пирц-Мусарға ризашылығын білдірді. Президенттің айтуынша, Словения – Қазақстанның Еуропа Одағындағы маңызды серіктесі әрі екі елдің қарым-қатынасы достық және өзара сыйластық рухында нығайып келеді. Оның айқын дәлелі – былтыр Любляна қаласында Қазақстан Елшілігінің ашылуы.

– Мен мұны ықпалдастығымызды дамыту жолындағы маңызды қадам деп санаймын. Қазақстан екі ел арасындағы достықты одан әрі тереңдетуге мүдделі. Сондықтан бұл сапардың мән-маңызы айрықша. Біз бүгін құрметті Президент Пирц-Мусар ханыммен мазмұнды әрі жемісті келіссөз жүргіздік. Қазақ-словен ынтымақтастығының аясын кеңейту жолын талқыладық. Нақты уағдаластықтарға қол жеткіздік. Бірлескен мәлімдеме қабылдадық. Сондай-ақ бүгін бірқатар үкіметаралық және мекемеаралық келісім жасалды. Соның ішінде денсаулық сақтау, туризм, білім беру салаларына қатысты маңызды құжаттар бар. Бұл келісімдерді тиімді іске асыру арқылы екі елдің ынтымақтастығын жандандыра түсеміз деп сенемін, – деді Қасым-Жомарт Тоқаев.

✔️Президенттер екіжақты сауда-экономикалық және инвестициялық байланыстарды арттыруға келісті. Қазір қос мемлекет фармацевтика, жаңартылатын энергия, инженерия, телекоммуникация бағыттарында маңызды жобаларды жүзеге асырып жатыр. Мемлекет басшысы елімізде осы салаларда 20-ға жуық словен компаниясы табысты жұмыс істеп жатқанына тоқталып, экономикалық байланыстардың ауқымын одан әрі кеңейтудің маңызын атап өтті.

– Тау-кен, жасыл энергетика, атом өнеркәсібі, цифрландыру және инновация, денсаулық сақтау, туризм салаларында тың жобаларды жүзеге асыруға келістік. Қолда бар мүмкіндікті тиімді пайдалану үшін Үкіметаралық комиссияның жұмысын жандандырып, оның қызметін жаңа деңгейге көтеруге шақырдым. Екі ел бизнес өкілдерінің байланысын тереңдету – маңызды міндеттің бірі. Осыған орай, «Қазақстан – Словения» іскерлік кеңесін құру мәселесін талқыладық. Елімізге Словенияның ірі кәсіпкерлері де келді. Ертең олардың қатысуымен бизнес-форум өтеді. Бұл іс-шара осы бағыттағы жұмысты күшейтуге ықпал етеді деп ойлаймын, – деді Қазақстан Президенті.

🇰🇿🇸🇮Екі ел басшылары көлік-логистика саласындағы байланыс аясын кеңейту мәселесін талқылады

✔️Атап айтқанда, Транскаспий халықаралық көлік дәлізі жобасына Словенияның «Лука Копер» теңіз портын қатыстыру жөнінде ортақ пікірге келді. Өзара алыс-берістің көлемін арттыру үшін президенттер құзырлы органдарға нақты шаралар қабылдау туралы тапсырма берді. Сондай-ақ Қасым-Жомарт Тоқаев Қазақстанның су ресурстарын басқару ісінде словен тарапының озық тәжірибесін зерделеп, бірлесе жұмыс істеуге дайын екенін жеткізді.

✔️Бұдан бөлек, тараптар мәдени-гуманитарлық ықпалдастық жайында да пікір алмасты.

– Білім, ғылым және мәдениет салаларындағы қарым-қатынасты жандандыруға мол мүмкіндік бар. Жалпы Словенияның білім беру жүйесі дүние жүзінде озық жүйе ретінде мойындалған. Сондықтан біз екі ел университеттері арасында байланыс орнатуға мүдделіміз. Словенияның Йожеф Стефан институты Назарбаев университетімен байланыс орнатуға қызығушылық танытып отыр. Қазақстан Словенияның жоғары оқу орындарымен және зерттеу орталықтарымен ынтымақтастықты нығайтуға дайын, – деді Мемлекет басшысы.

✔️Тараптар халықаралық және аймақтық өзекті мәселелерді талқылап, ұстанымдарының ортақ екенін жеткізді.

– Қазіргі геосаяси жағдай өте күрделі. Президент Пирц-Мусар екеуіміз әлемдегі қақтығыстарды Біріккен Ұлттар Ұйымы Жарғысы мен халықаралық құқық қағидаттарына сай бейбіт жолмен шешу қажет екенін құптадық. Көпжақты құрылымдар аясындағы ықпалдастықты одан әрі күшейтуге мүдделі екенімізді растадық. Алматыда Орталық Азия мен Ауғанстан үшін Орнықты даму мақсаттары жөніндегі Біріккен Ұлттар Ұйымының аймақтық орталығын ашу туралы бастаманы қолдаған Словения тарапына ризашылығымды білдіремін. Жалпы бүгінгі келіссөздер жемісті болды деп күмәнсіз айтуға болады. Осы сапардың нәтижесінде қазақ-словен ықпалдастығы нығайып, жаңа деңгейге көтеріледі деп сенемін.

Олжас Бектенов Президенттің тапсырмаларын іске асыру шеңберінде геологиялық барлау мен жер қойнауын пайдалануды дамыту жөнінде кеңес өткізді

📌 Премьер-министр Олжас Бектенов Мемлекет басшысының «Әділетті Қазақстанның экономикалық бағдары» атты халыққа Жолдауында және биыл қаңтарда Үкіметтің кеңейтілген отырысында қойылған міндеттерді іске асыру шеңберінде геология мен жер қойнауын пайдалануды дамыту мәселелері жөнінде кеңес өткізді.

🔷 Кеңесте Өнеркәсіп және құрылыс министрлігінің геологиялық-геофизикалық зерделеу алаңын кеңейту, салаға инвестициялар тарту, жаңа перспективалы жобаларды іске асыру жөніндегі тәсілдері қаралды. Сондай-ақ «Самұрық-Қазына» ҰӘҚ АҚ және «Тау-Кен Самұрық» АҚ басшылығы да қатысты.

✔️ 2026 жылға қарай геологиялық-геофизикалық зерттеу алаңын 2,2 млн км2-ге дейін ұлғайту бойынша жүргізіліп жатқан жұмыстарға назар аударылды. Өнеркәсіп және құрылыс министрі Ерсайын Нағаспаев бүгінде жер қойнауын мемлекеттік геологиялық зерттеу 1:200 000 масштабта жүргізіліп жатқанын баяндады. Перспективалы жобаларда 1:25 000 масштабты енгізу жоспарлануда, бұл әлеуетті кен орындарын анықтауға, сондай-ақ саланың инвестициялық тартымдылығын арттыруға және егжей-тегжейлі картаға түсіруге мүмкіндік береді.

🔘 Үкімет отырысында (2024 жылғы 3 желтоқсанда) жер асты ұлттық байлықты зерттеуге, мемлекеттік компанияларды тартуға қатысты бұрын қойылған міндеттер шеңберінде ведомство «Тау-Кен Самұрық» ұлттық тау-кен компаниясымен өзара іс-қимылды күшейтті. Бірінші кезеңде министрлік перспективалы учаскелерді анықтай отырып, геологиялық барлау жүргізеді. Бұдан әрі ұлттық компания инвестиция алдындағы дайындықты (алдын ала барлау, технологияларды іріктеу, ТЭН әзірлеу) бастайды, содан кейін дербес немесе серіктестермен бірлесіп игеруге кіріседі. Осы процеске кірмеген учаскелер аукциондарға беріледі. Аталған тетік бойынша елімізде Қаратас (мыс), Жосабай (алтын), Солтүстік Қатпар, Жоғарғы Қайрақты (вольфрам) кен орындарында пилоттық жобалар іске асырылуда. Келесі жоба өткен жылы Қарағанды облысында ашылған және жартылай өткізгіштер мен қуатты магниттер өндірісінде пайдаланылатын жерде сирек кездесетін металдардың қомақты қорлары бар Күйректікөл кен орнын қарастырады. Жобаны іске асыру экономиканың аралас жоғары технологиялық салаларын дамытуға да ықпал етеді. 2024 жылы Қазақстанда барлығы 38 перспективалы ҚПҚ (қатты пайдалы қазбалар) алаңы анықталды.

Бұдан бөлек, геологиялық барлауға инвестициялар тарту мәселелері қаралды. Соңғы 6 жылда ҚПҚ барлауға жеке инвесторлар салымдарының көлемі үш есеге өсіп, 2024 жылы 100 млрд теңгені құрады. Сонымен қатар геологиялық барлауға мемлекеттік инвестициялар жеткіліксіз деңгейде.

🔵 Премьер-министр инвестицияларды тарту, тиісті инфрақұрылымды дамыту және жер қойнауын зерттеуде жаңа ғылыми тәсілдерді енгізу жөніндегі алдағы жұмыстарға баса назар аударды. Тиісті Министрлікке және «Самұрық-Қазына» ҰӘҚ-ға елдің минералды-шикізат базасын кешенді дамытуға бағытталған цикл құру жөніндегі бірлескен шараларды күшейту тапсырылды. Қаржы министрлігіне геологиялық барлауды мемлекеттік қаржыландыруды ұлғайту үшін қаражат іздеу жөнінде тапсырма берілді.

⚠️👁👁👁АҚШ-тың жаңа баж салықтары Қазақстан үшін қауіпті емес!

1️⃣ Тізімге автоматты түрде ену - аландауға себеб емес

АҚШ сауда балансында тапшылығы бар барлық елдерге бірқалыпты тарифтер енгізді.

Қазақстан саяси қайшылықтар емес, экономикалық критерий бойынша осы тізімге енді.

2024 жылы ҚР-дың жалпы сыртқы сауда айналымы - 116 млрд доллар (Қазақстан Республикасы Статистика комитетінің деректері)
АҚШ-қа экспорт - 2,33 млрд
АҚШ-тың Қазақстанмен саудадағы тапшылығы - 1,25 млрд (U.S. Census Bureau)

☄️ 27% баж салық қалай есептелді?
АҚШ формуласы:
(Сауда тапшылығы / Елдің АҚШ-қа экспорты) × 50%

Қазақстан үшін: (1,25 / 2,33) × 50% ≈ 27%

2️⃣ Ең бастысы: біздің АҚШ-қа экспортымызға еш қандай қиындықтар болмайды. Атаулы 27% болғанымен, нақты әсері нөлге жақын.

Қазақстанның АҚШ-қа негізгі экспорт тауарлары:
- Мұнай (48%)
- Ферроқорытпалар (38%)
- Уран, мыс, қорғасын

Бұл тауарлар АҚШ-тың ерекшеліктер тізіміне енгізілген. Сонымен қатар, жоғарылатылған баж салыққа жататындар:
✔ Фармацевтика өнімдері
✔ Жартылай өткізгіштер
✔ Критикалық минералдар (алюминий, болат және т.б.)

3️⃣ Қазақстан - «арнайы тобында» емес

Bloomberg пен Reuters аналитиктері «Dirty 15» - ең жоғары баж салықтар қолданылатын елдер тобын (Қытай - 34%, ЕО - 20% т.б.) бөліп көрсетті.

ҚР бұл тізімде жоқ.

АҚШ-тың біздің жалпы сауда айналымымыздағы үлесі - бар болғаны 3,4%. Тіпті теориялық тұрғыдан алғанда, баж салықтардың жоғарылауы ҚР экономикасына елеулі әсер етпейді.

Баж салықтар - Қазақстанға қарсы шабуыл емес, техникалық шара. Қазақстан тұрақты экономикасы бар сенімді серіктес ретінде қала береді. Тыныштық және прагматизм - кез келген өзгерістерге біздің жауабымыз.

#экономика #Қазақстан #АҚШ #сауда

🇰🇿🇪🇺 «Орталық Азия – Еуропа Одағы» саммитіне қатысу үшін Самарқанд қаласына келген Қасым-Жомарт Тоқаев Еуропалық Кеңес Президенті Антониу Коштамен кездесті

➤ Еуропа Одағы – Қазақстанның ірі сауда серіктесі әрі шетелдік инвесторы:

🟦шетелден тартылған тікелей инвестицияның 40%-дан астамы ЕО-ға тиесілі;
🟦2024 жылы Қазақстан мен Еуропа Одағына мүше елдердің тауар айналымы 50 млрд долларға жуықтады (ЕО мен ОА арасындағы сауда көлемінің 80%-ы).

➤ Президенттер:

🟦экономиканың түрлі секторларындағы көпжоспарлы ынтымақтастықты одан әрі нығайту мәселелерін қарастырды;
🟦өзара сенімге, стратегиялық мүддеге және ұзақмерзімді перспективаға негізделген Қазақстан мен Еуропалық Кеңес арасындағы серіктестікті қарқынды дамытудың маңызын атады.

🇰🇿🇪🇺«Орталық Азия – Еуропа Одағы» саммиті аясында Қасым-Жомарт Тоқаев пен Еуропалық комиссия Президенті Урсула фон дер Ляйен кездесті

✔️экономиканың түрлі секторындағы, цифрландыру және инновация салаларындағы Қазақстан мен ЕО ынтымақтастығын дамыту перспективасы талқыланды.
✔️тараптар Қазақстан мен Еуропалық комиссия арасында виза беру тәртібін жеңілдету жөніндегі келісімге келу үдерісі басталғанын оң бағалады.

➤ Қасым-Жомарт Тоқаев:

✔️Кеңейтілген серіктестік және ынтымақтастық жөніндегі келісім Қазақстан мен Еуропа Одағының ықпалдастығына негіз болып отырғанын жеткізді;
✔️қарым-қатынасты одан әрі тереңдететін төрт басым бағытты атады:

🟦энергетика,
🟦инфрақұрылым және өнеркәсіп жобалары,
🟦көлік-логистика желілерін кеңейту,
🟦цифрлық инновация, озық технологиялар мен жасанды интеллект.

➤ Урсула фон дер Ляйен:

✔️көлік-логистика саласындағы, соның ішінде Транскаспий халықаралық көлік дәлізі секілді жобаларды іске асырудың маңызына тоқталды;
✔️Қасым-Жомарт Тоқаевты Қазақстанда сирек кездесетін металдардың ірі кен орнының табылуымен құттықтады.

➤ Тараптар:

🟦С5+ЕО аясындағы жұмысты жалғастыруға уағдаласты;
🟦өңірлік және халықаралық күн тәртібіндегі өзекті мәселелер жөнінде пікір алмасты.

Қасым-Жомарт Тоқаев Еуропалық қайта құру және даму банкінің президенті Одиль Рено-Бассомен кездесті

✔️Экономиканың түрлі секторындағы ынтымақтастық мәселелері талқыланды.

✔️2024 жылы Қазақстан Үкіметі мен ЕҚДБ 935 млн долларға 25 жобаны қаржыландыру туралы келісімге қол жеткізді.

➤ Одиль Рено-Бассо ЕҚДБ «жасыл экономика» бағдарламаларын жүзеге асыруға 2 млрд еуро инвестиция құюды жоспарлап отырғаны туралы тың мәліметтер берді.

➤ Қазақстан Президенті банк секторының өркендеуіне қолдау көрсеткені үшін алғыс айтты.

✔️Қасым-Жомарт Тоқаев пен Одиль Рено-Бассо қаржы саласындағы жаһандық үрдістер жөнінде пікір алмасты.