🌐🌐🌐 Әлем жаңалықтары қысқаша:

💵🇺🇸 АҚШ-ТАҒЫ САЯСИ ТҰРАҚСЫЗДЫҚ ДОЛЛАРДАН ЖАППАЙ ҚАШУҒА ӘКЕЛЕ МЕ? ⨯ [Bloomberg]

— Долларды қоса алғанда барлық негізгі активтердің құлдырауы инвесторлардың стагфляция, инфляцияның өсуі және ФРЖ мөлшерлемесінің төмендеу қаупін ескеріп жатқанының белгісі болды.
❗️Егер долларға деген сенім төмендей берсе, бұл капиталдың жаппай кетуіне және қаржылық дағдарысқа әкелуі мүмкін. Билік үшін сенімді қалпына келтіру — жедел міндет.

❗️🇺🇸 Ақ үй Қытай қандай тарифтерге тап болып жатқанын түсіндірді (фотоны қараңыз):
– Қарымта тариф: 125%
– Фентанилге қатысты дағдарысқа байланысты тариф: 20%
– 301-бөлім бойынша кейбір тауарларға: 7,5%-дан 100%-ға дейін

🇺🇸 🇮🇷 🇮🇱 АҚШ президенті Дональд Трамп Иранның ядролық нысандарына қарсы жоспарланған Израиль шабуылын тоқтатып, оның орнына Иранмен ядролық бағдарламаны шектеу жөніндегі келіссөздерге басымдық беруді шешті, деп хабарлайды New York Times.
Израиль мамыр айына шабуыл жоспарын дайындаған, мақсаты — Иранның ядролық қару жасау мүмкіндігін кемінде бір жылға кейінге шегеру.

🇺🇸 🏦 АҚШ Федералды резервінің төрағасы Джером Пауэлл Трамптың тарифтері инфляцияны төмен деңгейде ұстап тұру мен еңбек нарығының тұрақтылығына кері әсер етуі мүмкін екенін ескертті.
Оның мәлімдемесінен кейін қор нарығы төмендеді. Бұған дейін Трамп күтпеген жерден жапон делегациясымен тарифтерді төмендету жөнінде Вашингтондағы кездесуге қатысатынын мәлімдеген еді.

🇮🇷 Иран алдағы демалыс күндері өтетін келіссөздердің алдында уранды байыту құқығы талқылауға жатпайтынын мәлімдеді.
Иран сыртқы істер министрі Трамптың өкілі Стив Виткоффтан АҚШ талаптарына қатысты қарама-қайшы мәлімдемелер естігенін айтты. Бұған дейін Виткофф Иран уранды байытуды тоқтатуы тиіс деген.

👨‍⚖️🔨 🇺🇸 АҚШ-тың федералды судьясы Трамп әкімшілігінің 238 адамды Сальвадорға жеткізуі тиіс ұшақтарды іске қосу туралы сот шешіміне «қасақана немқұрайдылық» танытқанын айтты.
Судья Джеймс Боасберг егер үкімет бұл адамдарға елден заңды түрде кетпеуге мүмкіндік бермесе, сотқа құрмет көрсетпеді деп ресми тергеу басталатынын ескертті. Үкімет бұл шешімге апелляция беретінін хабарлады.

🇬🇧 🔨👨‍⚖️ Ұлыбританияның Жоғарғы соты «әйел» ұғымының биологиялық жынысқа негізделгенін шешті.
Судьялар бұл мәселені 2023 жылдың қарашасында өткен екі күндік тыңдауда қарады. Шотландия үкіметі «әйел» сөзін 2010 жылғы Теңдік туралы заңда кеңірек түсіндірген, ал сот оны заңды орындалмайтындай етеді деп таныды.

🇮🇱 Израиль Қорғаныс министрінің айтуынша, Израиль армиясы өткен жылдан бері басып алынған Газа, Ливан және Сирия аймақтарында «буферлік аймақ» ретінде қалады.
Бұл шешім ХАМАС-пен атысты тоқтату жөніндегі келіссөздерді қиындатады. Израильдік тұтқындардың туыстары үкіметті аумақты тұтқындардан жоғары қойғаны үшін сынға алды.

🇬🇧 💸 Ұлыбританияда инфляция наурызда 2,6%-ға дейін төмендеді.
Құлдырау қызмет көрсету секторы мен жанармай бағасының төмендеуіне байланысты болды.

Англия банкі АҚШ пен Қытай арасындағы сауда соғысының ықтимал салдарына дайындалып жатыр, бұл инфляцияның қайта өсуіне алып келуі мүмкін. Банк 2%-дық мақсатты ұстап отыр

Президент Астана және Қазақстан митрополиті Александрды I дәрежелі «Достық» орденімен марапаттады

➤ Мемлекет басшысы митрополит пен барша православ қауымын Пасха мерекесімен құттықтады.

✔️Қасым-Жомарт Тоқаев Православ шіркеуінің дәстүрлі және отбасылық құндылықтарды насихаттауға, жас ұрпақты тәрбиелеу мен еліміздің бай мәдени мұрасын сақтауға елеулі үлес қосып келе жатқанын атап өтті.

🎖Президент митрополит Александрды I дәрежелі «Достық» орденімен марапаттады. Бұл оның Қазақстандағы қызметіне 15 жыл толуына орай, сондай-ақ бейбітшілік пен келісімді нығайтудағы еңбегі үшін беріліп отыр.

Мемлекет басшысы ҚХА Төрағасының орынбасарларын қабылдады

Қасым-Жомарт Тоқаев Қазақстан халқы Ассамблеясы Төрағасының жаңадан тағайындалған орынбасарлары Дмитрий Останькович пен Расул Ахметовті қабылдап, қызметтеріне табыс тіледі.

➤ ҚХА-ның қоғамдық келісімді нығайтудағы рөлі

✔️Президент қоғамдық келісім мен жалпыұлттық бірлікті қамтамасыз етуге бағытталған мемлекеттік саясатты жүзеге асыру ісінде ҚХА ерекше рөл атқаратынын атап өтті.

➤ Мерейтой мен сессияға дайындық

✔️Мемлекет басшысына:
- Ассамблеяның алдағы XXXIV сессиясына дайындық барысы;
- аталған институттың 30 жылдығы аясында өткізілетін іс-шаралар туралы ақпарат берілді.

➤ Мемлекет басшысы мерейтойлық іс-шараларды ұйымдастыруға Ассамблеяның барлық этномәдени бірлестіктері мен қоғамдық құрылымдарын кеңінен тарту маңызды екеніне назар аударды.

❗️Президенттің тапсырмасы

Кездесу соңында Президент этносаралық қатынастарды одан әрі жетілдіру бойынша бірқатар нақты тапсырма берді.

🇰🇿🇷🇺 Мемлекет басшысы Қасым-Жомарт Тоқаев Ресей Президенті Владимир Путинмен телефон арқылы сөйлесті

✔️ Президенттер Қазақстан мен Ресейдің көпжақты ынтымақтастығы дәйекті түрде дамып келе жатқанын атап өтіп, бұған дейін жоғары деңгейде қол жеткізілген  уағдаластықтардың орындалу барысын талқылады.

✔️ Бұдан бөлек, энергетика саласындағы ықпалдастыққа назар аударылды.

✔️ Тараптар халықаралық күн тәртібіндегі өзекті мәселелер жөнінде пікір алмасып, алдағы кездесулердің кестесін қарастырды.

🌐🌐🌐 Әлем жаңалықтары қысқаша:

👔👔Трамп Зеленский туралы тағы да пікір білдіріп, оны қақтығыстың арандатушысы деп айыптады: «Ресей Украинаға гөрң әлдеқайда ірі. Оның әскери күші қуаттырақ. Егер адам ақылды болса, мұндай соғысқа кірмеушеді»

🇺🇦 🇺🇸 ✅ Украина мен АҚШ пайдалы қазбалар бойынша келісім туралы меморандумға қол қойды.

Бұл жөнінде Украина вице-премьері Юлия Свириденко хабарлады. Зеленский бұл толық келісім емес, алдын ала құжат екенін нақтылады. Ал Трамп соңғы келісімге келесі бейсенбіде қол қойылатынын мәлімдеді.

🇺🇦 🇨🇳 Осы уақытта Зеленский Қытайды алғаш рет ашық түрде Ресейді қарумен қамтамасыз етті деп айыптады.

Украина президенті баспасөз мәслихатында Қытайдың Ресей аумағында қару өндіріп жатқаны туралы барлау деректері бар екенін айтып, қосымша мәлімет ұсынуға дайын екенін жеткізді.

👔🏦 Дональд Трамп кеше жарияланған Пауэлдің сұхбатына наразы. Ол АҚШ-тың бас банкирін қызметтен босатудың жолдарын қарастырып бастады.

Себебі, ФРЖ саясаты мен оның сын-ескертпелері Трампқа ұнамады. Алайда Скотт Бессент пен Кевин Хассент Пауэлді жұмыстан шығару АҚШ-тың қаржы жүйесіне деген сенімді әлсіретіп, экономикалық өсімге кері әсер етеді деп есептейді.

Трамп болса өзінің саясатын табысты деп бағалап, мұнай бағасының төмендеуі арқылы инфляцияның төмендеуін және тарифтер есебінен АҚШ бюджетіне кірістің артуы туралы айтты.

🇺🇸 🇸🇾 АҚШ Сирияның солтүстік-шығысынан жүздеген сарбазын шығара бастады — New York Times.

Әскерилер сегіз шағын операциялық базаның үшеуін жауып, контингентті 2000-нан 1400 адамға дейін қысқартады.

🚀 Илон Масктың SpaceX компаниясы және оның екі серіктесі президент Дональд Трамптың «Алтын күмбез» деп аталатын зымыраннан қорғану жүйесі жобасының шешуші бөлігін жасауға басты үміткер болды - Reuters.

Масктың зымыран және спутник шығаратын компаниясы Palantir бағдарламалық жасақтама өндірушісімен және Anduril дрон өндірушісімен бірлесіп, жобаға қатысты тендерге қатысуда. Бұл техносектордағы қорғаныс стартаптарының қызығушылығын арттырды.

✈️ ❌Белизде америкалық азамат ұшақ басып алып, жолаушыларға пышақпен шабуыл жасады – ABC News.

Ұшақта 14 адам болған. Үш адам пышақ жарақатын алды. Қаскүнемді қаруы бар жолаушы атып өлтірді.

🇺🇸 🔫 Флорида штаты университетінде шерифтің орынбасарының ұлы екі адамды атып өлтіріп, тағы төрт адамды жаралады.

Кейін оны полицейлер жаралап, ауруханаға жеткізді.
Полиция шабуыл жасаған адамның жалғыз әрекет еткенін, оның мотиві белгісіз екенін айтты. Күдікті анасының бұрынғы қызметтік қаруын қолданған.

🥅 🏒 🇷🇺 Александр Овечкин өзінің 897-ші шайбасын соғып, NHL тарихындағы жаңа мергендік рекорд орнатты.

«Вашингтон Кэпиталз» шабуылшысы бұл голды чемпионат аясында «Питтсбург Пингвинзге» қарсы сырт алаңдағы матчта соқты.

❗️❗️❗️Қазақстан – Орталық Азиядағы өнеркәсіптік көшбасшысы: жаңа жобалар, рекордтар және батыл жоспарлар.

Бір жылда 180 жаңа жобалар - бұл инвестициялардың, жаңа жұмыс орындардың және жаңа технологиялардың анық белгісі.

Қасым-Жомарт Тоқаев Қазақстан экономикасының негізгі қозғаушы күші ретінде өнеркәсіпті дамытуды ерекше атап өтті.

Қазақстанның өнеркәсіптік саласы сенімді өсім көрсетіп, елдің өңірдегі экономикалық көшбасшы ретіндегі орнын нығайтуда.

2024 жылдың қорытындысы бойынша өнеркәсіп өндірісінің көлемі 106,8 млрд АҚШ долларына жетті. Бұл Өзбекстаннан 1,5 есе, Қырғызстаннан 16 есе және Түрікменстаннан шамамен 22 есе жоғары.

ТМД елдерінің ішінде Қазақстан өнеркәсіптік өндіріс көлемі бойынша Ресейден кейінгі екінші орынды иеленіп отыр (Ресей – $1,3 трлн).

Сонымен қатар өңдеу өнеркәсібінде де республика жоғары нәтижелер көрсетуде ($52,2 млрд), бұл көршілес елдердің көпшілігінен артық.

❗️❗️❗️2024 жылы елде жалпы құны 1,3 трлн теңге болатын 180 жоба іске қосылып, 14,4 мың жұмыс орны құрылды.

Негізгі жобалар қатарында:

🔹 Қостанай облысы: шойын құю зауыты (жылына 45 мың тонна)
🔹 Алматы облысы: вольфрам өндіру және өңдеу (жылына 10 мың тонна концентрат)
🔹 Қарағанды облысы: катодты мыс өндіру (жылына 30 мың тонна)
🔹 Ұлытау: алтын өндіру (жылына 1,78 тонна)
🔹 Алматы: жапқыш арматура шығару (жылына 45 мың дана)

❗️❗️❗️2025 жылға жоспар: 190 жоба және 20 мың жаңа жұмыс орны.

Сонымен, 2025 жылы іске қосылуда:

🚗 Автозауыттар:

Алматы: Қытайлық брендтер зауыты (Chery, Changan, Haval, Tank) – жылына 90 мың көлік шығарады

Қостанай: KIA көлік шығаратын зауыт – жылына 70 мың көлік шығарады

🏗️ Металлургия және кен өндіру:

Ақтөбе: Лиманное кен орнын игеру (жылына 1,2 млн тонна кен), инвестиция көлемі – 241,4 млрд теңге, 460 жұмыс орны құрылмақ.

ТОО «ПЗТМ Ltd» рельс дәнекерлеу кәсіпорны: инвестиция – 21,4 млрд теңге, 297 жұмыс орны (825 км темір жол рельсі, 290 мың дана бетон шпал жылына).

Павлодар: ферросилиций зауыты (жылына 240 мың тонна)

Қарағанды: болат құбырлар өндіру (жылына 250 мың тонна) және алюминий радиаторлар шығару (жылына 3,7 млн секция)

📦 Өңдеу өнеркәсібі:
Шымкент: алюминий банкі зауытын жаңғырту (жылына 1,1 млрд банка)

Ірі өнеркәсіптік жобалардың іске асырылуы – Қазақстанның экономикалық саясатының тиімділігін көрсетеді. Өңдеу өнеркәсібін дамыту – ұлттық экономиканың тұрақты өсімі мен бәсекеге қабілеттілігін қамтамасыз етудегі басты бағыт болып қала береді.

Президент Маңғыстау өңіріндегі көлік-логистика инфрақұрылымының даму барысымен танысты

🔵Бүгінде аталған нысандағы көпмақсатты заманауи терминал Шығыс – Батыс, Солтүстік – Оңтүстік бағыттары бойынша тәулік бойы жүк тиеу мен түсіру қызметін ұсынады. Порттың халықаралық көлік дәліздерінің тоғысында орналасуы ұлттық және өңірлік логистиканы нығайтудағы айрықша стратегиялық мәнін көрсетеді.

Көлік министрі Марат Қарабаев өңірде жалпы құны 1,9 триллион теңге болатын 24 инфрақұрылымдық жобаның жүзеге асырылып жатқанын айтты

✔️Былтыр Транскаспий халықаралық көлік дәлізі бойынша жүк тасымалы 62 пайызға өсіп, 4,5 миллион тоннаға жеткен.

✔️Аталған бағытпен 358 контейнерлік пойыз, 27 мың автокөлік жүк тасымалдаған. Экспорт көлемі 3,2 миллион тоннаны құраған. 2028 жылға дейін бұл көрсеткішті 10 миллион тоннаға дейін жеткізу жоспарланып отыр.

✔️Ақтауда контейнерлік хаб салынып жатыр. Бұл жоба порттың жүк өткізу қабілетін 140 мыңнан 240 мың ЖФЭ-ге дейін ұлғайтады.

✔️Мемлекет басшысының тапсырмасына сәйкес, Кендірлі курорты аймағында жаңа әуежайдың құрылысы басталды. Әуежай сағатына 150 жолаушыны қабылдай алады. Кендірліні Алматы және Астана қалаларымен жалғайтын тұрақты әуе рейстерін ашу жоспарланған.

✔️Бұдан бөлек, Орталық – Батыс және Бейнеу – Сексеуіл секілді ауқымды жол құрылысы жобаларын жүзеге асыру көзделген. Соның нәтижесінде басты бағыттардағы логистиканы оңтайландырып, транзит және экспорт жүктерін тасымалдау шығындарын едәуір азайтуға мүмкіндік туады. Атап айтқанда, Астанадан Ақтауға дейінгі жол 800 шақырымға, ал Қорғастан Ақтауға дейінгі арақашықтық 900 шақырымға қысқарады.

❗️Мемлекет басшысы Кендірлі курорты аумағындағы әуежай құрылысын тезірек аяқтауды тапсырды. Президенттің айтуынша, Қазақстанды Еуразияның көлік-логистика хабына айналдыру жолында Маңғыстаудың алатын орны ерекше. Сондықтан оның әлеуетін тиімді пайдалану қажет. Өйткені бұл міндеттің стратегиялық маңызы зор.

👁👁 Президентіміздің бугін берілген тапсырмалар:

‼️ «Самұрық-Қазына» қорына өңірдегі су тапшылығын азайту бойынша нақты шаралар қабылдау тапсырылды.

Қазіргі таңда МАЭК-тің су тұщытатын қуатының жеткіліксіздігіне байланысты тәуліктік тапшылық 23 мың текше метрді құрайды.

‼️ Үкіметке жергілікті атқарушы органдармен бірлесіп жылу желілерін салу және жаңғырту жұмыстарын жалғастыру тапсырылды.
Тұрғын үйлерді жаңғырту және нүктелі құрылыс мәселелерін шешу.

‼️ Жаңаөзендегі газ өңдеу зауытының құрылысын аяқтап, іске қосу мәселесін Үкіметтін бақылауына берілді.

‼️ Облыс әкімдігі өңдеу өнеркәсібі мен жаңа жұмыс орындарын ашатын кәсіпкерлікті дамытуға басымдық беруі қажет.
Әсіресе, «Ақтау теңіз порты» АЭА-ны кеңейту, ШОБ-ты қолдауды күшейту және өндірістік жобаларды бюрократиялық кедергілерсіз жедел жүзеге асыруға ерекше назар аудару тапсырылды.

‼️ Облыс басшылығы туризмді дамыту үшін жағдай жасаумен айналысуы керек.
Осы салаға жеке инвестиция тарту маңызды.

‼️ Қазақстанның Еуразия кеңістігіндегі негізгі транзиттік хаб ретіндегі позициясын күшейту қажет.
Бұл – автожол, теміржол және порт инфрақұрылымын дамыту жобаларын жүзеге асыру арқылы жүзеге асады.
Жаңаөзеннен Түрікменстан шекарасына дейінгі жол учаскелерін жөндеу жұмыстарын бастау қажет.
6 жыл бойы бос тұрған Бейнеу терминалының толыққанды жұмысын қамтамасыз етіп, оның қуатын арттыру керек. Бұл терминалды Каспий маңы елдеріне экспортты қамтамасыз ететін құрлықтағы ауыстырып тиеу кешені ретінде пайдалану қажет.

‼️ Қасым-Жомарт Тоқаев өндірістік кәсіпорындардың экологиялық талаптарды бұлжытпай сақтау қажеттігін атап өтті.
«Сонымен қатар, өңірдегі қоқыс полигондарында 200 мың тоннадан астам қатты тұрмыстық қалдық жиналған. Бұдан бөлек, бейберекет тасталған қоқыстар да бар. Облыста 68 рұқсат етілмеген қоқыс орны тіркелген, оның 60-ы жойылды, 8-і жекеменшік кәсіпкерлердің аумағында орналасқан. Бұл мәселелер тұрғындардың өмір сапасына кері әсер етуде. Үкімет пен облыс әкімдігі бұл проблемаларды шешу үшін түбегейлі және шұғыл шаралар қабылдауы тиіс. Бұл мәселе бойынша Үкімет маған тоқсан сайын есеп беріп отыруы қажет», – деді Мемлекет басшысы.
«Таза Қазақстан» акциясы аясында елді мекендерді абаттандыру жұмыстарын жалғастыру қажет. Ақтауда көбірек ағаш отырғызу керек. Тазалық – халқымызға тән құндылыққа айналуы тиіс», – деді Қасым-Жомарт Кемелұлы.

‼️ Мемлекет басшысы өңірдегі білім сапасын арттырудың маңыздылығына ерекше назар аударды.
«Самұрық-Қазына» қорына облыс әкімдігімен бірлесіп, жайлы мектептер салу жұмысын жеделдету тапсырылды. Сонымен қатар, сапалы стандартты мектептердің құрылысын жалғастыру қажет.

‼️ Үкімет пен облыс әкімдігі оқушылардың қауіпсіздігін қамтамасыз етуді бақылауға алуы тиіс.
Президент денсаулық сақтау саласының деңгейінің төмендігін және мектепте балалардың улану жағдайларын ерекше атап өтті. Әкімдік әлеуметтік қамсыздандыру жүйесімен мұқият айналысуы қажет

🌐🌐🌐 Әлем жаңалықтары қысқаша:

🇮🇱 🇵🇸 Израиль 23 наурызда Газа секторында гуманитарлық ұйымның 15 қызметкерінің қазасы «операциялық түсінбеушілік» салдарынан болғанын мәлімдеді.

Бұл қорытынды Израиль Қорғаныс армиясы жүргізген тергеу нәтижесінде жасалды. Армия батальон командирінің орынбасарын қызметінен босатты. Сенбі күні Биньямин Нетаньяху Израильдің Газада соғысты жалғастырудан басқа амалы болмағанын айтты.

🇧🇯 «Аль-Каида» ұйымының филиалы Бениннің солтүстігінде екі әскери бекетке жасалған шабуылдан 70 сарбазды өлтіргенін мәлімдеді.

Бұл ақпараттар әлі тәуелсіз расталған жоқ. «Аль-Каида» мен «Ислам мемлекеті» ұйымдарымен байланысты топтар соңғы уақытта Бенин мен оның көршісі Тогода бірнеше шабуыл жасаған. Жихадшылар бұл аймақта, яғни Сахельге жақын өңірде, нығая түсуде.

🇻🇦 🇺🇸 Папа Франциск АҚШ вице-президенті Дж. Д. Вэнспен Ватиканда қысқаша кездесу өткізді.

Понтифик Трамп әкімшілігінің көші-қон саясатын сынға алды. Бұған дейін, Пасха жексенбісінде, Франциск Әулие Петр соборының балконынан сенушілерге құттықтау айтты. Өткен айда ол пневмониямен ауруханада емделіп, кейін шыққан болатын.

👨‍⚖️ 🇺🇸 Судья Сэмюэль Алито Жоғарғы соттың Трамп әкімшілігінің Венесуэла азаматтарын Техастан депортациялау жоспарын бұғаттау шешімімен келіспеді.

Ол бұл шешімді «прецедентсіз және заңдылық тұрғысынан күмәнді» деп атады.

🇺🇸 АҚШ-тың бірнеше қаласында мыңдаған адам Трамптың саясатына қарсы шерулерге шықты.

50501 деп аталатын топ ұйымдастырған 400-ден астам митинг өтті. Ұқсас наразылықтар 5 сәуірде де болған. 50501 өзін «демократиялық, конституцияны қолдайтын, билікке қарсы емес, бейбіт халық қозғалысы» ретінде сипаттайды.

🇬🇧 Бирмингем қаласында (Ұлыбритания) қоқысшылар ереуілге шыққаннан кейін жол жиегінде 17 000 тонна қоқыс жиналып қалды.
Қоқыс жинаушылар әкімдіктің штат қысқарту шешіміне байланысты жұмысқа шықпаған.

🇷🇺 🇺🇦 Ресей мен Украина Пасха қарсаңында жарияланған бір күндік атысты тоқтату режимін бұзды деп бір-бірін айыптады, Reuters ақпараты бойынша.

Зеленский бұл аралықты тағы 30 күнге ұзартуды сұрады.
Жақында Миршаймердің сұхбаты жарияланды, онда ол Ресейге атысты тоқтату қажет емес, себебі ол жеңіп келеді деген пікірін білдірді. Ал Украинаға болса, әскер мен қару-жарақты толықтыру үшін қажет.

🇺🇦 Украинада бұрынғы мерзімді әскери қызметкерлерге берілген мобилизациядан босату мерзімі маусымда аяқталады – осыдан кейін оларды майданға жібере бастайды, деп хабарлайды украин БАҚтары.

Киев билігі шақыру ережелерін күшейтуді жалғастыруда.
Мобилизацияға әскери кафедрадан өткендер, запастағы офицерлер және шектеулі жарамдылар да ілігеді.

👔 Трамп Ресей мен Украинаның келесі аптада келісімге келеді деп күтүде:

«Үміттенемін, Ресей мен Украина осы аптада келісімге келеді», – деп жазды Трамп өзінің Truth Social әлеуметтік желісінде.

«Содан кейін екі ел де АҚШ-пен ауқымды бизнес жүргізе бастайды, ол өркендеп, олар байып кетеді!» – деп қосты Трамп. Ол сонымен қатар, өзінің келіссөздер жүргізу тәсілінің тиімділігін еске салды.

АҚШ Запорожье АЭС айналасындағы аумақтарға бейтарап мәртебе беруді ұсынып отыр, деп жазды The Wall Street Journal. Бұл Украинадағы қақтығысты реттеу үшін қажет делінген.

➖ Бұған дейін РФ Сыртқы істер министрлігі Запорожье АЭС-ті Украинаға немесе басқа елге бермейтінін мәлімдеген.

Мемлекет басшысы «Жастар» саябағында ағаш екті

✔️Президент Қасым-Жомарт Тоқаев «Таза Қазақстан» экологиялық фестивалі аясында Астана қаласындағы «Жастар» саябағында экобелсенділермен бірге ағаш екті.

🌳 Айта кетелік, «Бүкіл қазақстандық ағаш егу күні» акциясы аясында еліміз бойынша соңғы үш күнде 4,5 миллионға жуық көшет егіліп, орман алқабымызды толтырды.

Э

🇰🇿🇹🇲Қасым-Жомарт Тоқаев пен Гурбангулы Бердімұхамедов Қожа Ахмет Ясауи кесенесіне зиярат етті

🔵Қазақстан Президенті мен Түрікменстан Халк Маслахатының Төрағасы түркі тілдес елдерге ортақ ең көрнекті рухани және тарихи-мәдени ескерткіштердің бірі, ЮНЕСКО Бүкіләлемдік мұралар тізіміне енген Қожа Ахмет Ясауи кесенесіне барды.

🔵Мәртебелі меймандар әйгілі ойшылдың рухына тағзым етіп, Құран бағыштады. Сондай-ақ кесенеде жүргізіліп жатқан реставрациялық және ғылыми-зерттеу жұмыстарымен танысты.