⚡️Fail bo‘lgan talabalar diqqatiga!

Yakuniy nazorat imtihon natijalariga ko‘ra, ayrim fanlardan yetarlicha o‘tish balini to‘play olmagan va Fail bo‘lgan talabalar avtomatik tarzda qayta topshirish imtihonlariga qoldirilgan.

5-yanvar, dushanba kunidan boshlab universitetda qayta topshirish imtihonlariga ariza yozish boshlanadi.

Qayta topshirish imtihonlariga ariza yozgan talabalar uchun imtihon jarayonlari payshanba yoki juma kuni o‘tkaziladi.

Mana bu havola ostida fanlar kesimida qayta topshirish imtihonlari formati bo‘yicha umumiy ma’lumot qoldirilgan.

👉 @ytittalaba

⚡️“Qayta topshirish imtihonlariga qanday ariza yoziladi?”

Qayta topshirish imtihonlariga ikki xil usulda — onlayn va oflayn tarzda ariza yozish imkoniyati mavjud.

Onlayn ariza yozish uchun mana bu havola orqali ko‘rsatilgan barcha ma’lumotlarni to‘g‘ri ketma-ketlikda to‘ldirish talab qilinadi.

Oflayn ariza yozish uchun universitetning B 106-xonasiga murojaat qilish so‘raladi.

Qayta topshirish imtihonlari faqat oflayn formatda, xuddi yakuniy nazorat imtihonlaridek universitetda topshiriladi.

👉 @ytittalaba

⚡️“Bir vaqtda nechta fan bo‘yicha qayta topshirish imtihonlariga ariza yozish mumkin?”

Bilimingiz va imkoniyatingiz nechta fanga yetsa, shu fanlar doirasida qayta topshirish imtihonlariga ariza yozishingiz mumkin.

Masalan, bir paytning o‘zida 3 ta fandan imtihon topshira olishingizga ishonsangiz, sizga 3 ta fan bo‘yicha imtihon bir vaqtga qo‘yib beriladi.

Ya’ni, har bir fan bo‘yicha 1 soatdan vaqt beriladi va bitta imtihonni topshirib bo‘lganingizdan keyin avtomatik tarzda keyingi imtihonlarga o‘tib ketasiz.

👉 @ytittalaba

⚡️“Men hozir qishki ta’tildaman. Qayta topshirish imtihoniga qachon ariza yozsam bo‘ladi?”

Ayni paytda qishki ta’tilda bo‘lgan talabalar ta’tildan qaytishgandan keyin umumiy semestr davomida qayta topshirish imtihonlariga ariza yozishlari va imtihon jarayonlarida ishtirok etishlari mumkin.

Qishki ta’tildagi talabalar 26-yanvar sanasidan boshlab universitetga qaytishadi.

👉 @ytittalaba

⚡️Qayta topshirish imtihonlarida to‘planishi mumkin bo‘lgan maksimal ball 70 ga teng.

Minimal (o‘tish) bali esa 60 ball. Shuningdek, talabaning semestr davomida fan o‘qituvchisidan olgan bali ham saqlanib qolinadi.

Ya’ni, talabaning fan o‘qituvchisidan olgan bali va qayta topshirish imtihonida to‘plagan bali umumiy hisoblanadi va yakuniy ball shakllanadi.

Ushbu yakuniy natija 60 va undan yuqori ball bo‘lsa, talaba fanni muvaffaqiyatli yopgan hisoblanadi.

Qayta topshirish imtihonlarida yetarli ball ololmagan talabalar pulli (jarima) qayta topshirish imtihonlariga qoldiriladi.

👉 @ytittalaba

⚡️Oxirgi 10 kundan buyon talabalar tomonidan ijaraga uy (kvartira) masalasida kelayotgan murojaatlar ko‘payib qoldi.

Faqatgina yanvar oyi uchun talabalarni ijaraga qo‘yadigan yoki sheriklikka qabul qiladiganlar bo‘lsa, @ytittalaba_reklama_bot manziliga murojaat qiling.

Kelasi haftadan boshlab poytaxtga keladigan viloyatlik talabalar kvartira qidirib ko‘chada sarson qolib ketishmasin!

👉 @ytittalaba

⚡️Prezentatsiya va taqdimotlarni tayyorlashda qiynalayotgan talabalar bo‘lsa, @shohruh6464 profiliga murojaat qiling.

Sizga istalgan fan va yo‘nalish bo‘yicha tezkor, sifatli va zamonaviy dizayndagi
prezentatsiyalarni tayyorlashda yordam beramiz!

Telegram kanal: @kiutppt

👉 @ytittalaba

⚡️Qayta topshirish imtihonlariga onlayn ariza yozish uchun havola:

ONLINE RETAKE REGISTRATION

Havola orqali barcha kerakli ma’lumotlarni to‘g‘ri ketma-ketlikda to‘ldirgan talabalar uchun qayta topshirish imtihonlari qo‘yib beriladi.

Agarda ma’lumotlar to‘g‘ri tartibda to‘ldirilsa, student.kiut.uz saytidagi “Exam Schedule” bo‘limida imtihon ma’lumotlari joylashtiriladi.

Imtihon jarayonlari oflayn tarzda tashkil etiladi va talaba bu imtihonda qatnashish uchun universitetga borishi shart.

Agarda talaba o‘zi uchun belgilangan imtihonga bormasa, avtomatik tarzda pulli (jarima) qayta topshirish imtihoniga qoldiriladi.

👉 @ytittalaba

⚡️Mazkur ovozli xabarda quyidagi savollarga javob berib o‘tishga harakat qildim:

“5-yanvar sanasidan boshlab qayta topshirish imtihonlariga ariza yozish shartmi?”

“Tekin qayta topshirish imkoniyati pulliga o‘zgarib qolmaydimi?”

Ovozli xabarni diqqat bilan eshiting va savollarga tegishli javobni oling!

👉 @ytittalaba

⚡️Reklama joylashtirmoqchimisiz?

Endi bu yanada oson va qulay!

Mazkur @ytittalaba kanali orqali quyidagi reklama e’lonlarini joylashtirishingiz mumkin:

🏛O‘quv markazlar
👨‍🏫Onlayn kurslar
💼Ish e’lonlari
🏘Ijaraga kvartiralar
🏫Ta’limga aloqador sohalar

Sahifamiz orqali reklamangiz keng auditoriyaga yetib boradi!

Reklama narxlari: Havola
Murojaat uchun: @ytittalaba_reklama_bot

👉 @ytittalaba

⚡️Ertaga, 5-yanvar sanasidan sirtqi ta’lim shaklining 2- va 3-kurs talabalari uchun universitetda oflayn darslar boshlanadi.

Lekin, ayrim viloyatlik talabalarda hali ham kvartira bilan bog‘liq muammo bor ekan. Ayniqsa, dars mashg‘ulotlari M va MA binolarida bo‘ladigan talabalarda.

Talabalarni ijaraga qo‘yadigan yoki sheriklikka oladiganlar bo‘lsa zudlik bilan @ytittalaba_reklama_bot manziliga murojaat qiling.

Mazkur talabalar faqat yanvar oyida poytaxtda bo‘lishadi. Ijara to‘lovi ham faqat bir oy uchun amalga oshiriladi.

👉 @ytittalaba

⚡️Siz bilishingiz kerak bo‘lgan muhim ma’lumotlar!

“Fail“ bu — yakuniy nazorat imtihon natijalari bo‘yicha yetarlicha ball to‘planmagan va yopilmagan fan(lar)

“Retake” bu — fanni o‘zlashtira olmagan talabalar uchun qayta imtihon (imkoniyat)

“GPA” bu — ta’lim oluvchining dastur (yoki tegishli semestr) bo‘yicha o‘zlashtirgan ball’arining o‘rtacha ko‘rsatkichi

“Kredit” bu — ta’lim olish natijalariga ko‘ra, talaba tomonidan muayyan fan bo‘yicha o‘zlashtirgan o‘quv yuklamasining o‘lchov birligi

“Transkript” bu — ta’lim olishning tegishli davrida o‘zlashtirilgan kreditlar va baholarning harf va raqamlardagi ifodasi ko‘rsatilgan hujjat.

👉 @ytittalaba

⚡️Bugun, 5-yanvar sanasidan boshlab sirtqi ta’lim shaklining 2- va 3-bosqich talabalari uchun oflayn darslar boshlanadi.

Talabalar o‘z guruhlari uchun belgilangan bino va vaqtda umumiy dars jarayonlarida ishtirok etishlari so‘raladi.

Shuningdek, bugundan akademikqarzdor talabalar uchun qayta topshirish imtihonlariga ariza yozish boshlanadi.

Ariza yozish uchun universitetning B 106-xonasiga murojaat qilishingiz mumkin. Ariza yozgan talabalar uchun imtihon jarayonlari imtihon shakliga qarab payshanba yoki juma kuni bo‘lib o‘tadi.

👉 @ytittalaba

⚡️Talabalar diqqatiga!

Akademikqarzdor talabalar qayta topshirish imtihonlariga ariza yozish uchun universitetga borishlari shart emas.

Mana bu havola orqali barcha kerakli ma’lumotlarni to‘g‘ri ketma-ketlikda to‘ldirgan talabalar uchun qayta topshirish imtihoni qo‘yib beriladi.

Shuningdek, agarda talaba pulli (jarima) qayta topshirish imtihonlariga qolgan bo‘lsa, mazkur to’lovni onlayn tarzda amalga oshirishi mumkin.

Buning uchun Xalq bankining “Xazna” ilovasini yuklab olish kifoya. Mana bu yerda batafsil ma’lumotlar ko‘rsatib o‘tilgan.

👉 @ytittalaba

⚡️10 kunlik marafon⚡️

⏰Soat 16:30⏰

10 kunlik marafon.

Mavzular:

✨말하기 - fishkalar✨
✨듣기 tez tushunish✨
✨읽기 tez o'qish✨
✨쓰기 70+ ball✨

Ustoz:
- TOPIK 6✅
- Top Univer bitiruvchisi✅
- 22 yoshda 2ta bakalvr✅

Koreyaliklar ham bo'ladi.

Qo'shilish: @Koreya_Ga

⚡️GPA (Grade Point Average) bo‘yicha ayrim ma’lumotlar!

Toshkent Kimyo xalqaro universitetida eng yuqori GPA ko‘rsatkichi 5.0 ga teng.

Talaba universitetda mavjud ichki grant va stipendiya tanlovlarida ishtirok etishi uchun eng kamida 3.5 GPA ko‘rsatkichiga ega bo‘lishi kerak.

Talaba universitetni bitirishi va diplom olishi uchun eng kamida 3.0 GPA ko‘rsatkichiga ega bo‘lishi shart.

Talaba universitetni imtiyozli qizil diplom bilan bitirishi uchun eng kamida 3.96 va undan yuqori GPA ko‘rsatkichiga ega bo‘lishi lozim.

Toshkent Kimyo xalqaro universitetining magistratura mutaxassisliklariga hujjat topshirish uchun eng kamida 3.1 GPA ko‘rsatkichiga ega bo‘lish talab qilinadi.

Talabalar ayni paytdagi o‘z GPA natijalarini student.kiut.uz saytidagi “GPA” bo‘limi orqali bilib olishlari mumkin.

GPA ko‘rsatkichi talabalarning yakuniy va qayta topshirish imtihonlarida to‘playdigan natijalariga qarab muntazam o‘zgarib boradi.

👉 @ytittalaba

⚡️Bugundan universitetda sirtqi ta’lim shakli talabalari uchun oflayn dars mashg‘ulotlari boshlandi.

Oflayn dars mashg‘ulotlari umumiy 2 hafta davom etadi. Talabalar ushbu darslar davomida fan o‘qituvchilaridan ball olishga harakat qilishlari kerak.

Talabalar 19-yanvar, dushanba kunidan boshlab yakuniy nazorat imtihonlarida ishtirok etishadi.

cabinet.kiut.uz sayti orqali test shaklida topshiriladigan fanlar bo‘yicha yakuniy nazorat imtihonlariga tayyorgarlik ko‘rish mumkin.

👉 @ytittalaba

⚡️Kunduzgi va kechki ta’lim shakli talabalari yana 3 hafta davomida qishki ta’tilda bo‘lishadi.

Mazkur talabalar uchun 2026-yildagi dars mashg‘ulotlari 26-yanvar sanasidan boshlanadi.

👉 @ytittalaba

⚡️“Men qayta topshirish imtihoniga ariza yozdim. Imtihon qachon bo‘ladi?”

Odatda test va yozma shaklda topshiriladigan fanlar bo‘yicha qayta topshirish imtihonlari payshanba kuni, loyiha ishi shaklida topshiriladigan fanlar bo‘yicha qayta topshirish imtihonlari juma kuni bo‘lib o‘tadi.

Shuningdek, istalgan haftaning dushanba kunida yozilgan arizalar uchun mazkur haftaning payshanba yoki juma kuni imtihon tashkil etiladi.

Dushanbadan tashqari haftaning boshqa kunlarida yozilgan arizalar uchun imtihon jarayonlari keyingi haftaning payshanba yoki juma kuni o‘tkaziladi.

Masalan, 5-yanvar, dushanba kuni ariza yozgan talabalar uchun qayta topshirish imtihonlari, imtihon shakliga qarab 8-yanvar payshanba yoki 9-yanvar juma kuni bo‘lib o‘tadi.

Qayta topshirish imtihonlariga onlayn arizalar haftaning istalgan kunida qabul qilinadi. Oflayn ariza yozish uchun dushanba — juma kunlari universitetning B 106-xonasiga murojaat qilishingiz mumkin.

👉 @ytittalaba

⚡️Bitiruvchi bosqich talabalari uchun eslatma!

Joriy yilning 12-yanvar sanasidan universitetning kunduzgi va kechki ta’lim shakli bitiruvchilari amaliyot jarayonlarini boshlashadi.

Amaliyot jarayonlari umumiy 8 hafta davom etadi va 8-mart sanasida to‘liq yakunlanadi.

Amaliyot jarayonlari yakunlangach bitiruvchilar amaliyot hisobotini topshirishadi va mazkur hisobot bo‘yicha baholanishadi.

Amaliyot hisoboti tegishli kafedra va amaliyot uchun tayinlangan rahbarga uchrashgan holda topshiriladi.

👉 @ytittalaba