⚡️Bitiruvchilar diqqatiga!

Joriy yilning 8-mart sanasida kunduzgi va kechki ta’lim shaklining bitiruvchi bosqich talabalari uchun amaliyot jarayonlari yakunlanadi.

Amaliyot jarayonlari yakunlangach bitiruvchilar amaliyot hisobotini topshirishadi va mazkur hisobot bo‘yicha baholanishadi.

Amaliyot hisoboti tegishli kafedra va amaliyot uchun tayinlangan rahbarga uchrashgan holda topshiriladi.

Diqqat: amaliyotdan olinadigan ball bevosita yakuniy GPA natijasiga ta’sir qiladi. Universitetni imtiyozli (qizil) diplom bilan bitirishni maqsad qilgan talabalar amaliyotni imkon qadar yuqori ball bilan yopishga harakat qiling.

Shuningdek, amaliyotni o‘z vaqtida yoping. Chunki, amaliyotni belgilangan vaqtda yopmagan bitiruvchida qarzdorlik paydo bo‘ladi va mazkur toifadagi bitiruvchilarga diplom berilmaydi.

👉 @ytittalaba

🇰🇷Koreyaga yo‘l endi bir qadam!

Men Abdurahmonov Shaxzod, yoshim 23 da. 2025-yil Toshkent Kimyo xalqaro universiteti hamda Janubiy Koreyaning Hanyang universiteti bitiruvchisiman.

Koreys tilidan TOPIK 6 darajasiga egaman va hozirgi kunga qadar ko‘plab yoshlarga koreys tilidan onlayn darslar berib kelmoqdaman.

🎓Shuningdek, Janubiy Koreya universitetlarida o‘qish istagida bo‘lgan talabalar uchun hujjat topshirish jarayonlari va grant dasturlari bo‘yicha amaliy yordam beraman.

Agarda siz ham koreys tilini o‘rganish va Koreyada o‘qishni xohlasangiz, unda Telegram’dagi shaxsiy kanalimga obuna bo‘lishingiz mumkin.

🏃Kanal havolasi: @Koreya_Ga

Bu yerda siz uchun kerak bo‘ladigan eng muhim ma’lumotlarni berib boraman!

👉 @ytittalaba

⚡️Kunduzgi va kechki ta’lim shakli talabalari uchun muhim sanalar!

08.03.2026 — bitiruvchi bosqich talabalari uchun amaliyot mashg‘ulotlari yakunlanadi

27.04.2026 — bitiruvchi bosqich talabalari uchun yakuniy davlat attestatsiya imtihonlari boshlanadi

08.05.2026 — 2-semestrga mo‘ljallangan o‘quv mashg‘ulotlari to‘liq yakunlanadi

11.05.2026 — 2-semestr yakuni bo‘yicha nazorat imtihonlari boshlanadi

24.05.2026 — yakuniy nazorat imtihonlari to‘liq yakunlanadi va yozgi ta’til boshlanadi.

👉 @ytittalaba

⚡️Kanalda reklama joylashtirish masalalari bo‘yicha @ytittalaba_reklama_bot manziliga murojaat qilishingiz mumkin.

Ta’limga aloqador va talabalarga foydali bo‘lgan barcha turdagi reklamalarni qabul qilamiz.

Mana bu havola ostida reklama joylashtirish shartlari va narxlari ko‘rsatib o‘tilgan.

👉 @ytittalaba

⚡️Akademikqarzdor talabalar qayta topshirish imtihonlariga newcabinet.kiut.uz sayti orqali onlayn tayyorgarlik ko‘rish imkoniyati mavjud.

Sayt orqali tegishli ilovani yuklab olasiz va o‘zingizga kerakli fanlar nomini izlab, umumiy imtihon jarayonlariga tayyorgarlik ko‘rishingiz mumkin.

Ilova test rejimida ishlamoqda va ayni paytda to‘ldirilishi kerak bo‘lgan kamchiliklari bor. Mazkur kamchiliklar bosqichma-bosqich to‘g‘rilanib boriladi.

Ilovani quyidagi havola orqali yuklab olishingiz mumkin:

Play Market | App Store

Ma’lumot uchun: akademikqarzdor talaba — bu ayrim fanlardan yetarlicha o‘tish balini to‘play olmagan va Fail bo‘lgan talaba.

👉 @ytittalaba

⚡️“Moodle platformasiga qanday kiriladi?”

Moodle platformasiga kirish uchun quyidagi tartibdan foydalaniladi:

Foydalanuvchi nomi: ID karta raqamingiz
Parol: Pasport seriya va raqamingiz

Kunduzgi va kechki ta’lim shakli talabalari uchun: intranet.kiut.uz
Sirtqi va masofaviy ta’lim shakli talabalari uchun: lms.kiut.uz

Talabalar Moodle platformasiga kirish orqali o‘quv-qo‘llanmalar va prezentatsiyalar bilan tanishib chiqishlari mumkin.

👉 @ytittalaba

⚡️Abituriyentlar diqqatiga!

Nodavlat universitetlarga hujjat topshirish uchun yagona my.oliygoh.uz qabul platformasi ishga tushdi.

Endilikda mazkur platforma orqali nodavlat universitetlarga ariza topshirish, hujjat yuklash va qabul jarayonini kuzatib borish imkoniyati mavjud.

Platformaning qulayliklari:

— Bir nechta universitetga bir joydan ariza topshirish
— Hujjatlarni onlayn yuklash (pasport, diplom, sertifikat va boshqalar)
— Ariza holatini real vaqt rejimida kuzatish
— Qabul natijalari va xabarlarni shaxsiy kabinetda olish
— Shaffof va tezkor ko‘rib chiqish jarayoni

Ayni paytda my.oliygoh.uz platformasi test rejimida faoliyat yuritmoqda. Bu bosqichda tizim muntazam takomillashtirilib, qo‘shimcha funksiyalar yaratib boriladi.

Manba

👉 @ytittalaba

⚡️Talabalar uchun kerak bo‘ladigan eng muhim saytlar va mazkur saytlarga kirish tartibi haqida batafsil!

Shaxsiy kabinetga kirish uchun havola:
student.kiut.uz

📥 Saytga kirish tartibi

Moodle platformasiga kirish uchun havola:
Kunduzgi va kechki ta’lim — intranet.kiut.uz
Sirtqi va masofaviy ta’lim — lms.kiut.uz

📥 Platformaga kirish tartibi

Kontrakt shartnomasini yuklab olish uchun havola:
contract.kiut.uz

📥 Saytga kirish tartibi

Test shaklidagi yakuniy va qayta topshirish imtihonlariga tayyorlanish uchun havola:
cabinet.kiut.uz

📥 Platformaga kirish tartibi

HEMIS tizimiga kirish uchun havola:
talaba.kiut.uz

📥 Tizimga kirish tartibi

Davomatni onlayn tarzda tekshirib borish uchun havola:
attendance.kiut.uz

📥 Saytga kirish tartibi

👉 @ytittalaba

⚡️Universitet rektoriga taklif va murojaatlarni yo‘llash uchun maxsus @kiut_rector_bot ishga tushibdi.

Odatda botlarga yoziladigan murojaatlarga javob berilmaydi. Shuning uchun, ushbu kanalda o‘zimning ayrim murojaatlarimni post ko‘rinishida yo‘llamoqchiman. Jumladan:

1. Avvalo, universitetga qabul jarayonlarini biroz tartibga keltirib, abituriyentlarni imtihon orqali saralab olish tizimini yo‘lga qo‘yishni taklif qilardim.

Sababi, universitetga hujjat topshiradigan abituriyentning ta’lim yo‘nalishiga doir eng bazaviy bilimlari tekshirilishi kerak, deb hisoblayman.

2. Universitet call-center markazidagi xodimlarni tubdan yangilashni taklif qilardim. Universitet o‘z faoliyatini boshlagandan buyon call-center tizimi juda rasvo tarzda ishlaydi.

Juda ko‘p abituriyent va talabalar, jumladan shaxsan o‘zim ham call-center xizmatidan qoniqmaganman, savollarimga tegishli javoblarimni olmaganman.

3. Dekanat va kafedrada ishlaydigan xodimlarning talabalarga nisbatan munosabatiga jiddiy e’tibor berish va xodimlar faoliyatini qaytadan tekshirishni taklif qilardim.

Ayrim “bo‘yni cho‘zilgan” xodimlarning muomalasi hattoki insoniylik jihatiga ham to‘g‘ri kelmaydi. Ularni yerga qaytarish yoki universitetdan chetlashtirish chorasini ko‘rish kerak, deb o‘ylayman.

4. Universitet bitiruvchilarining keyingi faoliyati qanday davom etishini nazorat qiladigan va bitiruvchilar bilan ishlaydigan alohida bo‘lim tashkil etishni taklif qilardim.

Universitet har yil minglab bitiruvchilarni mehnat bozoriga chiqaradi. Bitiruvchilar haqida qayg‘uradigan tizimning yaratilishi bitiruvchilar uchun yordam bo‘lishi mumkin.

Men 2025-yil universitetni bitirdim. Universitet faoliyati va u yerdagi tizim haqida juda yaxshi tanishman, shuning uchun bu murojaatlarni post ko‘rinishida taqdim etdim.

Kanalni ko‘plab universitet xodimlari ham kuzatishadi, buni bilaman. O‘ylaymanki, ushbu murojaatlarim ularga, xususan rektorga ham yetib boradi.

👉 @ytittalaba

⚡️Kanal faoliyatini moliyaviy qo‘llab-quvvatlash uchun karta raqam: 9860160639267048

Mazkur kanal sizga o‘xshagan oddiy universitet talabasi tomonidan yuritiladi va hech qanday moliyaviy quvvatlanmaydi.

Siz amalga oshiradigan ixtiyoriy donat summalari kanalning keyingi faoliyati uchun juda katta yordam bo‘ladi.

Rahmat!

👉 @ytittalaba

⚡️Universitetning tibbiyot yo‘nalishida tahsil oladigan talabalari uchun Navro‘z bayrami arafasida sayl tashkil etilar ekan.

Sayl dasturida sumalak pishirish, o‘yin-kulgi, turli musobaqalar hamda talabalar uchun konsert dasturi o‘tkazilishi rejalashtirilgan ekan.

Navro‘z sayli o‘tkaziladigan sana va vaqti tez orada e’lon qilinadi.

👉 @ytittalaba

⚡️Endilikda qayta topshirish imtihonlariga arizalar universitetning A 305-xonasida ham qabul qilinar ekan.

Ya’ni, akademikqarzdor talabalar qayta topshirish imtihonlariga ariza yozish uchun B 106-xona yoki A 305-xonaga murojaat qilishlari mumkin.

Shuningdek, mana bu havola orqali qayta topshirish imtihonlariga onlayn arzia to‘ldirish imkoniyati ham mavjud.

👉@ytittalaba

⚡️Universitetning Samarqand filiali bitiruvchilari diqqatiga!

Aytishlaricha, Toshkent Kimyo xalqaro universitetining Samarqand filiali bitiruvchilaridan imtiyozli (qizil) diplom olishlari uchun 4.50 va undan yuqori GPA ko‘rsatkichi talab qilinyapti ekan.

Universitet xodimlari va o‘quv bo‘limi rahbari ham mazkur ma’lumotni tasdiqlab beryapti.

Ammo, universitet ichki tartib-qoidalarida bunday ma’lumot belgilanmagan. Universitetning amaldagi ichki tartib-qoidasiga ko‘ra, imtiyozli (qizil) diplom uchun quyidagi talab qo‘yilgan:

“Yakuniy GPA ko‘rsatkichi 3.96 — 5.00 orasida bo‘lgan talabaga HONOURS darajasi beriladi va imtiyozli (qizil) diplom topshiriladi”.

Mazkur tartib universitet baholash me’zonlari 5.00 lik tizimga o‘tgandan keyin kuchga kirgan.

Ya’ni, bitiruvchi talabaning eng yakuniy GPA ko‘rsatkichi 3.96 va undan yuqori bo‘lsa, unga qizil diplom berilishi kerak.

Agarda universitet filiallarida alohida ichki tartib-qoidalar mavjud bo‘lsa, talabalar bu bo‘yicha ogohlantirishi shart.

👉 @ytittalaba

⚡️“Kimlarga diplom berilmaydi?”

Universitet ichki tartib-qoidalari bo‘yicha, quyidagi bitiruvchilarga diplom topshirilmaydi:

— Kontraktdan qarzdorlik bo‘lsa
— Fanlardan akademikqarzdorlik (Fail) bo‘lsa
— Amaliyot hisobotidan qarzdorlik bo‘lsa
— Yakuniy GPA natijasi 0.00 — 2.99 orasida bo‘lsa
— Yakuniy fanlararo attestatsiya imtihoni yoki bitiruv malakaviy diplom ishidan o‘ta olmasa.

Yuqoridagi kamchiliklardan biri yoki barchasi mavjud bo‘lgan bitiruvchi diplom olmaydi.

👉 @ytittalaba

⚡️Kanalda reklama joylashtirish masalalari bo‘yicha @ytittalaba_reklama_bot manziliga murojaat qilishingiz mumkin.

Ta’limga aloqador va talabalarga foydali bo‘lgan barcha turdagi reklamalarni qabul qilamiz.

Mana bu havola ostida reklama joylashtirish shartlari va narxlari ko‘rsatib o‘tilgan.

👉 @ytittalaba

⚡️Talabalar uchun kerak bo‘ladigan eng muhim saytlar!

Shaxsiy kabinetga kirish uchun sayt — student.kiut.uz

Moodle platformasiga kirish uchun sayt — intranet.kiut.uz (kunduzgi va kechki ta’lim), lms.kiut.uz (sirtqi ta’lim)

HEMIS tizimiga kirish uchun sayt — talaba.kiut.uz

Kontrakt shartnomasini yuklab olish uchun sayt — contract.kiut.uz

Davomatni onlayn tarzda tekshirib borish uchun sayt — attendance.kiut.uz

Test shaklidagi yakuniy nazorat imtihonlari va Retake imtihonlariga onlayn tarzda tayyorgarlik ko‘rish uchun sayt — newcabinet.kiut.uz

Yo‘qotilgan yoki yangilanishi kerak bo‘lgan talabalik ID kartasini olish uchun ariza qoldiriladigan sayt — id.kiut.uz

👉 @ytittalaba

⚡️Joriy yilidan boshlab tibbiyot yo‘nalishida super-kontrakt bekor qilinishi mumkin

Bu bo‘yicha qaror loyihasi jamoatchilik muhokamasiga qo‘yildi.

Loyihaga ko‘ra, bakalavriat ta’lim yo‘nalishlari, klinik ordinatura va magistratura mutaxassisliklari har bir o‘quv modulining akademik ko‘rsatkichlarini o‘zlashtirishda, shuningdek davlat imtihonlarida minimal o‘tish ballari shifokor mutaxassisliklari uchun 70 foiz, o‘rta tibbiy xodim mutaxassisliklari uchun esa 60 foiz etib belgilanishi kutilmoqda.

Bu nima degani?

Endilikda shifokor bo‘lishni xohlagan abituriyentlar bakalavriat bosqichida kontraktga kirish uchun test sinovlarida eng kamida 132,3 ballni olishi kerak.

Manba

👉 @ytittalaba

⚡️“Bitiruvchilar qachon diplom olishadi?”

Universitetni muvaffaqiyatli bitirgan va imtihonlardan o‘z vaqtida o‘tgan bitiruvchilar uchun diplomlar taxminan iyun oyi oxiri yoki iyul oyi o‘rtasida berilishi mumkin.

Dastavval diplomlarning elektron nusxasi taqdim etiladi, undan keyin haqiqiy (qog‘oz) diplomlar tantanali tarzda topshiriladi.

Bitiruvchilarning diplomlari universitet rahbariyati va vazirlik tomonidan tasdiqlanadi hamda diplom ma’lumotlari barcha rasmiy saytlarga kiritiladi.

Jumladan, talaba.kiut.uz, my.gov.uz va diplom.edu.uz saytlari orqali diplom ma’lumotlarini ko‘rish imkoniyati yaratiladi.

Agarda o‘z o‘qishini davlat universitetlarining magistratura yoki ikkinchi mutaxassislik yo‘nalishlarida davom ettirmoqchi bo‘lgan talabalar bo‘lsa, mazkur jarayonlarga bemalol ulgurasiz.

👉 @ytittalaba

⚡️Diplom ma’lumotlari tayyor bo‘lgan talabalar HEMIS tizimidagi talaba.kiut.uz sayti orqali diplom ma’lumotlarini tekshirishlari mumkin.

Dastavval saytdagi “Diplomni tekshirish” bo‘limi tanlanadi. Undan keyin, pasport yoki fuqarolik ID kartasidagi 14 talik JSHSHIR raqami kiritiladi.

Agarda saytga barcha ma’lumotlar to‘g‘ri ketma-ketlikda kiritilsa va hech qanday ma’lumot topilmasa, unda bitiruvchining ma’lumotlari hali bazaga qo‘shilmagan yoki jarayon bosqichida bo‘ladi.

👉 @ytittalaba

⚡️HEMIS tizimidagi talaba.kiut.uz saytida bitiruvchilarning diplom ma’lumotlari mana shu tarzda joylashtirilgan bo‘ladi.

Mazkur rasmdagi namuna menga tegishli. Men o‘tgan 2025-yilda universitetning “Turizm” yo‘nalishini imtiyozli (qizil) diplom bilan bitirganman.

Diplom toifasi degan bo‘limda “Imtiyozli” yozilgan bo‘lsa, bu qizil diplom. “Oddiy” deb yozilgan bo‘lsa, bu ko‘k diplom hisoblanadi.

Shuningdek, ushbu sayt orqali diplom va diplom ilovasining elektron shaklini ham yuklab olish mumkin.

👉 @ytittalaba