⚖️ Суд адолати – жазо оғирлигида эмас, асосли қарорда

Бугун Жиноят ишлари бўйича Навоий вилояти судида режалаштирилган суд мажлиси кун тартибида муҳим масала муҳокама қилинмоқда.

Ўзбекистон Республикаси Олий суди Пленумининг 03.02.2006 йилдаги “Судлар томонидан жиноят учун жазо тайинлаш амалиёти тўғрисида”ги қарорининг 5-бандида, қонун нормаси санкциясида альтернатив жазолар мавжуд бўлган ҳолларда, ҳукмда озодликдан маҳрум қилиш билан боғлиқ жазони қўллаш зарурлиги тўғрисидаги масала муҳокама этилиши шарт эканлиги белгилаб қўйилган.

Ҳимоямиздаги иш бўйича Ўзбекистон Республикаси ЖКнинг 182-моддаси 2-қисми санкциясида базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилгача ахлоқ тузатиш ишлари ёхуд беш йилдан саккиз йилгача озодликдан маҳрум қилиш билан боғлиқ альтернатив жазолар мавжуд бўлса-да, биринчи инстанция суди ўз ҳукмида судланувчилар учун айнан нима сабабдан жарима ёки ахлоқ тузатиш ишлари жазосини қўллаш ўрнига, озодликдан маҳрум этиш билан боғлиқ жазони қўллаш зарур деб топилганини асослаб бермаган.

Натижада, суд судланувчиларга озодликдан маҳрум этиш жазосини қўллашни лозим топган.

Бу билан эса Ўзбекистон Республикаси Олий суди Пленумининг 03.02.2006 йилдаги “Судлар томонидан жиноят учун жазо тайинлаш амалиёти тўғрисида”ги қарорининг 5-банди талаблари четлаб ўтилган.

Гарчи осмонимиз битта, худудимиз битта, қонунимиз битта бўлсада, бироқ мазкур модда бўйича ҳудудларда озодликдан маҳрум этиш билан боғлиқ бўлмаган жазо амалиёти қўлланилаётган бир вақтда биргина Навоий вилоятида ўзгача ёндашув борлиги таажублидир.

Бу турдаги жиноятлар кўпайиб кетди, қамасам улар ҳушёр тортади, деган ёндашув билан адолат ўрнатилмайди. Балки судья адолат фақат беғараз ва асосли қарор қабул қилингандагина адолат саналишини ўз шиори деб билиши лозим.

Ҳукмдан сўнг беш ой ўтди, ўз уйидан юзлаб чақирим нарида жазо ўтаетган маҳкумлар ўзларига тўғри хулоса чиқаришгандир, лекин 4 нафар вояга етмаган фарзандари қир ва адир ошиб ҳар ой уларни олдига, дақиқалик кўришиб олиш учун ҳам узундан узоқ навбат кутишлари билан жазони мақсади ўзини оқлаган бўлса ажаб эмас.

Ҳар қалай, Жиноят ишлари бўйича Навоий вилояти судидан адолат изладик…

Дўстларга улашамиз ✅
@Himoyachi1981

https://t.me/milliy_oyin_bot?startapp=ref_1180317284

Men bilan shashka oʻyna!