🗣Ақжарқын Тұрлыбайды елге қайтару үшін жұмыс жүргізіліп жатыр. Бұл туралы бас прокурордың орынбасары Ғалымжан Қойгелдиев айтты.

Еске салсақ, Ақжарқын Тұрлыбай 2014 жылы Гуанчжоу әуежайында ұсталды. Ол есірткі контрабандасы үшін айыпталып, өмір бойына бас бостандығынан айырылған. 2015 жылы Қазақстанның Ішкі істер министрлігі Ақжарқынды есірткі қылмысына алдап итермелеген Нигерия азаматына қатысты қылмыстық іс қозғады.

2022 жылғы 20 маусымда Ақжарқын Тұрлыбайдың адвокаты Сұңқар Нұрмағамбетов күдікті Нигерия азаматы шетелде ұсталғанын хабарлады. Бұған дейін оған халықаралық іздеу жарияланған болатын.

https://t.me/halyquni

🗣Шерзат Болаттың әкесіне қатысты қылмыстық іс қозғалмаған

Бұл туралы бас прокурордың орынбасары Ғалымжан Қойгелдиев айтты.

«Талғар ауданындағы адам өліміне тоқталайын. Іс қырағы бақылауда. Күдіктілер ұсталып, оларға айып тағылды. (Марқұм Шерзат Болаттың) әкесінің үстінен қылмыстық іс қозғалмаған. Үйді өртеу дерегі бойынша іс тергеліп жатыр. Сараптамалар тағайындалды. Жұмыс жүргізіліп жатыр», - деді Ғалымжан Қойгелдиев.

Айта кетейік, биыл 4 қазанға қараған түні Алматы облысы Талғар қаласында төбелес болып, 16 жастағы Шерзат Болат көз жұмған еді. 12 қазанда марқұмның отбасы тұрған үйді белгісіз біреулер өртеп кетті.

Полиция 5 бап бойынша қылмыстық істі тіркеді. 11 күдікті ұсталды.

https://t.me/halyquni

🗣Халықаралық іздеу жарияланған қазақстандық Ыстамбұлда ұсталды

Былтыр жазда ер адам таныстарымен бірге Сарыағаш қаласындағы дәмханалардың бірінде болып, келушімен жанжалдасқан. Салдарынан күдікті ер адамды пышақтап, мекеменің мүлкін бүлдірген.

Күдіктіні Ішкі істер министрлігінің сұрауы бойынша Интерпол ұлттық орталық бюросы ұстаған.

Қазір ол Қазақстанға жеткізілді.

https://t.me/halyquni

🗣Тоқаев Қарағанды облысының әкіміне сөгіс берді

Ермағанбет Бөлекбаевқа жылыту маусымына дайындық жұмыстарына тиісінше бақылау жасамағаны үшін сөгіс берілді.

https://t.me/halyquni

🗣Кассациялық судья, тариф, жалақы және қарақұрт. Елімізде қарашада не өзгереді?

🔸Кассациялық сот судьяларының талаптары белгіленді

🔸Кей өңірде электр энергиясы тарифі қымбаттайды

🔸Бірқатар металл түрінің экспортына тыйым салынады

🔸Орман, балық және аңшылық саласы қызметкерлеріне қосымша үстемеақы белгіленеді

🔸Әлеуметтік қызметкерлер аттестаттацияда тестілеуден өтпейді

🔸Қарақұртпен күрес шаралары бекітілді

🔸Балалар санаторийлерінің ережесі өзгереді

🔸ІІМ оқу орындарының қағидалары өзгереді

🔸Адам саудасына ұшырағандарға көмек пен қызмет көрсету қағидалары бекітілді

Толығырақ

https://t.me/halyquni

🗣«Хутор» қылмыстық тобын басқаруы мүмкін деген Хасан Қасымбаев ұсталды

2024 жылғы 2 қарашада Қ. атты азамат адамның денсаулығына қасақана ауыр зиян келтірді және ұрлады деген күдікке ілініп, уақытша ұстау изоляторына қамалды. Ол бұл әрекетті 2021 жылғы маусымда жасаған, - деп жазылған Алматы облысы ПД таратқан хабарламада.

Қазір қылмысты жан-жақты, толық және объективті зерттеу үшін тергеу әрекеті кешенді жүргізіліп жатыр.

Іс материалдары бұлтартпау шарасын санкциялау үшін сотқа жіберілді.

Айта кетейік, Шерзат Полаттың қазасынан кейін әлеуметтік желіде Хасан Қасымбаевтың «Хутор» қылмыстық топтың басшысы деген ақпарат тараған еді. Алайда полиция Талғарда қандай да бір ұйымдасқан қылмыстық топтың бар екенін жоққа шығарды.

https://t.me/halyquni

🗣Ливаннан 41 қазақстандық елге жеткізілді

Сыртқы істер министрлігінің мәлімдеуінше, аталған операция Ыстамбұл және Дубай арқылы ұйымдастырылып, 17-31 қазан аралығында Бейруттан Астана мен Алматыға 41 адам аман-есен жеткізілген.

Айта кетейік, бұған дейін Таяу Шығыстағы жағдайдың ұшығуына байланысты министрлік қазақстандықтарға аталған өңірдегі ахуал тұрақтанғанға дейін Израиль мен Ливанға барудан уақытша бас тартуға кеңес берген еді.

https://t.me/halyquni

🗣Банкке қарызы бар қазақстандықтардың саны 9 млн-ға жуықтады

Қазанның басындағы жағдай бойынша еліміздегі әр түрлі несие ұйымындағы жеке тұлғалардың жалпы несие портфелі 22,7 трлн теңгеге жеткен. Бұл қатарда банктер, микроқаржы ұйымдары, ломбардтар бар. Бірінші несие бюросының жазуынша, оның ішінде негізгі қарыз, есептелген сыйақы және есептен шығарылған келісімшарттар да бар.

Жалпы қарыз алушылар саны қазір 8 млн 935 мың адамға жеткен.

Кепілсіз тұтынушылық несиелерге келсек, оның портфелі 11,15 трлн теңгеге жеткен.

Толығырақ

https://t.me/halyquni

⏺Алматылықтар жер сілкінісін сезді. Қалалық төтенше жағдайлар департаменті хабарлауынша, дүмпудің эпицентрі анықталып жатыр.

Жер сілкінісін сездіңіз бе?

https://t.me/halyquni

⏺Дүмпу Алматы облысы мен Алматы қаласында тіркелген

Алматыда 3 балдық дүмпу сезілді. Жер сілкінісі ошағы Қазақстан аумағында Алматы қаласынан шығысқа қарай 33 км жерде орналасқан, – деп хабарлады сейсмикалық станциялар желісі.

Төтенше жағдайлар министрлігі «Сейсмологиялык зерттеу институты» ЖШС сейсмикалық станциялар желісі жер сілкінісін 5 қарашада сағат 10:01-де тіркеді.

Есептік қарқындылығы:
Алматы 3 б.
Талғар 4 б.
Есік 4 б.
Түрген 3.0 б.
Өтеген-Батыр 3 б.
Боралдай 2 б.
Маловодное  2б.
Ж. Қайыпов 2 б.
Алатау (Жетіген) 2 б.
Қарасай (Қаскелең) 2 б.

https://t.me/halyquni

🗣Хасан Қасымбаев 2 айға қамалды

Алматы облысында «Хутор» қылмыстық тобының басшысы-мыс делінетін Хасан Қасымбаев 2 айға қамауға алынды.

Облыстық ПД мәліметінше, 4 қарашада Қонаев қаласының мамандандырылған тергеу соты Хасан Қасымбаевқа бұлтартпау шарасын таңдау туралы өтінішті қарады.

https://t.me/halyquni

🗣"Шаңырақ" қоғамдық бірлестігінің басшысы Алмасбек Садырбай ұсталды

Ол өзі басқаратын адамдар тобы Балқаш, Еңбекшіқазақ, Кеген, Райымбек және Ұйғыр аудандарында жалған ауыл шаруашылығы кооперативтерін құрды деген күдікке ілінді.

Сондай-ақ жалған кадастрлық нөмірлерді көрсете отырып, дәйексіз мәліметтерді қамтитын субсидиялар алуға өтінімдер қашықтан берілген.

Ал ауыл шаруашылығы кооперативтері басшыларын хабардар етпей, олардың ЭЦҚ-сы пайдаланылған.

Садырбайдың аса ірі мөлшерде алаяқтық әрекеті әшкереленді. 1,2 млрд теңгеден астам қаражат ұрланған. Оның сыбайласы тергеу сотының санкциясымен үй қамауында.

https://t.me/halyquni

🗣Депутаттар әйелдер үшін жұмыс күнін қысқартуды ұсынды

Мәжілістегі «Ауыл» партиясы фракциясының депутаттары Қазақстанда әйелдер үшін жұмыс күнін қысқартуды ұсынды.

«Скандинавия елдерінің тәжірибесін назарға алып, әйелдер үшін қысқартылған жұмыс күнін енгізуді қарастыру. Бұл отбасы институтын нығайтып, жұмыс істейтін әйелдер бала тәрбиесіне көбірек көңіл бөле алады», - деді Қарақат Әбден.

https://t.me/halyquni

✉️🇰🇿🇺🇸Тоқаев Трампты сайлаудағы айқын жеңісімен құттықтады

Мемлекет басшысы Қасым-Жомарт Тоқаев Америка Құрама Штаттары Президентінің сайлауында айқын жеңіске жеткен Дональд Трампқа құттықтау жеделхатын жолдады.

✔️Қазақстан Президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді.

✔️Қасым-Жомарт Тоқаев Дональд Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.

https://t.me/halyquni

🗣Қазақстандық саңыраулар қоғамына қарасты қор басшысы тергеліп жатыр

Қор басшысы ақша жымқырды деген күдікке ілінді. Мүгедектерге ымдау тілі мамандары сурдоаударма қызметтерін көрсетті деп өз карточкалық шотына 115 млн теңге сомасында бюджет қаражатын аударым жасау арқылы иемденген.

https://t.me/halyquni

⚡️Елімізде тоғыз айда 21 судья жауапқа тартылды

Бұл туралы Жоғары сот кеңесінің мүшесі Нұрия Сисенова айтты.

Бізде бұл мәселе бойынша статистика жүргізіледі. 2024 жылдың тоғыз айында сот ісін қарау барасында өрескел қате жіберген 21 судья жауапқа тартылды. Былтыр осы кезеңде 9 судья жауапқа тартылған, - деді Нұрия Сисенова Сенаттың жалпы отырысында.

https://t.me/halyquni