Шерзат Болаттың өлімі: тергеу жылдың соңында аяқталады

Бұл туралы Ішкі істер министрінің орынбасары Санжар Әділов айтты.

Тергеу аяқталу сатысында. Жыл соңына дейін біз барлық тергеу әрекеті мен сараптаманы аяқтаймыз. Бүгінде қылмыстық іске қатысы бар 11 күдікті қамауда отыр. Барлығы жауапқа тартылады. Оларға прокурордың келісімі бойынша түпкілікті айып тағылады, - деді Мәжілістің жалпы отырысынан соң.

Ол сондай-ақ Шерзат Болаттың ағасының өліміне қатысты іс қозғалғанын атап өтті. Ал сот-медициналық сараптаманың нәтижесі бойынша ағасының денесінен зорлық-зомбылық белгісі анықталмаған.

https://t.me/halyquni

Сенат шетелдік банктерден қарыз алуды көздейтін заңдарды мақұлдады

Қарыз бюджет тапшылығын жоюға, жаңа жобаларды іске асыруға жұмсалады.

Шетелдік банктерден қарыз мөлшері төмендегідей:
▫️Азия даму банкінен – 52,3 млрд жапон йенасы (шамамен 350 млн доллар);
▫️Азия инфрақұрылымдық инвестициялар банкінен – 52,7 млрд жапон йенасы (шамамен 350 млн доллар);
▫️Халықаралық қайта құру және даму банкінен 84,9 млрд жапон йенасы (шамамен 600 млн доллар).

Дауыс беру нәтижижесінде сенаторлар заңды мақұлдады.

https://t.me/halyquni

Перизат Қайраттың қымбат мүліктері бұғатталды

Соттың санкциясымен қайырымдылық қордың тең құрылтайшысы және басшысы Перизат Қайраттың қымбат мүліктері бұғатталды.

Астанадағы Akbulak Riviera, Highvill Ishim Gold, «Көк Жайлау» (тұрақ орындарын қоса алғанда), Sensata Plaza тұрғын үй кешені, сондай-ақ Vela Village коттедж қалашығындағы элиталық жылжымайтын мүлік, Mercedes-Benz S450, Mercedes-Benz EQE 500, Lexus LX-600, Haval көліктері бұғатталды.

Перизат Қайраттың тұрғылықты жерін тінту барысында қайырымдылыққа жиналған қаражатқа сатып алынған қымбат техника, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada және тағы басқа танымал брендтердің киім, аяқ киім, зергерлік бұйымдар, сөмкелері табылып тәркіленді.

Тәркіленген мүлік заттай дәлелдер ретінде танылып, іс материалдарына қосылды. Тергеу жалғасып жатыр.

https://t.me/halyquni

Талғардағы оқиғалардың соңы митингке ұласып кетпей ме?

Алматы облысының әкімі Марат Сұлтанғазиев Талғардағы оқиғаға қатысты пікір білдіріп, жауап берді.

https://t.me/halyquni

🇰🇿🇬🇼18 желтоқсан күні Мемлекет басшысы Қасым-Жомарт Тоқаевтың шақыруымен Гвинея-Бисау Президенті Умару Сисоку Эмбало Астанаға ресми сапармен келеді

Жоғары деңгейде өтетін келіссөздер барысында Қазақстан мен Гвинея-Бисау арасындағы саяси, сауда-экономикалық, мәдени-гуманитарлық салалардағы ынтымақтастық перспективасы талқыланады.

https://t.me/halyquni

Тоқаев Эмманюэль Макронға көңіл айтты

Қасым-Жомарт Тоқаев Франция Президенті Эмманюэль Макронға Майотта архипелагында болған жойқын тайфун салдарынан көптеген адамның қаза табуына байланысты көңіл айту жеделхатын жолдады.

Президент қайтыс болған азаматтардың жақын-жуықтарына олардың қайғысына ортақтаса көңіл айтып, зардап шеккен адамдардың тезірек сауығып кетуіне тілектестік білдірді.

Айта кетсек, Франция қарамағындағы Үнді Мұхитында орналасқан Майотта аралында соңғы 90 жылдағы ең күшті циклон болды. Салдарынан жүздеген адам зардап шегіп, тұрғын үйлер мен ғимараттар қирады. Ел президенті Эмманюэль Макрон жағдайға байланысты ұлттық аза тұту күнін жариялап, жақын уақытта аралға баратынын мәлімдеді.

https://t.me/halyquni

👥Солтүстік өңірлерде халық саны азайып жатыр

Telegram-дағы Economy_kz арнасың мәліметінше, 2024 жылғы 1 қарашадағы дерек бойынша Қазақстанда 20 млн 244 мың адам тұрады, бір жылдағы өсім – 1,3%. Оны табиғи өсім мен көші-қон ағыны қамтамасыз етті.

Ал қалаларда 12 млн 727,4 мың адам, ауылдарда 7 млн 516,6 мың адам тұрып жатыр.

📈Табиғи өсім:
▫️Астана +94,6 мың адам;
▫️Алматы: +62,6 мың адам;
▫️Шымкент: +33,5 мың адам.

📉Проблемасы бар өңірлер:

▫️Солтүстік Қазақстан облысы – 7,7 мың адамға азайған;
▫️Қостанай облысы – 4,3 мың адамға азайған.

https://t.me/halyquni

Биыл 18 мыңнан аса адам елге оралды

Жыл басынан бері 18 035 этникалық қазақ тарихи отанымен табысып, қандас мәртебесін алды.

Еңбек және халықты әлеуметтік қорғау министрлігі ақпаратына сәйкес, 1991 жылдан бері республикаға 1 млн 146,4 мың этникалық қазақ оралған.

Жыл басынан бері Қазақстанға келген қандастардың 45,4%-ы Қытайдан, 38,9%-ы Өзбекстаннан, 6%-ы Моңғолиядан, 5,8%-ы Түрікменстаннан, 2,7% -ы Ресейден және 1,3% басқа елдерден оралған.

https://t.me/halyquni

Семейде шырша безендіру кезінде құлап кеткен мұғалімнің қазіргі жағдайы айтылды

Медициналық көмекті ұйымдастыру департаментінің директоры Гүлнар Сәрсенбаеваның айтуынша, мұғалімнің жағдайы жақсы, қазір ол есін жиды.

Айта кетсек, Семейде жаңа жылдық шыршаны безендіру кезінде мұғалімдердің бірі жарақат алған болатын.

https://t.me/halyquni

Ақтауда ұшақ құлады

Төтенше жағдайлар министрлігінің 52 адамы мен 11 техникасы ұшақ құлаған жерде жұмыс істеп жатыр.

Келген кезде ұшақтың өртеніп жатқаны анықталды.

Құтқару бөлімшелері өртті сөндіруге кірісті. Қазіргі уақытта зардап шеккендер туралы ақпарат анықталып жатыр.

https://t.me/halyquni

Көлік министрлігінің ақпараты бойынша, бортта 62 жолаушы мен 5 экипаж мүшесі болған

ТЖМ күштері өртті толық сөндірді.

Оқиға орнында ҚР ТЖМ АМО дәрігерлері мен психологтары жұмыс істеп жатыр.

Баку-Грозный бағытындағы ұшақтың Azerbaijan Airlines авиакомпаниясына тиесілі екені анықталды.

https://t.me/halyquni

Ақтау маңында құлаған ұшақта болған жолаушылар тізімі шықты

Бортта 67 адам болған.

ТЖМ мәліметінше, аман қалған 25 адам бар, оның ішінде 22 адам ауруханаға жеткізілді.

Зардап шеккендер туралы ақпарат нақтыланып жатыр.

https://t.me/halyquni

Алдын ала ақпаратқа сәйкес, бортта 37 Әзірбайжан, 6 Қазақстан, 3 Қырғызстан, 16 РФ азаматы болған.

Ақтаудағы ұшақ апаты: Үкіметтік комиссия құрылды

Тиісті қаулыға Премьер-министр Олжас Бектенов қол қойды.

Комиссияға оқиға орнына дереу ұшып барып, ұшақтың апатқа ұшырау себептерін жан-жақты тексеруді қамтамасыз ету, қаза тапқандардың отбасыларына және зардап шеккендерге алғашқы көмек көрсету шараларын қабылдау тапсырылды.

🇰🇿🇦🇿Қазақстан Үкіметі Әзербайжан Үкіметімен болған оқиғаның себептерін жан-жақты тергеу және алғашқы көмек көрсету бойынша бірлесіп жұмыс істеп жатыр.

https://t.me/halyquni

Ақтауда ұшақ апаты дерегі негізінде сотқа дейінгі тергеу басталды

Қылмыстық кодекстің 344-бабы 3-бөлігі («Көлік құралын пайдалану кезіндегі қауіпсіздік ережелерін бұзу, абайсызда екі немесе одан да көп адамның өліміне әкеп соқтыру») бойынша сотқа дейінгі тергеу басталды, - деп жазылған көліктегі полиция департаменті.

Қазір оқиғаның мән-жайы анықталып жатыр.

https://t.me/halyquni

Ұшақ апатынан аман қалғандардың тізімі жарияланды

Онда 29 адамның аты-жөні жазылған. Тізімде Қазақстан азаматтары жоқ.

https://t.me/halyquni

Президент ТМД-ға мүше мемлекеттер басшыларының бейресми кездесуіне қатысты

Санкт-Петербург қаласында ТМД мемлекеттерінің бейресми кездесуі өтті.

Іс-шараға Ресей Президенті Владимир Путин, Беларусь Президенті Александр Лукашенко, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов және Өзбекстан Президенті Шавкат Мирзиёев қатысты.

https://t.me/halyquni