Dag‘dag‘ali zo‘r g‘azal

Oxiratni sotib qilg‘on kayfingga o‘rtancha barmog‘im,
Odam nomi yana isrof — hayfingga o‘rtancha barmog‘im.

Piyon qo‘sh ulfating qursin — biri qo‘shning, biri bojang,
O‘sha qo‘sh kulfating Noru Sayfingga o‘rtancha barmog‘im.

Bobom ul deb, zotim bul deb ko‘ring‘on zotga qaydingga
Va bo‘g‘izdan buloq bo‘lg‘on qaytingga o‘rtancha barmog‘im.

Ayni ro‘za oyi mirshabxona oldida dong qotding,
Tanlagan joyingu topgan paytingga o‘rtancha barmog‘im.

Tavba aylab zora yuvsang qo‘lansa ayb-gunohingni,
Aslida bor gunohu bor aybingga o‘rtancha barmog‘im.

She’r yozishni qiyib qo‘yding zo‘r radif kashf etib, Kulkul,
O‘z-o‘zing maqtag‘on so‘nggi baytingga o‘rtancha barmog‘im.

(c) Anvar Obidjon

🎨 ZakovArt

Blupers nima?

Film, telekoʻrsatuvlarni suratga olish paytida sodir boʻlgan omadsiz, kulgili sahnalar. Ssenariyni yoddan chiqarish, kulib yuborish, rekvizit tushib ketishi kabi holatlar. Odatda film oxirida titrlar bilan birga namoyish etiladi. Eng qizigʻi, Pixar ham "Toy Story" multfilmi uchun alohida blupers ishlagan.

🏆 - ha, bilardim
🍓 - yoʻq, bilmasdim

🎨 ZakovArt

Muzlik davri'dagi mana bu epizodda Menni qarab turgan devoriy suratdagi bolakayni u deb oʻylardim. Yoʻq, aslida u ota mamont ekan. Oilasini asrab qololmagani uchun multfilm boshida jahldor, asabiy qilib tasvirlangan. Bolasini yoʻqotish qanchalik azobligini bilgani uchun neandertal bola Roshanni otasiga qaytarmoqchi boʻladi.

Bularni 2-qismdagi dialogdan bilib qoldim. Unda Mennida Elliga nisbatan iliqlikni sezgan Diego undan soʻraydi: "Nima toʻsqinlik qilyabdi". Menni esa: "Oilam" deb javob beradi.

🎨 ZakovArt

Aytgancha, kanalchamiz 4 ga kiribdi 🎂