​"Aql bilan ish tutish uchun shunchaki aqlli bo'lishning o'zi kamlik qiladi."
​– Dostoyevskiy

​Sulaymon paradoksi — bu o'zimizning muammolarimizga qaraganda boshqa odamlarning muammolari haqida yaxshiroq mulohaza yuritish moyilligi.

​U muqaddas kitoblardagi Shoh Sulaymon sharafiga nomlangan. U o'zining odilona va oqilona hukmlari bilan mashhur bo'lgan, ammo umrining oxirgi yillarida o'z shaxsiy va siyosiy hayotida koʻplab noto'g'ri qarorlar qabul qilgan kishi sifatida tasvirlanadi.

​Ushbu atama 2014-yilda Igor Grossmann va Etan Kross tomonidan kiritilgan. O'zaro munosabatlardagi nizolar bo'yicha o'tkazgan tadqiqotlarida ular shuni aniqlashdiki: odamlar o'zlarining emas, balki boshqa birovning muammosi haqida o'ylashayotganda turli nuqtai nazarlarni inobatga olishga, o'zlari bilmagan narsalarni tan olishga va murosaga kelishga ko'proq moyil bo'lishadi.
​Ular, shuningdek, buning oldini olish yolini ham topishdi: oʻziga chetdan baho berish (self-distancing). Agar siz o'zingizning vaziyatingizga tashqi kuzatuvchi sifatida qarasangiz yoki o'zingizga: "Agar do'stim ayni shu ahvolda bo'lganida, unga nima maslahat bergan bo'lardim?" deb savol bersangiz, yanada aniqroq va xolisroq fikrlash osonlashadi.

🎨 ZakovArt

Koʻp kitob oʻqiydiganlarni turli davlatlardagi nomi ekan)

🎨 ZakovArt

Stipendiya olgan kunim va uni ertasi:

🎨 ZakovArt

Edvard Hopper bu chizmasini rafiqasining sevimli mushugiga boʻlgan rashkini ifodalash uchun chizgan.

🎨 ZakovArt

Twitterda bir qiziq post koʻrib qoldim. Unda 7 oʻlim gunohi klassik adabiyotda boʻlsa qanday boʻlardi deyilgan. Buni oʻzbek adabiyotida qoʻllasakchi:

1. Kibr - Umarali. O'z amal kursisidan turib odamlarga, hatto eng yaqinlariga ham yuqoridan qaraydi.
2. Shahvat - Akbarali mingboshi. To'rtta xotini bo'la turib, go'zal va yosh Zebiga ko'ngil qo'yishi, o'z xirsini va hoyu-havasini jilovlay olmasligi.
3. Ta'magirlik - Mirzakarimboy. Dunyo moliga to'ymaydigan, ochko'zlik va tamagirlikning yorqin misoli.
4. Hasad - Homid va Zaynab. Izoh shart emas menimcha.
5. Dangasalik - Qalandarov. Oblomovning oʻzginasi. Joyidan jilgisi kelmaydi.
6. Ochkoʻzlik - Qori ishkamba.
7. Gʻazab - Abdullatif.

🎨 ZakovArt

Kuygan non teoriyasi

Ushbu nazariyaga koʻra, ertalab noningiz kuyib ketsa, metro yoki avtobusga kechiksangiz, xafa boʻlmang. Bu holat sizni qandaydir yomonlikdan asrayotgan yoki yaxshiroq yo'lga burib yuborayotgan bo'ladi. Masalan, noningiz kuygani uchun siz uydan 5 daqiqa kechroq chiqasiz. Balki aynan shu 5 daqiqa sizni ko'chadagi yomon yomg'irda qolishdan yoki biror xavfdan asrab qolar.

🏆 - ha, bilardim
🍓 - yoʻq, bilmasdim

🎨 ZakovArt

Bertran Rassel aytyapdi:

Agar biz faqat o'zimizning kundalik muammolarimiz va shaxsiy tashvishlarimiz (pul, ish, ro'zg'or) bilan o'ralashib qolsak, tez charchaymiz va baxtsiz bo'lib qolamiz.
​
1. ​Faqat "foydali" narsalarni o'ylayverish zararli: Inson miyasi doim shaxsiy muammolarni o'ylayversa, zo'riqadi va asabiy bo'lib qoladi. Chunki har bir shaxsiy masala zamirida qandaydir xavotir yotadi.

2. ​Chalg'ish va xobbi kerak: Inson o'ziga bevosita daxli yo'q, hech qanday "amaliy foyda" keltirmaydigan narsalarga ham qiziqishi kerak. Masalan, astronomiya, tarix, baliq ovi, kitob o'qish kabi mashg'ulotlar. Bu miyaga kundalik tashvishlardan qochib, dam olishiga yordam beradi.

3. ​Muammolarni osonroq hal qilasiz: Agar siz qandaydir qiziqarli mashg'ulot bilan chalg'ib, ozgina bo'lsa ham baxt va zavqni his qilsangiz, asablaringiz joyiga tushadi. Keyin yana o'z muammolaringizga qaytganingizda, miyangiz dam olgan bo'ladi va siz u muammolarni xotirjam hamda to'g'ri hal qila olasiz.

🎨 ZakovArt

Pixar filmlari xronologik ketma-ketlikda.

Sizning eng sevimlingiz qaysi?

🎨 ZakovArt

Isterik kuch

Bundan 10-12 yillar oldin togʻam bilan Popga yoʻl oldik. Yoʻlda rels bor, zavodga borish uchun boshqa yoʻl yoʻq. Relsdan oʻtish uchun ichiga qum toʻldirdik. Neksiya old balonlari oʻtib olganidan keyin, mashina tiqilib qoldi, yurmadi. Aynan oʻsha kuni Angren-Pop temiryoʻlining sinovi oʻtkazilayotgan edi. Narigi tomondan poyezd kelishni boshladi. Togʻam jon holatda mashinadan tushib, bir yelkasi bilan ulovni koʻtarib, orqaga tisarildi. Men shokdaman. Xullas, shu narsa haqida qiziq fakt oʻqib qoldim: Odatda tanamiz mushaklarimizdagi bor kuchning atigi 60-70 foizidan foydalanadi. Agar 100% kuchimizni ishlatsak, suyak va paylarimizni uzib yuboramiz. Miya bizni himoya qilish uchun "tormoz" bosib turadi. Lekin hayot-mamot masalasi yuzaga kelganda qondagi kuchli adrenalin bu cheklovni darhol olib tashlaydi. Fanda bu holat "Isterik kuch" (Hysterical strength) deyilarkan.

🏆 - ha, bilardim
🍓 - yoʻq, bilmasdim

🎨 ZakovArt

Jimlik signali

Post yozdingiz, koʻrishlar soni koʻp, lekin layk va izohlar yoʻq. Bu Uornok dilemmasi deyiladi. Ya'ni jimlik hech qanday aniq ma'no bermaydi va uni bir qancha sabablari bor: matn mukammal, qoʻshimchaga hojat yoʻq yoki matn murakkab, tushunish biroz ogʻirlik qilgan.

Shuning uchun jimlikdan fojia yasamang va yozishda davom eting)

🎨 ZakovArt

5 kunlik 8 kunlik dunyo

​Rey Bredberining "Muz va olov" asarida insonlar atigi 8 kun yashaydi. Ularning butun umri g'orda, koinot sirlarini anglashga ulgurmay o'tib ketadi. Ilm-fan va ijod uchun umrida faqat 12 soat vaqt topa oladi, xolos. Kichik bir bilimni avlodlariga qoldirib ketadi va bu charxpalak davom etaveradi.

Bunday hayotga chidolmagan ​asar qahramoni Sim vaqtni to'xtatuvchi kosmik kema sari tavakkal qilib yuguradi.

Menimcha, agar SI boʻlmaganida, bugungi hayotimiz ham shunga o'xshardi. U bizga abadiyatni kafolatlamasa-da, shu qisqa umrimizda dunyoni anglash ishtiyoqimizni qondirish uchun yagona real imkoniyatni bermoqda.

🎨 ZakovArt