Pushti filni koʻrish

Dambo sherigi Timoti bilan bilmasdan shampan ichib qoʻyadi va gallyutsinatsiya yuz berib, koʻziga turli shaklga aylanayotgan pushti fillarni koʻra boshlaydi. Inglizlar mast boʻlishni anglatadigan holatni shu ibora orqali atashgan. Evfemizm.

🏆 - ha, bilardim
🍓 - yoʻq, bilmasdim

🎨 ZakovArt

Oldinlari televizorda bir ijtimoiy rolik qoʻyishardi. Bir nechta ishga suhbatga kelgan vakantlarga takliflar aytiladi: dam olish kunlari yoʻq, 365 kun, hatto bayramda ham ishlanadi, tungi smenada ham, ustiga-ustak bu ish uchun umuman oylik maosh toʻlanmaydi. Hammasi hayron qolib, bunaqa kasb yoʻq deyishadi. Ish beruvchi esa bor shunday insonlar deya, onalarni tilga oladi. Etim jimirlab ketgandi shu gapdan keyin. Deyarli barcha ishtirokchilar yigʻlab yuborishgan.

​«Senda buyuk inson boʻlish uchun hamma narsa bor, Jimbo. Faqat hayoting shturvalini oʻz qoʻlingga olib, yoʻlingni oʻzing tanlashing kerak. Atrofda qanday boʻron turmasin, tanlagan yoʻlingdan aslo qaytma! Vaqti kelib, yelkanlaring qanchalik mustahkamligini sinaydigan va aslida kimligingni butun dunyoga koʻrsatadigan kun keladi. Umid qilamanki, oʻsha kuni men ham yoningda boʻlib, sening shon-shuhrating yogʻdusidan bahramand boʻlaman...»

Xazinalar sayyorasi, 2002.

🎨 ZakovArt

Monogamiya.

🎨 ZakovArt

Kechqurun 12 da miyamga keladigan gʻalati xayollar:

1. Rim bir kunda qurilmagan deyishadi. Konechno, shuncha binoni 1 kunda qurib boʻladimi?

2. Gay Foks parlament binosini portlatmoqchi boʻlgan, lekin yertoʻlada 36 bochka porox bilan oʻtirganda qoʻlga tushgan. Shuncha bochkani yashirincha olib kirguncha qorovullar qayerga qaragan?

3. Xalq non yoʻqligidan shikoyat qilganda, Antuanetta "Unda tort yeyishsin" degan va keyin xalq uning boshini gilotina bilan kesib tashladi. Shunda bu tarixdagi eng qimmatga tushgan pazandalik maslahatimi?

4. Napoelon nega rasmlarda doim qoʻlini paltosini ichiga tiqib yurgan? Qorni ogʻriganmi?, qoʻli sovuq qotganmi? yoki rassomlar barmoqlarni chizishni bilmaganmi?

5. Linkoln silindri bilan mashhur. Balkim ana shu shlyapasi Jon Butga teatr koʻrishda xalaqit bergani uchun uni otib tashlagandir?

6. Nega 1929-yilda AQShda "Buyuk depressiya" boʻlgan. Antidepressant dorilar yoʻqmidi?

7. Yuliy Sezarning oxirgi soʻzi oʻta be'mani. Qorniga sanchilgan pichoqdan keyin "Sen hammi Brut" emish. Onasini emsin, koʻrib turibsan-ku, nimaga yana soʻraysan?

🎨 ZakovArt

Spilbergning uydirmalaridan biri

Alan Grant shu sahnada bolalarga joyidan jilmaslikni, tiranozavr faqat qimirlagan narsaga e'tibor berishini aytadi. Aslida unday emas, tiranozavrning koʻrish darajasi lochindanam baland.

Mabodo 65 million yil ilgariga borib qolsanglar deb aytib qoʻyyapman. Rahmat shartmas.

🎨 ZakovArt

Xudo Bobil minorasi quruvchilarini bir-birlarini tushunmasin deb, turli tillarda gapiradigan qilib jazoladi.

​Mask esa tvitterdagilar o'zaro janjallashishi uchun hammani bir-birini tushunishga majbur qilib jazolamoqda.

🎨 ZakovArt

"Hayot tezligi"
Yan Saudek, 1974.

🎨 ZakovArt

Odamlarni suitsiddan qaytaruvchi dozasi eng baland film?

It's a Wonderful Life / Taste of Cherry

🎨 ZakovArt

Urushlardan olingan hayotiy saboqlar:

1. Troya urushi - har qanday sovg‘a ham xavfsiz emas.

2. Birinchi jahon urushi - kichik mojarolar nazoratdan chiqib, ulkan falokatga aylanishi mumkin.

3. Puni urushlari - bitta mag‘lubiyat hali hammasi tugadi degani emas.

4. Vyetnam urushi - hududni yaxshi bilish katta kuchga ega bo‘lishdan ustunroqdir.

5. Qizil va oq atirgullar urushi - Oilaviy nizolar butun xonadonni yakson qilishi mumkin.

6. O‘tror fojiasi - elchiga oʻlim yoʻq qoidasiga amal qilmaslik butun imperiyaning boshiga yetadi.

7. Loy jangi - gʻalaba uchun faqat kuch emas, ishonchli odam kerak.

8. Pirr urushi - ba’zi g‘alabalar mag‘lubiyatdan ham qimmatga tushadi.

9. Terek jangi - tuzini yeb, tuzligʻiga tupursang hamma narsadan ayrilasan.

10. Pyorl-Harbor hujumi - Chiltonni tanlaydigan Aleks boʻlma. Uxlab yotgan gigantni uyg‘otishdan oldin uni bir zarbada yiqita olishingga ishonch hosil qil.

🎨 ZakovArt

Bu 8 yoshli men, "Merlin"ni koʻrganimdan keyin, uyda hech kim yoʻq payt:

🎨 ZakovArt