Дональд Трамп Онтарио кўлини Америка кўли деб номлабди.

AI-generated таржима

Чурбан, бошқа қиладиган иши йўқ. Ўлларинг шунга икки марта ишониб, икки марта сайлаганлар.

@zambarakning_oqi

Отабек бу йил бошланғич мактабдан ўрта мактабнинг 7-синфига ўтди. У ҳам Исмоил акаси борган STEM'га ихтисослашган мактабга боряпти. Ўқув йили бошланишидан аввал ўқитувчиси мисс Энсти Отабекка откритка юборибди, оддий почтадан.

Қадрли Отабек,

Ёзги таътилингни АЖОЙИБ ўтказаётгандирсан деб умид қиламан. Мен миссис Энстиман ва бу йил сенга ўқитувчи бўлишимдан жуда хурсандман! Ўрта мактаб — бу катта бир қадам, лекин сен бунга тайёрсан! Аввалги ўқувчиларимнинг айтишича, энг катта қийинчилик — бу шахсий шкафчалардан қандай фойдаланишни ўрганиш экан. Буни тушуниб олганингдан сўнг, қолгани осон кечади. 😃

Бизнинг биргаликдаги илк кунимизда (чоршанба, 26 август) мактабда фақат 7-синфлар бўлади, шунинг учун сенда янги жойга кўникиб олиш ва саволлар бериш учун етарли вақт бўлади. Бирор тўгарак ёки спорт жамоасига қўшилиш ҳақида ўйлашни бошла. Бу янги муҳитга мослашиш ва дўстлар орттиришнинг энг зўр йўлидир.

Сен билан кўришишни интиқлик билан кутаман, Отабек! Бу ажойиб йил бўлади.

– Миссис Энсти.

@zambarakning_oqi

Канадада 10 йилдан ортиқ муддат истиқомат қиляпмиз, анча йўл-йўриғини тушуниб, кўникиб қолдик. Бошида келганимизда кўп нарсага ҳайратланардик, бошқача туюларди. Ҳозир эса ўша ҳиссиётлар анча кам кузатиляпти.

Лекин ҳали ҳам баъзи-баъзида ҳайратланиб турибмиз. Масалан, Отабекнинг ўқитувчиси юборган откриткага хурсанд бўлдим. Анув куни ҳам бир қизиқ ҳолат юз берди.

Қўшни маҳаллани айланиб юрувдим; йўлак тор, олдимдан эса велосипедчи келяпти. Секин унга йўлакни бўшатиб, ўт устига ўтдим. Велосипедчи менга яқинлашиб, ўзи ўт устига ўтиб, сен асфальтдан юравер, мен великдаман, менга билинмайди ўтдан юриш, дейди.

Мана шунақа майда нарсалар ҳам одамни хурсанд қилади-ей.

@zambarakning_oqi

Бир канадаликнинг машинасига текислик кри (plains cree, ᓀᐦᐃᔭᐍᐏᐣ) тилида "мени юв" деб ёзиб кетишибди.

@zambarakning_oqi

Ўзини ўзи мақтаяпти деб ўйлабман 😂

https://t.me/uzbekonomics/1899

@zambarakning_oqi

"Жахон ҳамжамияти"га қойил қолмадим.

Трамп жинни ҳар куни ё Канада, ё Гренландия, ё Эрон суверенитетига тахдид қилади, "жахон ҳамжамияти" эса жим.

Агар шу ишларнинг бир фоизини Ўзбекистонга ўхшаган кичик мамлакат қилганида борми?! БМТ Бош ассамблеяси, Хавфсизлик кенгаши, ЮНЕСКО, ХВЖ, ЖССТ, АБВГД — бари баёнот бериб, бизни қоралаб, санкция киритиб, яна бало-баттарлар қиларди. Трамп эса ҳар куни акиллайди, ақл ўргатувчи ташкилотларнинг тили қисиқ.

Патамушта духа нету!

@zambarakning_oqi

Эсинглардами, Ўзбекистон сал нето аксирса, Госдеп дарров "ўўўўўўўв, аксирма, атата қиламан" деб чиқарди?

Энди эса ўша Госдеп жонивор Гренландияни олиб қўймоқчи, Хурмуз бўғозини Трамп бўғози деб қайта номламоқчи.

Ўлворларинг-е дейдиган одам йўқ (бор, мен 😄 )

@zambarakning_oqi

Тошкент шаҳрида Йўл ҳаракатини ташкил этиш маркази иш юритяпти ва ёмон ишламаяпти, ИМХО. Ҳаракат бор.

Аммо нега канали манзили русча — @codd_tashkent? ЦОДД — Центр организации дорожного движения. Собянин келганида Москвада очилганди бундай ташкилот, шундоққина номини кўчириб қўйишипти.

yhtem_toshkent деб қўйишсаям бўларди.

Ғалати.

@zambarakning_oqi

Яна битта кузатув — Ўзбекистонда СИга бўлган муносабат. СИдан, айниқса сурат яратишда ҳатто давлат органлари ҳам бемалол фойдаланяпти ва аҳоли томонидан эътироз билдирилмаяпти.

Канада ва АҚШда эса бунинг акси: хоҳ давлат органи бўладими, хоҳ хусусий компания СИда генерация қилинган контентдан фойдаланса, интернет нафратига учраяпти, ҳаммадан сўкиш эшитяпти. Бундан ташқари, компания ва давлат органларининг фуқаролар шахсий маълумотларини СИ ёрдамида қайта ишлашига қаршилик билдиришмоқда.

Канадада, масалан, давлат органлари СИ томонидан яратилган суратдан фойдаланганини ҳали кўрганим йўқ.

Умуман олганда, СИга муносабат салбий. Чунки СИни бахона қилиб юз минглаб одамлар ишдан бўшатиляпти.

Умид қиламизки, Ўзбекистонда давлат органлари фуқароларнинг паспорт маълумотлари, телефон рақамлари, тўлаган солиқлари ва бошқа шахсий маълумотларини СИга юклаб улгуришмаган (ёки токенлари етмай қолган). Яхши гумонда бўвурамиза.

@zambarakning_oqi

Ўзим ўқиган, кўрганларимдан хулоса қилишим мумкинки, Шимолий Америка компаниялари жараёнларни автоматлаштириш учун қиммат СИ моделларидан фойдаланишаётгани йўқ. Ҳар бир конкрет иш учун конкрет кичик ва арзон моделдан фойдаланиляпти.

Оддий мисол: кузатув камераларидаги видеоёзувларни қайта ишлаб, у ердаги одамларни аниқлаш учун Claude Opus ёки GPT Astra керак эмас. Улар жуда қиммат ва секин ишлайди. Бундай ишлар учун кичик ва арзон моделлардан фойдаланиш жоиз. Маълумотларга қараганда, компаниялар бундай ишлар учун Хитойнинг очиқ моделларига юзланишмоқда.

Ўзбекистон ҳукумати ҳам айнан шу йўлдан бориши керак, ИМХО. Яъни, кичик моделлар учун керакли техника (GPU)лар сотиб олиниб, улар Ўзбекистонда ишлаши керак. Ана шунда ҳукумат шахсий маълумотларни чет элда ишлаб турган моделларга юбориши шарт бўлмайди.

Тепадагилар буни ўзлариям билишар, айтдим-қўйдим-да.

@zambarakning_oqi

Бугун янги айфон намойиш қилинаркан, очилиб-ёпиладигани. 2000 кўкат бўлармиш нархи.

Ишқилиб, дабдала чиқсин-да. Экрани оқ-қора, камераси 1 мегапиксель, очилиб-ёпилганида ғичирлайдиган бўлиб! Чунки янги телефон олишга пул йўқ, почкаям ўзи битта қолган!!!! 😭

@zambarakning_oqi

Шунча йил ота-боболаримиз энг сўнгги айфонсизам яшашган-ку, тўғрими? Бир жойлари кам бўлмаган.

Буюк бобокалонларимиз бу ёқда Туркияни, у ёқда Ҳиндистонни эгаллашган. Айфон-майфонсиз!

Юлдузлару алгебрани кашф қилишган. Очилиб-ёпиладиган телефонсиз.

Тўғрими-йўқми?! 😭😭😭

@zambarakning_oqi

1. Отрицание
2. Злость
3. Торг <— Сиз мана шу этапдасиз
4. Депрессия
5. Принятие

@zambarakning_oqi

Мен, масалан, алифбо ўзгаришини қўллаб-қувватлайман. Фақат энди чўзмасдан, тез-тез ўтиш керак янги алифбога. 30 йилдан бери чўзилади.

P.S. Мен ўзим ҳозирча кирилл алифбосидан юз ўгирмоқчи эмасман.

@zambarakning_oqi

Дастурлашда СИдан фойдаланишнинг янги усулини синаб кўряпман.

Сўнгги пайтларда Хитойнинг очиқ моделлари дастурлашда АҚШнинг энг қиммат, энг олд моделларига қарийб етиб олди. Шунинг учун режалаштириш ва текшириш учун қиммат моделлардан фойдаланиб, дастурлаш учун арзон моделларга юзланяпман.

Pi дастури ёрдамида GPT 5.6 Sol'га топшириқ бераман, дастурлашини эса DeepSeek 4.1 Flash амалга оширади. Иш битганидан сўнг GPT DeepSeek ишини текширади. Хато топса, тузатишга топшириқ беради. Иккала субагент бир-бири билан гаплашиб, менга сўнгги натижани тақдим этишади.

Қани қандай ишларкин.

@zambarakning_oqi

25 йил...

@zambarakning_oqi

Қишлоғимизда қизиқ ишлар бўляпти.

2023 йилда сайланган провинциал депутатимиз (Консерватив партия аъзоси) шу йил май ойида истеъфога чиқди. Оилавий сабаблар туфайли эмиш.

Унинг ўрнига Калгари шаҳар депутати ўз номзодини қўйишини эълон қилди. У провинциал ҳукумат билан яхши муносабатга эга бўлгани учун сайловда осонликча ютиши прогноз қилинаётганди.

Кутилмаганда консервалар ичидан яна битта номзод чиқиб қолди. Уни ҳеч ким танимасди, аммо у анча ҳаракат қилиб, рекламага пул тикиб, Консерватив партия праймеризида шаҳар депутатини енгди. Ҳамма ҳайрон қолди.

Кейин билсак, унинг ортида янада консерватив, янада ўнгчи, Альбертанинг ажралиб чиқишини қўллаб-қувватлайдиган гуруҳлар турган экан.

Ишқилиб, бугун бўлиб ўтган сайловда округимиздаги консерва консерваланиб, марказ-сўлчи НДП аъзоси ғолиб бўлди. Бу қанақа кутилмаган воқеа эканини тушунтириш учун бир нарсани айтай: сўнгги қирқ йилда бу округда фақат бир марта консерватив номзод енгилган, шунда ҳам консерватив сайловчиларнинг овозолари икки партияга бўлингани учун.

Мана энди атиги иккинчи марта округимизни марказ-сўлчилар бошқаради. Мен ҳам айнан шу номзоднинг плакатини ҳовлимизга илиб қўйгандим, ғолиб бўлганидан жуда хурсанд бўлдим.

—

Мана бу саҳифада сайлов участкалари ва улардаги сайлов нуқталари кесимида овозлар сонини кўриш мумкин — https://results.elections.ab.ca/8486

@zambarakning_oqi

Сайлов натижаси эълони — https://www.youtube.com/watch?v=ktSe_U9SDqo&t=1s

Ўртадаги йигит — Кайл Кэмпбел — янги депутат. Унинг ўнг томонида турмуш ўртоғи ва чап томонида Альберта НДП партияси раиси Наҳид Ненши.

@zambarakning_oqi