Assalomu alaykum azizlar. Yomg'irli kun barchangizga barakotli bo'lsin ⛈⛈⛈

Bugun men sizni 3 marta aldayman!

Dars boshida o‘quvchilarga shunday deng:

“Bugun men dars davomida ataylab 3 ta xato qilaman. Kim ularni birinchi bo‘lib topsa — sovg'a oladi.”

Oddiy tuyuladi.
Lekin bu usul o‘quvchini passiv tinglovchidan faol kuzatuvchiga aylantiradi.
Masalan, ingliz tilida so‘zni ataylab noto‘g‘ri yozasiz yoki tarjima qilishda xatolikka yo'l qo'yasiz.
O‘quvchilar esa butun dars davomida:
“Ustoz qayerda xato qiladi?" degan ichki savol bilan sizni diqqat bilan kuzatadi.
Bu faoliyat bir nechta kognitiv mexanizmni ishga tushiradi.
Avvalo, o‘quvchi ma’lumotni shunchaki eshitmaydi — uni avvalgi bilimi bilan solishtiradi. Bu esa xatoni aniqlash, bilimni xotiradan qayta chaqirish va tanqidiy fikrlashni talab qiladi.
Psixologiyada bunga yaqin jarayonlardan biri error detection — xatoni aniqlash mexanizmidir. Kutilgan ma’lumot bilan real ma’lumot o‘rtasida nomuvofiqlik paydo bo‘lganda, miya unga ko‘proq e’tibor qaratadi.
Shu sababli o‘quvchi o‘zi topgan xatoni ko‘pincha oddiy tushuntirishdan ko‘ra yaxshiroq eslab qoladi.
Yana bir foydali jihati — retrieval practice.
O‘quvchi “Bu to‘g‘rimi?” deb tekshirayotganda, avval o‘rgangan bilimini xotirasidan chaqirib oladi.
Bu esa bilimni mustahkamlashga yordam beradi.

🫟Qanday qo‘llash mumkin?
👉Dars uchun oldindan 3 ta kichik, xavfsiz xato tanlang.
👉Xatolar o‘quvchi bilishi kerak bo‘lgan mavzuga oid bo‘lsin.
👉Juda chalkashtiruvchi yoki keyin noto‘g‘ri esda qoladigan xatolarni ishlatmang.
👉O‘quvchi xatoni topsa, faqat “to‘g‘ri” demang. “Nega bu xato?” deb so‘rang.
Shunda o‘yin oddiy “xato topish”dan chiqib, dalillash va tushuntirish mashqiga aylanadi.

🏆Ba’zan darsni qiziqarli qilish uchun yangi texnologiya kerak emas ☺️☺️
#ZamonaviyMuallim #DarsMetodikasi
https://t.me/ZamonaviyMuallim

#handout
Wonders of world‌‌ 🌈
42 worksheetdan tashkil topgan ajoyib to'plam.
Extensive reading uchun juda ham mos.👆👆👆
https://t.me/ZamonaviyMuallim

#iqtibos
“Buyuk ish qilishning yagona yo’li - qilayotgan ishingizni sevishdir”
©️Stiv Jobs

Assalomu alaykum Zamomaviy Muallimlar!
Boshlangan kuningiz hayrli va barakotli bo'lsin.🎀🎀🎀
https://t.me/ZamonaviyMuallim

PROGRESSIVE VALIDATION -
“XATO!” DEMASDAN TO‘G‘RI JAVOBGA YETAKLASH TEXNIKASI.

Darsda savol berdingiz. O‘quvchi javob berdi.
Javob qisman xato, yoki siz kutayotgan eng asosiy javob ham emas.
Bunday paytda:
❌ “Yo‘q, noto‘g‘ri!”
deb o‘quvchining hafsalasini pir qilish shart emas.
Buning o‘rniga uning javobini qabul qilib, yana o‘ylashga undash mumkin.
Masalan:
Ustoz:
— O‘quvchining yaxshi o‘qishiga eng ko‘p nima yordam beradi?
O‘quvchi:
— Yaxshi baho.
Ustoz:
— To‘g‘ri, baho ham muhim. Men buni ikkinchi o‘ringa qo‘ygan bo‘lardim. Qani, birinchi o‘rindagi sababni kim topadi?
O‘quvchi:
— Ota-onaning nazorati?
Ustoz:
— Bu ham kerak. Lekin hali men kutgan javob chiqmadi. Yana o‘ylab ko‘ramiz...
O‘quvchi:
— O‘quvchining o‘zida o‘qishga qiziqish bo‘lishi!
Ustoz:
— Ana endi topdik! 👏
Mana shu paytda sinfda vaziyat o‘zgaradi.
Hech kim:
“Xato aytib qo‘ysam-chi?”
deb qo‘rqmaydi.
Aksincha:
“Balki men toparman?”
deb o‘ylay boshlaydi.
Bir o‘quvchining javobi ikkinchisiga fikr beradi. Ikkinchisining javobi uchinchisini o‘ylantiradi. Oddiy savol asta-sekin kichkina musobaqaga aylanadi.

Bu usulning yaxshi tomoni nimada?
✅ O‘quvchining ko‘ngli qolmaydi.
✅ “Xato qilib qo‘yaman” degan qo‘rquv kamayadi.
✅ Ko‘proq bola qo‘l ko‘taradi.
✅ Har bir javob qadrlanadi.
✅ Eng muhimi — bolalar javobni ustozdan kutmay, o‘zlari izlay boshlaydi.

Aslida, gap juda oddiy:
Bolaga “xato qilding” deyish oson. Uni ranjitmasdan to‘g‘ri javobga olib borish esa — ustozlik mahorati.
Ba’zan bitta “Noto‘g‘ri!” so‘zi bolaning keyingi safar qo‘l ko‘tarmasligiga sabab bo‘lishi mumkin.
Shuning uchun javobni emas, avvalo o‘quvchining fikrlashga bo‘lgan ishtiyoqini asrash kerak. 🌱

https://t.me/ZamonaviyMuallim

-Abedga pitsa yeyishni hohlaydiganlar bormi????
Sizlarga ajoyib pitsalar tayyorlab qo'ydimda 😄

🍕PIZZA COLLECTION
Bugun darsga pizza olib kiramiz! 😄 
Lekin bu pizza yeyish uchun emas — ingliz tilini o‘rganish uchun!

Rasmga qarang: pizzaning o‘rtasida bitta fe’l turibdi:
👉 MAKE
Atrofidagi bo‘laklarda esa:
🍕 make friends
🍕 look after
🍕 do homework
🍕 take a bus

👉Bajarish jarayoni:
Ustoz pizza bo‘laklarini kesib, aralashtirib yuboradi. O‘quvchilar esa bo‘laklarni to‘g‘ri fe’l bilan birlashtirib, pizzani qayta yig‘ishlari kerak.

Masalan:
👩‍🏫 — Money?
👦 — Make money!
👩‍🏫 — Look?
👧 — Look after!
-Topdingizmi?
🍕 Unda bo‘lakni pizzaga qo‘shing!

O‘quvchi shunchaki so‘z yodlamaydi. U verb + word birikmalarini (collocations) ko‘rib, ushlab, solishtirib va o‘ynab o‘rganadi.

💡 Yana qiziqroq qilish uchun sinfni jamoalarga bo‘ling. Qaysi jamoa pizzalarini birinchi bo‘lib to‘g‘ri yig‘sa — g‘olib! 🏆

Bolaga 10 marta “yodla” deyishdan ko‘ra, bir marta o‘ynatib o‘rgatish ko‘proq esda qolishi mumkin.

https://t.me/ZamonaviyMuallim 👉
Zamonaviy g'oyalar, kreativ ustozlar birlashgan makon💞💞💞

Sizlarga oz bo'lsada Sovg'a tayyorladim.

Ish faoliyatingiz davomida foydasi tegadi degan umiddaman.
Xamkasblaringizga ham yuborsangiz ularni ham hursand qilgan bo'lasiz.

P.s: A5 formatga moslab chiqartirib ishlatsangiz bo'ldi
👇👇👇👇👇👇👇👇👇👇