🚌 Toshkentda jamoat transportida yo‘lkira narxi elektron to‘lov orqali toʻlanganda hozirgi 1700 soʻmdan 2500 so‘mga oshadi. Naqd to‘lov esa o‘zgarishsiz — 3000 so‘m qoladi.

🚗 Jarima maydonchasiga tushgan mashinani olib chiqish uchun ruxsatnoma QR-kod orqali beriladi. Jarima va saqlash uchun to‘lovlarni ham onlayn to‘lash mumkin bo‘ladi.

🏗 Yagona identifikator raqami berilmagan qurilish obyektlari uchun qurilish ishlarini boshlashga ruxsatnoma berish taqiqlanadi.

🏠 O‘zbekiston fuqarolari My.gov.uz orqali ko‘chmas mulk, avtomobil va boshqa mulklarni sotish, ipoteka hamda garov bitimlarini vaqtincha taqiqlashi mumkin boʻladi.

📱 Shuningdek, portal orqali notarial bitimlar, nomingizdagi SIM-kartalar va bank kartalari bo‘yicha bildirishnomalarni olish imkoniyati taqdim etiladi.

💼 Tadbirkorlik subʼektlari oʻzlariga qoʻllanilgan jarimalarni to‘lashda yengillik:

1️⃣ Qaror topshirilgan kundan boshlab 1 oy ichida jarimaning 50 foizini to‘lash. Bunda qolgan qismi to‘lashdan ozod etiladi.
2️⃣ Jarima summasini 6 oy davomida teng qismlarga bo‘lib to‘lash. Buning uchun dastlabki oy ichida jarimaning 1/6 qismi to‘lanishi kerak.