❗️Ўзбек-лотин алифбосини такомиллаштиришга доир қонун президент томонидан имзоланди

Ўзгаришлар қуйидагича:

O‘ o‘ → Ö ö
G‘ g‘ → Ğ ğ
Sh sh → Ş ş
Ch ch → Ç ç

Қонун расман эълон қилинганидан кейин 6 ой ўтиб кучга киради.

Kun.uz расмий канали

Сабр-ла манзилни кутганларим бор,
Байроқни шараф-ла тутганларим бор,
Ханжоу рекорди, у нима дўстлар,
Икки карра ундан ўтганларим бор.

Осиё, биз келдик, йиғлагин, хўнгра,
Ҳинд форсга қўшилиб жимгина ингра.
Курашни дунёга тарқатиб сўнгра
Японни дзюдода ютганларим бор!

Ҳусниддину Бобур битта зарб қилса,
Ҳусния, Маржона, Маҳлиё кулса…
Ядроми, дискими, нимаси бўлса,
Ҳаммадан узоққа отганларим бор.

Мадина, Шаҳина, Кароматларим,
Рекордчи Розадек аломатларим.
Қалбан ҳаммадан-да саломатларим,
Дардни бир зумда унутганларим бор.

Велода учсак ҳам, сувда сузсак ҳам,
Нишонга милтиқдан ўқлар узсак ҳам,
Энди ҳайрат йўқдир елдек ўзсак ҳам
Олтинга ғарқ бўлиб ботганларим бор.

Гулжаной, Асила, Наврўзами ё,
Ҳусниддин, Фахриддин, сочгувчи зиё…
Егор Болотовни эслаб қол, дунё,
Тўрт олтинга сузиб етганларим бор.

Ҳаёт зарба берса, такрор жавобим,
Мураббийим менинг — улвий савобим.
Ўтмишим ўтмишда қолган саробим,
Кўз ёшни жимгина артганларим бор.

Оғир кун ортдадир, ёдимда ул кун,
Ечилди тамомий узилмас тугун.
Ишонинг, соғлардан соғроқмиз бугун,
Юртимга шодалар ортганларим бор.

Нагоя оқшоми бизни унутмас,
Мунгли ва шарафли кўзни унутмас,
Ўзбекистон деган сўзни унутмас,
Ҳаммани бирма бир ютганларим бор.

Бизга далда бўлди азиз Юртбошим,
Бунда дардим ила бўлган дарддошим.
Сизни биз севамиз улуғ юртдошим,
Тинмайин раҳматлар айтганларим бор.

Қуёш чиққан юртдан ғолиб кетяпмиз,
Қуёшни юрт сори олиб кетяпмиз.
Осиё ёдида қолиб кетяпмиз —
Юртга Темурбекдек қайтганларим бор!

@xayrulla_hamidov

Имом Бухорийдан зеҳнни кучайтирадиган нарсалар ҳақида сўрашди. У киши: “Китобларга кўп қараш”, деб жавоб бердилар. Яъни турли китобларни кўп мутолаа қилиш.

@IkromSharif