- الرساله ؛ منطقيا لو ايران فازت وتاهلت هم راح تفرح مثل فرحتنه ويجوز اكثر بعد رغم الحروب والوضع الي همه بيه بس هم بلد قوي واذا اجه شي يفرحهم يفرحون والدليل حته هسه رغم الي فاز العراق مو ايران لكيناهم فرحانيلنه وهاي ويباركولنه ماشاء الله عليهم شعب راقي وايمانهم قوي ومتهزهم شعره

مولانا الايرانين لو يحتفلون
فراح تشوفون كيف يستذكرون شهدائهم

ونحن نفرح للعراق وللبنان ولليمن ولايران

بس مو بهيج وقت تمر بيه الامة الاسلامية كلها بخطر وعدوان

قبل كم يوم اغتالوا مرحع من مراجعنا

مراجعنا لحد الان يحذرون من العدوان

وبعد ورانه اشواط طويلة وجويلة من التضحية والجهاد والتعب

حتخلص الحرب الميدانية

وحتنزل علينه وابل من الصواريخ والانفجارات العقائدية والفتن

حضروا روحكم لمحرم

حتمر علينه حرب شعواء

اذا خلصت حرب ايران وامريكا قبل محرم

حيجيك درازن مال فتن ومشاكل وابتلائات

حضروا روحكم للدفاع عن الدين والمذهب ولاتصيرون دعات للفتنة والتفرقة

هسه العالم كلها واكفة ويه الشبعة وتمدح بيهم

وبدت الطائفية تقل والعالم والسنة الغالبية العظمى تغيرت وجهة نظرهم عن ايران والشيعة

حتى اتابع واسمع لشيوخ سنة معتدلين كاعد يدافعون هن الشيعة ويردون يوحدون كلمة المسلمين

وكفو ضد وليد اسماعيل ودعاة الفتنة

من راح تخلص الحرب حتبدي هجمة كبيرة جدااا علينه وخصوصا بمحرم
لازم نكون مستعدين ونتصرف صحيح ونمتص الهجمة ومنرد عليها بنفس طائفي ونزيد التفرقة
كون نستمر بمنهج الاعتدال والاحترام ونحتوي الناس
ونحارب اهل الفتن

لان بهاي الحرب اكتشفت اشياء جنت غافل عنها

لكيت هواي مشايخ سنة معتدلين يحاولون يمتصون الطائفية ويبدلوها بأحترام وتوحيد لصفوف المسلمين

واحنه هم هواي من عدنه حاولوا يقللون الفتنة والطائفية والتفرقة

وهذا منهج العلماء ومنهج السيد الخامنئي

خل نستعد ان نحافظ على ماقدموه وبذلوه الطرفين ومننطي فرصة لاصحاب الفتنة !!