Kaixo lagunak,

Jabeak negoziatzeari uko egin ostean, Ertzaintzak etxegabetu du familia Gasteizen.

Bi haur dituen familia bat etxegabetu dute Gasteizko Alde Zaharrean https://labur.eus/2kolujlz

⚖️ Euskarari buruzko epaiari helegitea jarriko dio Eusko Jaurlaritzak https://labur.eus/heyvm9na

🔥Lanean ari dira Orion erre den itsasontziak ibaia eta itsasoa kutsatu ez ditzan https://labur.eus/hrb81soc

👉 Prefetak Lexantzü, Itsasu, eta Arberatzeren kontra jo du euskara ofizialki aitortzeagatik https://labur.eus/sec3lszh (Euskal Irratiak)

Ondo segi!

🎬 Wild Horse Nine : Txile, 1973. Estatu-kolpea baino hilabete gutxi lehenago. AEBen zerbitzu sekretuetako bi agente dira Chris eta Lee. Pazko Uhartera joango dira, ustez oporretan. Martin McDonagh zuzendariaren film berria. Maria Ortegaren eta Gorka Peñagarikanoren bideo-analisia.

Orain arteko bideo guztiak, hemen:
https://labur.eus/bbpxjwgz

Film kritikak, idatziz, Eneko Atxak:

🔸 The debut | Magikoa eta zoroa
https://labur.eus/n27envs4

🔸 Bloques erráticos | Ez du nondik heldu
https://labur.eus/ojcutgta

Gabon lagunok, erreportaje batekin gatozkizue:

Uda honetako bero boladen, sute erraldoien eta lehorteen ostean, galdera batek obsesionatu behar lituzke Europako agintari politikoak: nola atera suntsidura eragiten duen sistema honetatik? Nahiago dute, ordea, betiko trapu zaharrak astindu: austeritatea, immigrazioa, fiskalitatea... eta bien bitartean, uztak kaltetzen ari dira, gudak borrokatzen, fertilizanteak garestitzen eta oso gogorra izango den El Niñoren kapitulu berri bat iristear da, mundu mailako elikadura segurtasuna arriskuan jarrita. Astindu berri bat indar hartzen ari da, eta horrek beste su bat sor lezake planeta osoan: amorrua.

Lander Arbelaitzen eskutik ⤵️

Eta orain gosetea?

Gaurko egunez 1940an...

Walter Benjaminek bere buruaz beste egin zuen Portboun, Herrialde Katalanetan. Alemaniako judu jatorriko pentsalari eta literatur-kritikari marxista zen, eta naziak boterera iristean abiatu zuten juduen aurkako jazarpenetik ihesean Frantziara joan zen. Hura naziek okupatu ostean, ordea, Espainiako Estatura muga gurutzatu zuen, kontzentrazio esparru batetik ateratzea lortu eta gero, Banyulsetik Portboura. AEBetara iritsi nahi zuen, eta bidean Espainia eta Portugalera igarotzeko baimena lortu zuen, baina ez, ostera, Frantziatik irtetekoa, eta bidea ezkutuan egin behar izan zuen. Espainiako Poliziari paperak aurkeztean, Frantziara itzuliko zutela esan zioten. Itzuliz gero zain zuen deportazio mehatxuaren aurrean, bere buruaz beste egitea deliberatu zuen, etsipenez.

Gehiago:

1936, duela 90 urte: Abiazio frankistak Bilbo bonbardatu zuen https://labur.eus/ukrilzrg

1936, duela 90 urte: Frankistak sartu ziren Arrasaten https://labur.eus/7fl3sivr

Egun on, lagunok! Astekari honetako iritzi bilduma segidan:

🖌 Goian Adur Larrearen zinta ⤴️

✍️ Diana Francoren teknologiaren zutabea: Gorputzen Internet

✍️ Ula Iruretagoienaren ‘Lurraldea eta arkitektura’ zutabea: Maiza

✍️ Nora Salbotx, maistra (🎨 Maider Leturiaga): Hirurak kuarto guti

✍️ Jesús Rodríguez, Directako kazetaria: Ekaitza hegoaldetik dator

✍️ Itziar Moreno, Euskal Pertsona Polifazetikoa: Joxemi Zumalaberen 30 urteei 30 esker

✍️ Castillo Suárez, idazlea: Inguratzen gaituenaz

✍️ Mati Iturralde, medikua: Faxismoaren aurka borrokatzea

Asteburu eta irakurketa on! 😘

Gaur gauean du azken gala 74. Zinemaldiak, gaur ezagutuko ditugu aurtengo sarituak. Bien bitartean:

🎬 La bola negra : Hiru gizonezko, hiru belaunaldi. Homosexualitateak batzen ditu hirurak, baita arteak eta amaitu gabeko antzezlan batek ere, Federico García Lorcaren La bola negra lanak. Javier Calvo eta Javier Ambrossiren lanik berriena. Gorka Peñagarikanoren eta Maria Ortegaren bideo analisia.

Ikusi aurtengo edizioko bideo analisi guztiak hemen.

Horrez gain, Eneko Atxaren idatzizko kritikak:

🔸 La bola negra| Istorio biribila, bola zuria
https://labur.eus/s3esypke

🔸 Narciso | Disidentzia suntsitzea
https://labur.eus/xwljdhuj

Arratsalde on, lagun! 👋

🎭 Zaintza edota irakaskuntza ofizio izango dutenek lanbide horrekiko dituzten kezkak eta beldurrak antzerkiaren bidez lantzeko saioak eskaintzen ditu Iurgi Etxebarriak. Zein mamu dituzte zaintzaileek? Eta irakasleek? Nola eramaten dute hori guztia oholtzara?

🗣 “Arazoa errealitatean errepikatzen denean, ziur izan gorputzak gogoratuko duela antzezlanean bizitakoa”

On egin! 😊

Gaurko egunez duela 90 urte, 1936an...

Eibarko gudua hasi zen. Matxinatuen armada frankistak Gipuzkoa hartu eta gero Eibarren aurrera ezin eginik geratu zen, Eusko Gudarosteak eta Armada Errepublikanoak bertan fronteari eutsi egin baitzioten. Zazpi hilabetez eutsi zioten fronteari, eta denbora horretan lortu zen urrian autonomia estatutua onartu eta lehen Euzko Jaurlaritza eratzea. Faxisten etengabeko bonbardaketek, ordea, ia Eibar osoa suntsitu zuten. Eibar herri armagilea zen, eta garrantzi handia zuen defentsa antolatzeko. Gainera, Donostia erori ostean ihesean ziren milaka herritarrek mendebaldera eginez hartu zuten babes.

Gehiago:

1929: Jose Luis Alvarez Enparantza 'Txillardegi' jaio zen Donostian https://labur.eus/ay9vyjxp

1975: Txiki eta Otaegi ETAko kideak exekutatu zituen erregimen frankistak, FRAPeko hiru militanterekin batera https://shorturl.at/tCJE2

1998: Google aurkeztu zuten publikoki Kalifornian unibertsitateko bi ikaslek https://shorturl.at/0G9VA

Egun on! Zine kontuak igandea abiatzeko.

🥇 Mike Leigh urrezko erretiratuko da: Tender Loving Care, Urrezko Maskorra
https://labur.eus/tcnjujf6

Kazetaritzari loturiko bi filmek eman zioten akabera 74. Donostiako Zinemaldiari.

🔹 Le Faux Soir, egunkari nazia ‘hackeatu' zenekoa
https://labur.eus/zigereq5

🔹 Ink, Danny Boyle: “Kazetaritza independentea gure mundua eusten duten zutabeetako bat da”
https://labur.eus/syruy4fv

Eta bi film kritika:

🔸 Azken agurra | Umore bisuala
https://labur.eus/qkola6l5

🔸 Josephine | Egoera latzari aurre
https://labur.eus/iox1cftj

Urko Apaolaza ARGIAko kazetaria Argentinatik etorri berria da. OMAL behatokiaren eskutik, Vaca Muertako megaproiektu estraktibista egiten ari den sarraskia ezagutu du. Itsaso Zubiriak bidaia kontatzeko eskatu dio.

Ikusten ez duenak ez daki zer den hau
https://labur.eus/cv7el0cs

LARRUN 321 | Txernobylgo istriputik 40 urtera, NUKLEARRA: iraganeko irakaspenei bizkarra emanda ⤵️

🔸 Nuklearraren goraldia, humanitatearen mehatxu indartua

🔸"‘Likidatzaile nuklearren’ gisara kitorik lanean gabiltzanak geroz eta gehiago gara" Kate Brown historialariari egindako elkarrizketa, CC bidez Terrestres komunikabidetik ekarritakoa.

✍🏽 Jenofa Berhokoirigoin

🎨 Iñaki Landa

Amets Zulueta Martinez. Zinema masarendako.

Euskal zinemaren egoera, Kataluniako artistak eta Euskal Herrikoak, zinema masarentzat, artea helburu edo artea konpromisoarekin lotuta? Gai horiek eta gehiago ere jorratu dituzte Amets biek elkarrizketa mamitsu honetan.

“Intelektualismotik gutxietsi, kritikatu, infantilizatu eta tontotzat hartu izan da masa, eta masa gu gara”

✍️ Amets Aranguren Arrieta
📸 Dani Blanco

Gaurko egunez duela 50 urte, 1976an...

Manifestazioa egin zuten Gernikan bezperako greba orokorrean atxilotutakoak askatzeko eskatzeko. Txiki eta Otaegiren fusilatzeen urteurrenean deitutako greba orokorrean egondako istiluetan Espainiako Poliziak Gernikan atxilotutako lau lagunak askatzeko eta alkatearen dimisioa eskatzeko egin zuten protesta, baina Guardia Zibilak tiroka desegin zuen manifestazioa. Iluntzean, herriko giroa baretu zenean, Polizia berriz agertu zen eta tabernetan zegoen jendea irtenarazi eta txikizioak eragin zituen. Kalkuluen arabera, bezperako greban 550.000 langilek hartu zuten parte Hego Euskal Herrian, eta Poliziak eragindako istiluetan zauritu ugari egon ziren.

Gehiago:

1956, duela 70 urte: Valentziara iritsi ziren 1936ko gerratik ihes Sobietar Batasunera joandako 532 haur https://labur.eus/iypwvm4u

1864: Langileen Lehen Internazionala sortu zuten Londresen, munduko langileak antolatu asmoz https://labur.eus/l5abxnub

1932: Victor Jara musikaria jaio zen Txilen https://labur.eus/65honvrz

1975: Santanderko Racing futbol taldeko bi jokalari besoko beltzarekin atera ziren, Frankismoak bezperan exekutatutakoen omenez https://labur.eus/cqayk6f7

1987: Seaskak bere klaseak Baionako plazan eman zituen protesta gisa https://labur.eus/21fqppbv

2000: Bigarren Intifada hasi zuten Palestinan https://labur.eus/zgqqgvf7

Astelehen on, ARGIAzale:

❗️“42 hotel auzoan? Neurrigabea da, astakeria”.

Gasteizko Udalak iragarri du Alde Zaharreko Birgaitze Integratuko Plan Berezi (BIPB) berria onartuko duela. Manu Arakama Alde Zaharreko auzo elkarteko presidentearekin hitz egin dugu: https://labur.eus/wib5eyxh

🗣 Euskal Herriko Bertsolari Txapelketako bi saio jokatu dira asteburuan, eta haien berri dakarkizuegu Bertsozale bidez:

🔸 Larunbatean, Oier Etxeberriak irabazi du Altsasuko saioa: https://labur.eus/he0sqytg
🔸 Ane Labaka nagusitu da igandeko Lekeitioko saioan: https://labur.eus/ji6zzmkm

Eta borobiltzeko, La bola negra filmak sorrarazi duenaz Goizean argi buletina:
Dena ez da loria: arriskuak dituen fenomenoa
https://labur.eus/mhl3oldc

Ondo segi!

👋🏽Honatx eguerdiko albiste buletina:

5️⃣ 1️⃣ urte bete dira igandean Txiki eta Otaegi fusilatu zituztenetik. Zenbait eragileren hitzak bildu ditugu:

🔸Sortuk nabarmendu du askapen prozesua “aukeraz beteriko agertoki batean” dagoela: https://labur.eus/q59hng01

Horrez gain:

🏠Azora funts putreak Donostiako 20 etxebizitza huts presaz saldu nahi dituela salatu dute: https://labur.eus/tztlikgo

🗣 “Euskaraz bizitzeko aukerak biderkatu behar dira” (Enbata): https://labur.eus/t9cbjx10

🔸ELKARRIZKETA | “Alternatibak eraikitzea inoiz baino beharrezkoagoa da”. Iker Eizagirre eta Saul Kurto, Burujabetzaren eta Demokrazia Komunalaren Topaketen antolatzaileak: https://labur.eus/use32hai

👋🏽 Astelehenero bezala, honatx Lurreko berriak:

🌝 Ilargia bezain biribila irten zen 10. agenda ospatzeko bertso bazkari berezia. Hemen deskarga dezakezu bertan banatu zen liburuxka, bertso jarriekin eta Olariagaren ilustrazioekin. Ekitaldiaren kronika: https://labur.eus/evrtmhtd

🐟 Arrain batzuk gizakiak hazten ditu, jateko. Horretan ere badira bi eredu. Aintzira Oñederra eta Goiuri Alberdik azaldu digute: https://labur.eus/l8pbqib1

🐚 Gogoratzen Donostiako kaian karrakelak saltzen zituztenekoa? Molusku horretaz eta kaiak izan duen bilakaeraz mintzo da Nagore Zaldua https://labur.eus/25bwmecz

🍀 Udazkenean zer erein azaldu du Jakoba Errekondok: https://labur.eus/jh71u75e


📸 Irailaren 26an, Azpeitian (Gipuzkoa), bertso bazkari bereziko une bat. Argazkia: Jenofa Berhokoirigoin.
➡️ Bizi Baratzea kanalera harpidetuta, egunean behin jasoko duzu Jakoba Errekondok proposatutako lan berezi bat: https://t.me/bizibaratzea

Arratsalde on, jarraian webgunean argitaratu ditugun zenbait artikulu:

🇻🇪🇺🇸 Inperioaren oniritzia. Axier Lopezen analisia, Venezuela eta AEBen arteko harreman berriaz https://labur.eus/qynp62td

🏠 Maricarmen. Naroa Elortzaren analisia etxebizitza eskubideari buruz https://labur.eus/flajzhro

👉 Ramon Sagarzazu zendu da, ezker abertzaleko militante historikoa https://labur.eus/wpjh9p7h

🇮🇪🇮🇱 Boikot gabe, baina aldarrikapenekin: Irlandako futbol selekzioaren eta Israelen arteko partidak zeresana eman du https://labur.eus/3agfhvxz

🐼 Pandaren diplomazia. Ezetz Astea ondo bukatu, Gorka Bereziartuaren eskutik https://labur.eus/koe3etum

Ongi segi, lagunok