‏لو كنت أعلم أنك كفيف القلب ما لوحت لك يومًا

‏تحس أحيانًا إنك تحتاج تهرب بس مو هروب
‏من شيء محدد! — وتحتاج لشعور إنك تمشي
‏بدون وجهة كأنك تحرر روحك من كل اللي يثقلها .

‏أجامل وأخبي وأتصنع وأعيش الدور
‏على إني قوي وأنا اللي فيني مكفيني

لا تحاتي الريح يا غِصن اليباس
دام .. ما باقي بالأوراق .. ورقه !

ولا تفكّر في ألم من ضرب فاس
وأنت تعرف .. إنّ هذا منطقه !

ولا تقول إن الشجر منذ الأساس
فكرته صعبه عليه .. ومرهقه !

الشجر يعرف من أيّام الغِراس
إنّه يظلل .. يدينٍ تحرقه !

رغم هذا .. يثمر بروح وحماس
وما مسح حتى جبينه .. وعِرقه

‏مطلب الليله :
‏'حط يدينك من ورا ظهر الظروف .. و ضمّني' .

" الوعي لا يعذّب إلا ذوي الضمائر الحيّه "

‏ وقال فيها فهد قطنان /
‏ " تعبان و أنا أدري إني لو تعبت معذور
‏ ما يتعب إلاّ من يعرف الخطأ و الصواب "

"قلّل هقاويك وزوّد مبادِيك
‏ ماهو ضروري كل ضحكه محبَّه"

‏لو شلت همّ المسافة لا تكمل معاي
‏أنا دروبي طويلة وأنت حافي قدم .

‏رفعت عنك القلم يوم انتهى حبري
‏ونزعت من قلبي الوهم اللي زرعته

‏الذكريات امرها بعدك بـ صمت
‏كنّي . . على أعتاب القبور اتوطى

‏البارحة .. ذكرتك ، وما تبسمت
‏يبدو علي إني " بديت " اتخطى !

‏كل يوم أصافح طيوفك - غلا مدري مبرّه
‏ووين ما لديت أشوفك وجهتي فـ أربع جهاتي

‏ماقدرت اعيش لذات الحياه - المستمرّه
‏لا بغيت أواكب الحاضر رجعت لـ ذكرياتي

‏يوم جيتك جيّت اللي يدري إن الموت مره
‏تاركٍ من خلفي الدنيا و أهلها و أمنياتي .

شرود الذهن جزء من كفاحك البشري
‏ "ونرشد التائهين ولا نعرف كيف نغادر المتاهه "

‏ ومن زاوية أخرى /
‏ اشوف الخطة واجيه كني عليه أنقاد
‏ وأعرف السنع وأدل غيري " وانا غادي"

‏يستاهل الحب من صحّح عشانك
‏ خطاه واثمر معاه التعب من غير لا يسألك
‏الي رمى لجل عينك كل حاجه
‏وراه ترقب عيونه رضاك وينكسر لزعلك

‏أنتِ صبح الشراحـه // عقب ليل المخـافه

‏كيف أتوبك وأنا تايه ما أدل إلا دروبك؟
‏وكل الجهات في عيوني تصدّ وتلتفت صوبك

‏كأنك لـ قلبي الملفى وأجمل ذنوبي ذنوبك
‏رضيت بالضياع فيك، ولا نجاة بدونك

‏سيد البال .. تاخذني عليك الطواري
‏اثر مالي لو يطول الجفا عنك صده

‏انت ليلٍ .. تخاطفني عليه المساري
‏وانا ما جابني لك غير صدق الموده

‏ودي اخذ من عيونك ومبسمك ثاري
‏شي يوخذ بـ لين وشي يوخذ بـ شده

‏عاد وان بان بين الساعدين انكساري
‏من يلوم القوي لا بيح الشوق سده ؟

‏تموت الرغبه إذا جاء فالمحبه شّح
‏وتموت الكلمه إن جاء بـ ردها تأخير

‏حبيبك .. مو حبيبك لا بغاك تلح
‏و كلامك مو كلامك إذا يبي تفسير

‏و إذا حسيت إن هذا مو مكانك ؟ رح
‏ترى بعض الجلوس أحيانّ ما به خير

‏

‏«أطهر ثـرى وأصـدق علـم وأرفـع مقـام
‏ما يشبهك غيـرك عسـى خيـرك يـدُوم»

‏كل عام والسعودية بخير🇸🇦🤍🤍

‏يارب تعرفني .. وتعرف نواياي
‏وتعرف جميع ظروفي المُستبدة

‏أحيان أصيب الراي و أضيّع الراي
‏و احيانًا أفتح باب ، و أحيان أسده

‏يا رب وأحلام البني آدم كثيرة
‏أنت الولي والحلم راضخ لمولاه

‏مابي أصير اللي تمنيت أصيره
‏ أبي أصير اللي تحبه وترضاه .