والله مابي منه شيء ان كانه مقفي
ماغير ابدري عقب فرقاي وشلونه
تكفون ياللي تجونه من يبشرني
عساه مازال رقمي في تلفونه؟

‏تحبّني؟
حتى الهبايب والسحاب واللي معه عقلٍ رشيد
‏لا بُد إنه يحبّني

‏يارب اجبرني جبراً كثيراً يرضى به قلبي، و ترتاح به نفسي، و تهدأ به روحي، جبراً لا أجد بعده حزناً يُضعفني يا رب

إستعذت من الدروب اللي نهايتها حسافة
‏قبل ترميني ملذات الزمن .. في جوف غبة

‏شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه

‏من وصايا خالد الفيصل :
‏" أحذر يجي عقب المودة حسوفة ."
‏بمعنى :
‏—العتاب يجي مره و الفرص مرات بس لما
‏الإنسَان يقرر يروح لو تحط له المجرة بيّن
‏ يديه ماعاد يلزمه وجودك.

‏ماعاد يرضيني وفا ولا يزعّلني جفا
‏متساويٍ في خاطري ظُلم العرب وإنصافها

تقطّعت كبدي من الحزن والخوف
‏حزني على روحي .. وخوفي عليها

‏بكيت حتى خفت لا يطلع الشوف
‏من الدموع اللي غدا الشوف فيها

‏أنا ضحيّة حب وذنوب وظروف
‏يكفي لتدمير أي طيّب .. حديها

‏اشعر بـ نارٍ تلتهب داخل الجوف
‏مايقدر الماء لو شربته .. يجيها

لا ضاع رسم الطريق وزادت الحيره
‏فتحت باب السما من دعوة أعماقي
‏
‏ولا أدري الخير وين ووينها الخِيره
‏لكنّي أعرف وين مدبّر أرزاقي

من البارحه وانا اتصبر ولامن فود
‏اكلني الحنين وهشّمت صدري اللوعه

‏مضى مامضى وايامي البيض مثل السود
‏وانا انسان ماجته الليالي على طوعه

‏براني توجادي وماضي بري العود
‏وذاكرتي من احداث الايام مفجوعه

‏وجودي على ماراح ليت الزمان يعود
‏تقل نعمة النسيان لامر منزوعه

‏معي ذكريات أول غلا وآخر العنقود
‏لامرّت علي ماخلت القلب في ضلوعه

‏هاك الحاضر المفقود والغايب الموجود
‏اللي كلمته من كثر ما أغليه مسموعه

‏لكن الظروف يطولنا حبلها الممدود
‏ومثنيّة من عام الاول ومربوعه

‏يا حزني وياويلي من النقص عقب الزود
‏ومن ليلة حكيه بعينه وبدموعه

‏انا وين اوجه والوصل بابه المسدود
‏ما يقطع ظما الضامي ولا سد له جوعه

‏احتريته في صباح النايمين
‏ووجهي الذابل تعابيره أفا
‏يا عيوني ليه باقي تحترين
‏لو يحبك عن وصالك ماغفى

‏يارب تعرفني وتعرف نواياي
‏وتعرف جميع ظروفي المستبدة

‏أحيان أصيّب الراي وأضيع الراي
‏وأحيان أفتح باب وأحيان أسدّه

‏أحاول أمشي بإتجاهك يا مولاي
‏وتسرقني الأيام في خضم شِدة

‏عاملني بلطفك وعطفك ورجواي
‏ليا أنحرف قلبي عن الحق ردّه

‏تحريتك وأنا على رجوى وصالٍ مابعد غياب
‏وتمنيتك وأنا حزني عليك أكبر من الجيّه

‏تراودني تعاليل المحبّه والشعور أسراب
‏وأغضّ البال لامني سرحت وقلت منسيّه

‏على هون اليدين الي على جرحي تطق الباب
‏وأنا بابي ذرى عابر سبيل وصوت طرقية

بين رغبة قلب و بين شعوري و قراري
الغياب أحيان يحفظ لي مشاعري الحقيقه
ليت ما بيني و بينك باب و اعرف وش هو مصيري
لكن حالت بيننا جروح عنيده
كنت احسب ان الليالي ما تجب النهاري
و اثر سود الليالي لابد تنجلي بعد طول غيبه

يا غايب عن عيني، لكنّك وسط قلبي.

‏أعطيتني قلب وبخلت بسلامك
‏وش فايده حبك وانا منك محروم ؟

‏"يارب .. لا تعطيني على قد كدّي
‏كدّي قليل وأنت تعطي هماليل".

‏أحبّك والذي خالق ضلوعي من سلالة طين
‏ محبّة فارقه / ما تشبه إلا بصمة بهامي

‏عاد صوته ف المسامع وزوله ف العيون
‏وعاد له بين الحنايا " مداهيل ومحل "

‏صابني من يوم فرقاه شي من الجنون
‏ ليه يوم أني" تعلقت في حبّه " رحل؟

‏اللهم ارزقنا سعادة لا تزول، وراحة بال لا تنقطع، وقربا منك لا يضيع

‏أنت الرجاء يامِنزل القرآن في شهر رمضان
‏محتاج في قلبي وفي وجهي وفي مسعاي نور

‏أدعيك و أخشى من عذابك و أرتجي منك الجنان
‏مالي سوى عفوك ملاذ ألوذ به يوم النشور

‏عندي يقين برحمتك يارب و أنت المستعان
‏من رحمتك وشلون يقنط ؟ من يعرف انك غفور .