‏على كيفك ؟ تبي تشقى معي والا تبي ترتاح
‏انا حلـمٍ لغـيرك ما تحقق في ملاحَقته .!

‏ترى وجيه الليالي وانت داري شاحبه وشحاح
‏كم اغتالت لها ضحكه .. ويا كم شمل فرّقته

‏هقيتك تعـتذر وتجي تراضيني .. وانا دمّاح
‏يا زين العذر لا من جاء من الغالين في وقته

‏ولا أكبر من ضياع الهقوه وقدر الكبير ان طاح
‏سوى اللي ما هقيت آفارقه .. يا لين فارقته

‏من يقفّي .. لا يرجي من وراي استعطفه بـ إلحاح
‏من يقفّي / يقفّي .. والسلامه في مرافقته

‏على ذكرىً تزايفها الهبوب ، وسافية الارياح
‏سلام السامح اللي معتق جروحه .. ومعتقته

‏أعتقد إني وصلت لـ نهايه الطريق
‏
‏ من خطوة
‏" تعال اليوم و الأعذار كلها مقبوله
‏خطاك مسموح كنه زله اخواني "

‏و وصلت لـ خطوة أقول فيها :
‏" كل ما بغيت أسامحك ينتخي بي جرحٍ
‏يلوذ في وجه الكرامة …. و أعيي "

‏«غديت أودّع المقفي ولا أحب أسمع التبرير
‏أشوف أن التفاصيل الكثيره .. مالها داعي »

‏عزّ ممشاك عن أرض ما تحوفك
‏ومن يشتري خاطرك أشتريه بعمرك

‏والجمايل لا عجزت تردها قدّرها
‏واللي ما يثمر فيه خيرك ذوقه مرك

‏ومن يستكثر عليك الوضوح اتركه
‏ومصير الليالي السّود يظهر قمرها

‏سبحان من يمسح على قلب الإنسان
‏ويوزِع عليه مْن الرضا والرحابه

‏الادمي يسعى على الارض بـ احسان
‏والله يشرِّع فـ السماوات بابه

‏الدعوة اللي ادعي بها كل الاحيان
‏مرة قريبة.. وْمرة أبعد سحابة

‏ماغرّ منها قلب مؤمن ولا لْسان
‏والبارحة عيّنتها مستجااااابة

‏ما أنكر اني في بحر حبك غريق
‏ولا هويت من البشر شخصٍ سواك

‏ولا أنكر اني كنت لك دايم شفيق
‏وأمشي في شفك ومطلوبي رضاك

‏مير كل نايم عقب نومه يفيق
‏ويوقن ان الحب أحلام وهلاك

‏يا غرام الأمس ماني لك صديق
‏أنت قصة ياس غطاها حلاك

‏رح فمان الله كلٍ له طريق
‏فقت وشمت ولا أبي شي معاك

"العاصفة التي كنت
أشيح وجهي عنها،
تركض الآن في صدري"

‏"يستاهل الحب من صحّح عشانك خطاه
‏واثمر معاه التعب من غير ما يسألك

‏اللي رمى لـ أجل عينك كل حاجة وراه
‏ترقب عيونه رضاك .. وينكسر لا أزعَلْك"

‏"ياربّ وأنت الملاذ لوحدة المهتدي
‏يوم إن فؤادي وحيد أهدِهْ أنا مُتعبه

‏ خلّصني من الشعور اللي يهدّ جْهدي
‏و متعنّي بـ شي كل الناس تستغّربه

‏و ارزقني الحلم و الصبر وجميل سعدي
‏في راسي أحلام و الاحلام مترتّبه

‏تحتاج عفوك و انا اللي حسن ظنّي مدي
‏فيك أنت ولّا الاوادم ظنّهم ما اقربه"

‏عَفى الله عن كلامٍ في حنايا الصدر ماينقال
‏تركته للزمن لو هو ثقيل و جمرته حيّه

‏وعَفى الله عن همومٍ ما تخلي مستريح البال
‏يعيش أيام عمره في صفا ذهن وصفا نيّه

‏وعَفى الله هواجيسٍ توقف بي على الإطلال
‏تعيد الذكريات اللي مع الأيام منسيه

‏لأني أرفض اكون محطة عبور
‏ولا أفك شراعي في بحرٍ ما فيه مرسى

‏تقول أني بارد .. وما فيني شعور
‏ وتقول أني من الحجر أقسى

‏ماني من اللي تمر عليه مرور
‏ ولا اللي تجيه اليوم وبكره تنسى

‏"أنا الدايم وأنا الحاكم أنا الدستور
‏أنا ومن بعدي كل من أصبح وأمسى"

قال الرسول ﷺ: خير الدعاء دعاء يوم عرفة، و خير ما قلت أنا والنبيون من قبلي: لا إله إلا الله وحده لا شريك له، له الملك وله الحمد وهو على كل شيء قدير.

‏عسى لي أثر طيب و مواقف و ذكرى خير
‏و نفس تنول إللي تمناه .. يا ربي

‏ولا تبتليني بالسعي في نصيب الغير
‏ ولا تضيّع سنيني و أنا أدور لطبي

‏وهب لي بصيرة ما توردني التقصير
‏تميّز قلوب الناس في كرهي وفي حبي

‏و نورني أشوف الحقيقة مثل ما تصير
‏ أنا أشوف الأشياء مثل ما يشتهي قلبي.

يارب هذي أنا ماغيرتني الليالي وتقلبها ولا الزمان ولا جوره ولا ردى الناس وتبدّلها أنا عبدك إللي مايعرف إلا إنه يرجوك إن مهما قسى كل شيء على قلبه يبقى حنونٍ رؤوف مسامح ولا تدُب فيه شائبة ولا القسوة

‏- " من ١٤٤٧ إلى ١٤٤٨ "

‏ نطوي سنه مرت بها ضيق وأفراح
‏ ونبدا سنه فيها العلوم السعيده

‏ يالله تجعل مامضى العام ينزاح
‏ ونلقى السعاده في سنتنا الجديدة

‏ ‏أنت ذوقي وأنت شفّي وعمري والحياه
‏وأنت همّي وأنت عوقي ومحصول الصدف
‏ㅤㅤ
‏وأنت مطلوبٍ قضى العمر وأنا في رجاه
‏شوفتك سقف الطموحات ووصالك هدف

‏«تموت الرغبة إن جاء بالمحبة شّح
‏وتموت الكلمة ، إن جاء ردها تاخيّر »

جزء مني يريد شيئًا والآخر يحاربه
كيف أنجو
‏من حربٍ طرفيها أنا؟

أحياناً يكون ذنبك أنك صبور للحدّ الذي
يوهم الناس أنك خشبه .. وأنت بالاصل
غصن حتى الهوى الرقيق يهبّه