لتذكير أدعية يوم عرفة
قال النبي ﷺ:

"خيرُ الدعاءِ دعاءُ يومِ عرفة"

أكثروا من الدعاء، والاستغفار، وذكر الله، فلعلها ساعةُ إجابة لا تُرد 🤲🏻

اللهم اغفر لنا، وارحمنا، واكتب لنا الخير أينما كان، وحقق لنا ما نتمنى، واجعل لنا في يوم عرفة دعواتٍ لا تُرد 🤍

قصص📚❤️..
𝒔𝒕𝒐𝒓𝒊𝒆𝒔..

تخيّلوا إنو واحد جاب لمرتو عطر هدية، فماتت بسببو، والمتّهم بالجريمة هو رئيس روسيا! 😂

سنة 2018 بإنجلترا، كان في واحد اسمو تشارلي عم يفتّش بصندوق تبرعات، لقى قنينة عطر، فقرّر ياخدها ويهديها لشريكتو اللي اسمها داون.
داون حطّت العطر على معصمها، وفجأة بلّشت تحس بدوخة، وبعدها وقعت ونقلوها عالمستشفى. هنيك اكتشفوا إنّها تعرّضت لمادة سامة خطيرة كتير، بتُستخدم بعمليات الاغتيال، وبعد أسبوع بالمستشفى توفّت.
طيب كيف وصلت قنينة السم لصندوق التبرعات؟ 🤔
القصة إنو في جاسوس روسي سابق اسمو سيرغي سكريبال، صارت محاولة لاغتيالو بإنجلترا باستخدام مادة سامة اسمها «نوفيتشوك»، وانوجدت آثار المادة على مقبض باب بيتو.
وبعد العملية، قنينة العطر اللي استُخدمت بالحادثة انتهى فيها المطاف بمكان عام، وبعدين وصلت لصندوق التبرعات.
وهون بيجي تشارلي، اللي قرّر بدل ما يشتري عطر جديد، يوفّر مصرياتو وياخد قنينة من صندوق التبرعات ويهديها لحبيبتو! يا أخي حتى الهدايا بدها تدقيق أمني هلأ؟ 😭😂
وبعد وفاة داون، اتهمت السلطات البريطانية روسيا بالوقوف وراء محاولة اغتيال سكريبال، وحمّلت الحكومة البريطانية بوتين المسؤولية عن العملية.
يعني البنت ما إلها علاقة لا بجواسيس ولا بروسيا ولا ببوتين، وفجأة لقت حالها بنص قصة اغتيالات دولية بسبب قنينة عطر! 😭😂
العبرة من القصة اللي بيجيبلك عطر هدية اسألو من وين، وخليه هو يجرّبو قبل. 😂😂
#اعتراف_confession