ياحبيبي جعل تفداك تلعات الرقاب
‏انا ديّانك و لا صرت وافي وفّني

‏اخذني من ضيعة الراي وآمال السّراب
‏وحطني مابين سود الرموش وخفّني

‏لا تخليني كذا بين ضرس وبين ناب
‏الظروف تلفّني والغياب يلفّني

‏حايرٍ بين التقدم وبين الانسحاب
‏ردّنني من حفّة البير ولا دفني

‏« فداك من السنين أعزّها . . ومن الغلا ما جل
‏عن التوصيف ، وأبيات القصيد ، وشرهة أوراقي »
‏— عبدالله البديري

‏من وين ما لدّ عيوني ألاقيك
‏حتى وأنا في عزّ نومي تجيني

‏مالك شبيهٍ في عيوني يوازيك
‏وأنت الوحيد اللي سكن في حنيني

‏والله أحبك وأتمناك وأبيك
‏وتدري إنك نقطة الضعف فيني

‏تدري إني أحبك يا لذيذ السراب ؟
‏دام محدٍ قدر لك من البشر —— إلّا أنا

‏جعل السنين فداك من صفر إلى غرة صفر
‏يفداك حامل مسكها ويفداك نافخ كيرها

‏- مدغم ابو شيبه

‏«أنا لي في وجودك عمر وأيامي فدا دنياك
‏ودربٍ مايوصّل لك ماهو دربي ولا دياري

‏يكفيني من الدنيا أعيش برغدها ويّاك
‏وأقول إني غريقك وأبتديت بحبك إبحاري

‏وحياتي ما تزيّنها السنين المقبلة لولاك
‏يا أطهر من حفظ عهدي وحبك أعظم أسراري»

‏—عبدالله السرحاني

‏شفوق لشوفتك وأبغيك وأضما من لهَف لاماك
‏وغيرك من جميع الناس والله — ما ملو عيِني

‏لو الغَلا ينشَاف شافًوك وسَط عيني
‏ما بين رمش العين —— لك منزلٍ عـالي

‏يا لقاي بذاتي المتغرّبه ، عن ذاتي
‏يارضا نفسي على خير الزمان وشره

‏أنت جيت وجابك الله عقب طول شتاتي
‏وعودت فيك السنين الذابله مخضرّه

‏نظرتي ، ذوقي ، سواليفي ، غناي ، سكاتي
‏ودي أعرف لـ إرتباط اللي معك وش سره

‏فيك من حزني ، كثر مافيك من ضحكاتي
‏فيه أحد قال أنت تشبهني قبل هالمرّه ؟

‏جعلني من حبّك السرمدي ما عاد افوق
‏خل عاد المنطق الزين .. والوجه البهي
‏- علي الدعيه

‏أنت نعمه في حياتي والله اللي جابك
‏يا فديت أمك وأبيك وجعلهم في الجنه
‏- علي الدعيه

‏انا ما قلت أحبك بالعلن لكن بالتلميح
‏بتقراها بـ طيّات القصايد فيك مكتوبه

‏وتلقاني معك رغمًا عن الآلام والتجريح
‏يروح العمر مالي عنك لا صده ولا توبه
‏- محمد الكريدي

‏«ياحبيبي والله إنك حبيبي لين أموت
‏مستحيل أحب غيرك بغيت أو مابغيت»
‏—فهد قطنان

‏«كثر ما أنشرح صدري وأنا أحط عيني فيك
‏تقول إن جنبي شيخٍ .. يوصف لي الجنة»
‏—محمد السكران

‏أمرّك و أنا مستبعدٍ فكرة المعواد
‏و يغلب علي وجه الشبه بينك و بينه

‏يا غاية مراد اللي يشوفك أحق مراد
‏و الأحق في بسمة شفاته و ماء عينه

‏ملكني غرامك لين صرت أملك أستعداد
‏أناصر ضحايا الحب و أفهم مجانينه

‏أعشق وجودك في حياتي و ألبيك
‏هذا هو الموجز و كل الحقيقه

‏أغليك و أحبك و أعزك و أداريك
‏و أشتاق لك في الثانيه و الدقيقه

‏- مساعد الرشيدي

‏مليحه