يالله اللي لا ظلال يظلنا إلا ظله
‏يوم الأنفس من ولايفها تفّر وتدبر

‏اطلبك قولٍ يقين وموقفٍ في حله
‏تحتميني من شماتة كل وجهٍ مغبر

‏وعايذك من عاقبة شر ارتكاب الزله
‏ودعوةٍ ما تستجاب وعثرةٍ ما تجبر

‏يارب الخير جعل الخير قدامي
‏وتنحشد لي من الفرحة صفوف

‏يارب أصافح إن عشت أحلامي
‏ومن البشر يارب أطهرهم كفوف

‏عسى ربي يتمم فرحتي ويزيدني بجود
‏ ويملا حياتي إنجاز وأحلام ورديّة

‏ وعسى كل طموحٍ سكنني يصبح له وجود
‏ وعسى دربي دوم مزروع بخطوة قوية
‏

‏يالله غناةٍ منك ماهي من النَّاس
‏النَّاس ما منها غناة ومعزَّة

‏يمكن تجود الناس مرَّة .. وتنحاس
وإلا أنت راع الجود في كل حزَّة

يـارب ما نسمع في سمـاك الا المطر
ولا نشوف في أرضك الا الأمـان 🇸🇦

ربي بشرنا بما ننتظر

ما مشيت إلا و أنا عايف وعندي يقين
القلوب إن ذاقت الغبن ماهي لاينه

‏"طالما لا زلنا أحياء، فسنلعب ونضحك ونرقص ونركض، ونحب ونُجرح ونتشافى، ثم نحب مرة أخرى.. سنعيش

‏سمحين ونعدي الغلطات ونمشّي
‏والظاهر انْ بعضهم ناسين من حنّا

‏كنّا ذرى يوم كان الخوف متفشّي
‏والحمد لله حنّا مثل ما كنّا

‏نلين ونجامل العالم ببعض الشي
‏لكن ببعض الأمور نموت ما لنّا

«عليك ساقتني مقادير الأيّام
‏ضايق وأدوّر في سوالفك راحة»

يا اللّٰه لاتاه الكلام وضاقت رحابي
سخر لي إنسان يدعي لي مع الجمعة

يارب عطني أكثر من اللي رجيت
وأنت الكريم اللي عطاه سرمدي

انا أمنياتي أكبر من اللي سعيت
يارب تشرق لي مثل صبحٍ ندي

دخيلك من الدرب لا مال وبكيت
وأعوذ بك يارب من حظٍ ردي

طلبتك تحقق دعاي اللي دعيت
تعبت أشيل أحلامي براحة يدي

‏فليتك تحلو والحياةُ مريرةٌ
و وليتكَ ترضى والأنامُ غضابُ
‏اذا صحّ منك الودّ فالكل هين
وكلّ الذي فوق التراب تراب

‏ولو تغيب الشمس، تبقين الوحيدة
‏مشُرقة، تسطع على روحي ، وتبين

‏ما أبي في دنيتي ، شمسٍ جديدة
‏بس أبيك أنتِ بعمري تشرقين

آه من طيش الهيام ونزوة القلب اللحوح
اكسروني كسرة الأبيات بلسان أعجمي

السؤال اللي سلب لُب الإجابه .. وين أروح ؟
وغربتي غربة مشاعر بس لقلبك تنتمي

‏ياربِّ وأنا اللي كل ما تمضي الأيام
‏أنا الضعيف اللي رجاه سترك الضافي
‏
‏ما تغريني دروب الملذات ولا الأحلام
‏ما دام إني بترك هالزمن كله إخلافي
‏
‏رجعت لك تايب قبل لا ترفع الأقلام
‏من ذنوبي اللي ثقلها يتعب أكتافي
‏
‏تقبَّلني بـ عفوك عليَّ و رضاك التام
‏رضاك أنت غاية قلبي الطيِّب الصافي

كل ما دعيت الله عطف وتوافيق
أسمك يخاشر دعوتي بالدقيقة

من قالها ثلاثا حين يصبح و ثلاثا حين يمسي كان حقا على الله أن يرضيه يوم القيامة

أعوذ بك ربي من الخوف ومن الوسواس
‏ومن حاجةٍ مالي بها قوّة ولا حيلة

‏فيك الرّجا ما خاب يارب الفلق والنّاس
‏ومنك الأمل ما مات لا لحظة ولا ليلة

‏أنت اليقين اللي قطع حبل الجزع واليأس
‏وأنت الأمان اللي بخوفي دايم أشكي له

‏« يارب الناس وهّاب الخلايق مهربي ملجاي
‏عظيمٍ كل ما جيت أرتجيك أجيك ملهوف

‏أجيك ومغفرتك السرمديه مطلبي ورجاي
‏وألـوذ برحمةٍ فيها البنادم ينجلي خوفه

‏مادام إنك وكيل أمري ماخاف من الزمان الجاي
‏لو إني ما أعرف وش شايلٍ لي داخل كفوفه »