Термиз шаҳрида Олий суд ва ЕХҲТнинг Ўзбекистондаги лойиҳалари мувофиқлаштирувчиси офиси ҳамкорлигида оммавий ахборот воситаларида суд органлари фаолияти ва суд жараёнларини ёритишда журналист ва блогерларнинг касбий малакасини оширишга қаратилган ҳудудий семинар-тренинг бўлиб ўтмоқда.

Тадбир иштирокчилари - Сурхондарё ва Қашқадарё вилоятларида фаолият юритаётган журналист ва блогерлар.

Telegram

САВОЛ:

Мен бир иш юзасидан иқтисодий судга мурожаат қилмоқчиман. Аммо суд яшаш жойимдан анча узоқда жойлашган. Буни айтишдан мақсадим шуки, суд биносига шахсан бормасдан, даъво аризасини интернет тармоғи орқали жўнатишим мумкинми?

ЖАВОБ:
 
Ҳа, иқтисодий судга даъво аризасини суд биносига шахсан бормасдан, электрон шаклда юбориш мумкин. Иқтисодий процессуал кодексининг 3-моддасига кўра, ҳар қандай манфаатдор шахс ўзининг бузилган ёки низолашилаётган ҳуқуқлари ёхуд қонун билан қўриқланадиган манфаатларини ҳимоя қилиш учун иқтисодий судга мурожаат қилишга ҳақли. Мазкур моддада судга мурожаат ва унга илова қилинадиган ҳужжатларни электрон ҳужжат тарзида юбориш мумкинлиги ҳам белгиланган.

Шунингдек, Иқтисодий процессуал кодекснинг 4-моддасига мувофиқ, иқ­тисодий иш электрон шакл­да шакллантирилиши мумкин.

Бундай ҳолларда ишда иштирок этувчи шахслар электрон рақамли имзо билан тасдиқланган ҳужжатларни электрон шаклда судга тақдим этиш ҳуқуқига эга. Онлайн мурожаат қилиш https://adolat.sud.uz сайти орқали амалга оширилади.

Демак, сиз даъво аризаси ва унга илова қилинадиган тегишли ҳужжатларни электрон шаклда юбориш орқали иқтисодий судга мурожаат қилишингиз мумкин. Бунда даъво аризаси қонунчиликда белгиланган талабларга мувофиқ расмийлаштирилиши ҳамда тегишли судга юборилиши лозим.

Telegram

САВОЛ:

Иқтисодий судга даъво аризаси билан мурожаат қилмоқчиман, аммо даъво талабининг 2 фоизи миқдорида давлат божи тўлашим керак экан. Айтинг-чи, давлат божини кимга ва қандай тартибда тўлашим керак?

ЖАВОБ:

— Бу саволга жавобан шуни айтиш керакки, иқтисодий судга даъво аризаси билан мурожаат қилишда давлат божи қонунчиликда белгиланган тартиб ва миқдорда тўланади. Давлат божи суд хизматлари учун эмас, балки қонунчиликда назарда тутилган юридик аҳамиятга эга ҳаракатлар амалга оширилганлиги учун ундириладиган мажбурий тўлов ҳисобланади.

“Давлат божи тўғрисида”ги қонунга мувофиқ, иқтисодий судларга бериладиган мулкий хусусиятга эга даъво аризалари учун давлат божи даъво баҳосининг 2 фоизи миқдорида, бироқ белгиланган энг кам миқдордан кам бўлмаган ҳолда тўланади. Давлат божини тўлаш учун тегишли иқтисодий суднинг давлат божи бўйи­ча тўлов реквизитларини аниқлаш ва шу реквизитлар асосида банк ёки электрон тўлов тизими орқали тўловни амалга ошириш мумкин. Тўлов ҳужжатида тўлов мақсади ва бошқа зарур маълумотлар тўғри кўрсатилиши лозим. Тўлов https://billing.sud.uz/сайти орқали онлайн амалга оширилади.

Амалдаги Иқтисодий процессуал кодексининг 149-моддасига кўра, даъво аризасида талаблар, уларнинг асослари ва илова қилинаётган ҳужжатлар кўрсатилиши керак. Давлат божи тўланганлигини тасдиқловчи ҳужжат эса, қонун талабига кўра, даъво аризасига илова қилинади.

Шундай қилиб, давлат божини судья ёки жавобгарга эмас, балки белгиланган реквизитлар бўйича тўлашингиз керак. Тўловни амалга оширгач, уни тасдиқловчи ҳужжатни даъво аризасига илова қилиб, судга тақдим этасиз.

Telegram

СУДЬЯНИНГ БИР ИШ КУНИ

Жиноят ишлари бўйича Наманган шаҳар судининг судьяси Моҳидил Маматбаева фаолиятига назар

Telegram