Biologiya, kimyo, matematika va fizika fanlaridan milliy sertifikat imtihonida qatnashmoqchi boʻlgan talabgorlar diqqatiga!

📆 2026-yil 16-oktabr kuni biologiya, kimyo, matematika va fizika fanlaridan navbatdagi milliy sertifikat imtihonlari uchun talabgorlarni onlayn ro‘yxatga olish boshlangan edi.

📱 Shu kunning o‘zida my.gov.uz sayti orqali ro‘yxatdan o‘tgan va imtihonda ishtirok etish istagini bildirgan talabgorlar soni 213 ming nafardan ziyodni tashkil etdi.

📝 Ro‘yxatdan o‘tgan talabgorlarning fanlar va hududlar kesimidagi taqsimoti tahlil qilinib, talabgorlar soni ko‘pligi uchun imtihonlarni quyidagi sanalarda o‘tkazish belgilandi:

🔹biologiya — 21-, 23-noyabr;
🔹kimyo — 22-, 24-noyabr;
🔹fizika — 24-noyabr (qog‘ozda);
🔹matematika — 28-29-30-noyabr.

📋 Bunda fizika fanidan milliy sertifikat imtihonlari talabgorlar sonidan kelib chiqqan holda an’anaviy shaklda(qog‘ozda) o‘tkazish rejalashtirilmoqda.

✅ Imtihonlarni oʻtkazish grafigiga oʻzgartirish kiritilgani uchun talabgorlarni my.gov.uz saytida qoʻshimcha roʻyxatga olish yoʻlga qoʻyildi.

💻 Imtihonda ishtirok etish istagini bildirgan talabgorlar 30-oktabrga qadar (shu kuni ham) my.gov.uz sayti orqali roʻyxatdan oʻtishlari mumkin.

✔️ Agentlikning rasmiy sahifalari:
Telegram | Facebook | Instagram | YouTube

#OnlaynTest

QO‘SHMA TA’LIM DASTURLARI: NAVBATDAGI QABUL IMTIHONLARI MUVAFFAQIYATLI O‘TKAZILDI

 
Xalqaro ta’lim sari muhim qadam – bilim va salohiyat sinovda!
 
📆 2026-yil 26-oktyabr kuni respublikamizdagi oliy ta’lim tashkilotlari hamda xorijiy hamkor oliy ta’lim muassasalarining qo‘shma ta’lim dasturlariga qabulning ikkinchi bosqichi doirasida chet tillari bo‘yicha navbatdagi kirish imtihonlari bo‘lib o‘tdi.
 
📍 Test sinovlari quyidagi oliy ta’lim tashkilotlari uchun tashkil etildi:
 
⚫️Toshkent davlat sharqshunoslik universiteti
⚫️Toshkent arxitektura-qurilish universiteti
⚫️Urganch davlat tibbiyot instituti
⚫️Toshkent to‘qimachilik va yengil sanoat instituti
⚫️Qoraqalpog‘iston tibbiyot instituti
 
Zamonaviy texnologiyalar – shaffof va tezkor baholash!
 
💼 Talabgorlar Bilim va malakalarni baholash agentligi tomonidan ishlab chiqilgan elektron platforma orqali test sinovlarida ishtirok etdilar. Jarayonning elektron shaklda tashkil etilgani talabgorlarga imtihon yakunlanishi bilan o‘zlari to‘plagan ballar bilan tanishish imkonini berdi.
 
Natijalar – aniq, baholash – shaffof!
 
📊 Imtihon natijalari bo‘yicha qaydnomalar rasmiylashtirilgach, belgilangan tartibda tegishli oliy ta’lim tashkilotlariga taqdim etiladi.
 
📌 Ma’lumot uchun:
O‘zbekiston Respublikasi Vazirlar Mahkamasining 2021-yil 6-iyuldagi 421-son qaroriga muvofiq, respublikadagi oliy ta’lim muassasalari hamda xorijiy hamkor oliy ta’lim tashkilotlarining qo‘shma ta’lim dasturlariga qabulning ikkinchi bosqichi – tegishli ta’lim dasturi doirasida o‘qitiladigan chet tili bo‘yicha kirish imtihonlari Bilim va malakalarni baholash agentligi tomonidan o‘tkazib kelinmoqda.

✅ Agentlikning rasmiy sahifalari:
Telegram | Facebook | Instagram | YouTube

O‘ZBEK ALIFBOSIGA 2026-YILDA KIRITILGAN O‘ZGARTIRISHLAR

Joriy yil 21-oktyabr kuni lotin yozuviga asoslangan o‘zbek alifbosining yangi tahriri e'lon qilindi.

Yangi tahrirga ko‘ra:

Alifboga 4 ta yangi harf shakli kiritildi: Ğ, Ö, Ş va Ç;
O‘, G‘ harflarining yozilishi takomillashtirildi;
Sh va Ch harf birikmalari o‘rniga mos ravishda Ş va Ç harflari qo‘llaniladi.

Yangi alifbo 2027-yil 22-apreldan kuchga kiradi.

🎬 Batafsil ma’lumot yuqoridagi videolavhada.

✅ Agentlikning rasmiy sahifalari:
Telegram | Facebook | Instagram | YouTube

Boshlang‘ich ta’lim o‘qituvchilari diqqatiga!

O‘zbekiston Respublikasi Vazirlar Mahkamasining 2026-yil 29-iyuldagi 411-son qaroriga muvofiq, boshlang‘ich ta’lim o‘qituvchilari uchun milliy sertifikat imtihonining spetsifikatsiyasi ishlab chiqildi va e’lon qilindi.

Milliy sertifikat imtihonining mazkur spetsifikatsiyasi Ilmiy-o‘quv amaliy markazi tomonidan Buyuk Britaniyaning AQA Global Assessment Services tashkiloti bilan hamkorlikda xalqaro baholash standartlari asosida ishlab chiqildi.

Mazkur spetsifikatsiyada imtihon mazmuni, baholash yo‘nalishlari, topshiriqlar shakli va tarkibiga oid ma'lumotlar berilgan.

Boshlang‘ich ta’lim o‘qituvchilari milliy sertifikat imtihoni spetsifikatsiyasi hamda namunaviy test topshiriqlari bilan quyidagi havolalar orqali tanishishlari mumkin:

🔗 Spetsifikatsiya bilan tanishish
🔗 Namunaviy test topshiriqlari bilan tanishish

✅ Agentlikning rasmiy sahifalari:
Telegram | Facebook | Instagram | YouTube

Prezident Shavkat Mirziyoyevning Turkiy davlatlar tashkilotining Anqara sammitidagi nutqidan asosiy fikrlar:

📌O‘zbekiston ta’sirchan global taraqqiyot markaziga aylanib borayotgan Turkiy davlatlar tashkilotini o‘zaro ishonch va amaliy sheriklik maydoni sifatida ko‘radi;

📌Strategik maqsadlar atrofida yanada jipslashib, manfaatlarni xalqaro maydonda birgalikda ilgari surish lozim. TDT mamlakatlari ushbu ezgu yo‘lda yakdil va kuch-g‘ayratini turkiy birdamlik uchun safarbar etishga tayyor;

📌Tashkilot doirasida dolzarb xalqaro va mintaqaviy masalalar yuzasidan muntazam siyosiy maslahatlar o‘tkazish, yondashuv va sa’y-harakatlarni muvofiqlashtirish muhim;

📌Uchinchi mamlakatlar bilan “Turkiy davlatlar tashkiloti plus” formatidagi hamkorlikni sohaviy vazirlar uchrashuvlaridan boshlash taklif etildi;

📌Texnologik hamkorlikni chuqurlashtirish, jahon bozoriga birgalikda chiqish imkonini beradigan sanoat kooperatsiyasini rivojlantirish zarur;

📌“Turkiy dunyo – 100” – yuzta strategik qo‘shma investitsiya va sanoat loyihasini qamrab oladigan dasturni qabul qilish taklif etildi;

📌Nodir va strategik minerallarni to‘liq qayta ishlash, “yashil” energetika uskunalari ishlab chiqarishni mahalliylashtirish, yuqori daromadli mahsulotlar tayyorlashga ustuvor ahamiyat qaratish maqsadga muvofiq;

📌“Tijorat ishlari bo‘yicha o‘zaro huquqiy yordam ko‘rsatish to‘g‘risida”gi ko‘p tomonlama shartnomani ishlab chiqish lozim;

📌“Turkiy davlatlar logistika komplekslari tarmog‘i”ni tashkil etish va uni birgalikda boshqarish taklifi bildirildi;

📌Turkiy xalqlarning tarixiy shaharlari, betakror tabiati, boy madaniyati va mehmondo‘stlik an’analarini dunyoga birgalikda taqdim etish maqsadida “Turkiy turizm alyansi”ni tashkil qilish tashabbusi ilgari surildi;

📌Fuqarolarning o‘zaro safarlari to‘g‘risida ko‘p tomonlama bitimni ishlab chiqish taklif etildi. Unda ID-kartalar asosida safar qilish imkoniyatlarini kengaytirish, chegaradan o‘tish va mezbon davlat hududida bo‘lish tartibini soddalashtirish masalalari aks etishi lozim;

📌Mamlakatimiz “Yangi O‘zbekiston” stipendiyasi doirasida turkiy davlatlar vakillariga har yili 200 ta ta’lim granti ajratishga tayyor;

📌2027-yilni tashkilot doirasida “Tabiatni asrash yili” deb e’lon qilish bo‘yicha tashabbus hamda O‘zbekiston vakilining nomzodi Bosh kotib lavozimiga qo‘llab-quvvatlangani uchun minnatdorlik bildirildi;

📌"Anqara sammiti olijanob maqsadimiz, birdamlik g‘oyamiz va ulug‘vor rejalarimizga erishish yo‘lida muhim qadam bo‘ladi";

📌“Barchamizning orzu-istaklarimiz va intilishlarimiz mushtarak. Biz bir bo‘lsak, yanada qudratlimiz. Hamjihat bo‘lsak, yanada yuksak marralarga albatta erishamiz”.

Facebook|Instagram|X

#Natija_chet_tili

Chet tillari bo‘yicha imtihon natijalari

📆 2026-yil 10-oktabrdan 23-oktabrgacha bo'lib o'tgan chet tilini bilish darajasini aniqlash malaka imtihoni natijalari e’lon qilindi.

🆔 Imtihon natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

🧾 Imtihondan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab olishlari mumkin bo‘ladi.

‼️ O‘z natijasidan norozi bo‘lgan talabgorlar 3 kun mobaynida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi.

✅ Agentlikning rasmiy sahifalari:
Telegram | Facebook | Instagram | YouTube