Бош прокуратура ҳузуридаги Департаментнинг Урганч шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда кучли таъсир қилувчи воситалар савдоси билан шуғулланиб келган фуқаро Ф.Д.нинг “Жинговуз” МФЙ ҳудудидаги хонадони кўздан кечирилганда, 1 065 дона кучли таъсир қилувчи воситаларни ўтказиш мақсадида сақлаб келганлиги аниқланиб, ушбу маҳсулотлар ашёвий далил сифатида олинган.

Департаментнинг Кўкдала тумани бўлими ходимлари томонидан ўтказилган тезкор тадбирда “A.G.” хусусий корхонаси раҳбари А.Н. ва сотувчиси Ж.Н.лар ўзаро тил бириктириб, “Кўкдала” МФЙ ҳудудидаги дорихонасида кучли таъсир қилувчи дори воситаларини сотишга рухсатномаси бўлмаса-да, 160 дона “Бензонал” номли кучли таъсир қилувчи дори воситасини сотган вақтида ушланиб, дорихонадан 730 дона кучли таъсир қилувчи дори воситаси ашёвий далил сифатида олинган.

Департаментнинг Олмазор тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирларда фуқаро М.З. 27 дона “Регапен” номли кучли таъсир қилувчи дори воситасини сотган вақтида ушланиб, ундан яна 467 дона кучли таъсир қилувчи дори воситаси ашёвий далил сифатида олинган.
 
Яна бир ҳолат, фуқаролар Ф.М., Б.Т., А.Х. ва И.Т. (муқаддам судланган) 7 дона “Регапен” номли кучли таъсир қилувчи дори воситасини сотган вақтида ашёвий далиллар билан ушланганлар.

Мазкур ҳолатлар юзасидан Жиноят кодексининг 276-6-моддаси (гиёҳвандлик воситалари, психотроп моддалар ёки уларнинг аналоглари ҳисобланмайдиган кучли таъсир қилувчи ёхуд заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

Вазият 24 | Қашқадарё вилояти ва Тошкент шаҳри

Бош прокуратура ҳузуридаги Департаментнинг Тошкент шаҳри бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаролар А.И. ва Ф.К. ўзаро тил бириктириб, чет элда ишлаб чиқарилган 1 539 қути “Esse change” номли акциз маркасиз тамаки маҳсулотларини фуқаро И.С.га 7 200 АҚШ долларига сотган вақтида ушланиб, улардан яна 6 турдаги 1 832 қути тамаки маҳсулотлари ашёвий далил сифатида олинган.

Шунингдек, Департаментнинг Юнусобод тумани бўлими ходимлари томонидан ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаролар Ф.И. ва Н.Ш. фуқаро Ш.Б.га тамаки маҳсулотини сотган вақтида ушланиб, Ф.И.нинг бошқарувидаги “Gentra” русумли автотранспорт воситаси кўздан кечирилганда, автотранспорт воситаси юкхонасида сотиш мақсадида олиб келган умумий баҳоси 156,7 млн сўмлик 123 турдаги 3 183 қути акциз маркасиз тамаки маҳсулотлари борлиги аниқланиб, ушбу маҳсулотлар ашёвий далил сифатида олинган.

Департаментнинг Юнусобод тумани бўлими ходимлари томонидан ўтказилган яна бир тезкор тадбирда фуқаро С.Х. ва бошқалар “Лашкарбеги” кўчасидаги савдо дўконида умумий баҳоси 213,4 млн сўмлик 97 турдаги 3 793 қути акциз маркасиз тамаки маҳсулотларини савдога қўйганликлари аниқланиб, ушбу маҳсулотлар ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спиртини, алкоголли ва тамаки маҳсулотларини, шунингдек тамакини ҳамда никотинни истеъмол қилиш мосламаларини қонунга хилоф равишда муомалага киритиш ёки ишлаб чиқариш) билан жиноят ишлари қўзғатилиб, тергов ҳаракатлари ўтказилмоқда.

Вазият 24 | Тошкент шаҳри

Бош прокуратура ҳузуридаги Департаментнинг Тўрақўрғон тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “A.” МЧЖ раҳбари Наманган шаҳар, “Ғишт кўприк” МФЙ ҳудудидаги бинода тегишли тартибда лицензия олмасдан дорихона ташкил қилиб, сифатини тасдиқловчи ҳужжатлари бўлмаган 425 турдаги 12 844 қути дори воситалари ва тиббий буюмларни савдога қўйганлиги аниқланиб, ушбу дори воситалари ва тиббий буюмлар ашёвий далил сифатида олинган.

Департаментнинг Тошкент вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида Ўртачирчиқ туманида ўтказилган тезкор тадбирда фуқаро Д.С. ва бошқалар фуқаро Б.С.га хорижий давлатларда ишлаб чиқарилган тегишли ҳужжатлари бўлмаган 1 700 дона “Аксигил” ва 1 693 дона “Акса лево” номли дори воситаларини дорихоналардан ва уларнинг филиалларидан ташқарида сотган вақтида ашёвий далиллар билан ушланганлар.

Мазкур ҳолатлар юзасидан Жиноят кодексининг 276-12-моддаси (сифатсиз ёки қалбакилаштирилган дори воситаларини ёхуд тиббий жиҳозларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини дорихоналардан ва уларнинг филиалларидан ташқарида реализация қилиш, шунингдек таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят ишлари қўзғатилиб, тергов ҳаракатлари ўтказилмоқда.

Вазият 24 | Қорақалпоғистон Республикаси

Махсус репортаж | Тошкент шаҳри

Бош прокуратура ҳузуридаги Департаментнинг Самарқанд шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда умумий ўрта-таълим мактаби директори Н.А. фуқаро Қ.М.ни ўқитувчи вазифасига ишга қабул қилиши эвазига 400 АҚШ долларини олган вақтида ашёвий далиллар билан ушланган.

Вазият 24 | Бухоро вилояти ва Тошкент шаҳри

Бош прокуратура ҳузуридаги Департаментнинг Хива шаҳри бўлими томонидан ўтказилган терговга қадар текширувда “M.D.” оилавий корхонаси масъул шахслари “Оқ ёп” МФЙ ҳудудидаги бинода умумий фойдаланишдаги электр тармоғига тижорат мақсадида ўзбошимчалик билан тўғридан-тўғри уланиб, 542,3 млн сўмлик электр энергиясидан ноқонуний фойдаланганликлари аниқланган.

Департаментнинг Нурафшон шаҳри бўлими томонидан ўтказилган терговга қадар текширувда фуқаро М.А. “Деҳқонобод” МФЙ ҳудудидаги хонадонда электр тармоғига ўзбошимчалик билан тўғридан-тўғри уланиб, 186,2 млн сўмлик электр энергиясидан ноқонуний фойдаланганлиги аниқланган.

Департаментнинг Улуғнор тумани бўлими томонидан ўтказилган терговга қадар текширувда ЯТТ “З.Х.” “Обод” МФЙ ҳудудидаги автомобилларни ювиш шохобчасида умумий фойдаланишдаги электр тармоғига тижорат мақсадида ўзбошимчалик билан уланиб, 116,3 млн сўмлик электр энергиясидан ноқонуний фойдаланганлиги аниқланган.

Департаментнинг Тошкент тумани бўлим томонидан ўтказилган терговга қадар текширувда фуқаро К.О. “Айриота” МФЙ ҳудудидаги хонадонида табиий газ тармоғига ўзбошимчалик билан тўғридан-тўғри уланиб, 106 млн сўмлик табиий газдан ноқонуний фойдаланганлиги аниқланган.

Шунингдек, Департаментнинг Оҳангарон тумани бўлими томонидан ўтказилган терговга қадар текширувда фуқаро У.И. “Паргос” МФЙ ҳудудидаги далаҳовлида газ ҳисоблагичга ташқи таъсир кўрсатиб табиий газ тармоғига ўзбошимчалик билан уланиб, 219,2 млн сўмлик табиий газдан ноқонуний фойдаланганлиги аниқланган.

Департаментнинг Тошлоқ тумани бўлими томонидан ўтказилган терговга қадар текширувда фуқаро Р.Д. “Қиргули” МФЙ ҳудудидаги хонадонида умумий фойдаланишдаги табиий газ тармоғига ўзбошимчалик билан тўғридан-тўғри уланиб, 111,5 млн сўмлик табиий газдан ноқонуний фойдаланганлиги аниқланган.

Вазият 24 | Бухоро вилояти ва Тошкент шаҳри

Вазият 24 | Сурхондарё вилояти ва Тошкент шаҳри

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (Этил спиртини, алкоголли ва тамаки маҳсулотларини, шунингдек тамакини ҳамда никотинни истеъмол қилиш мосламаларини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.

Вазият 24 | Қорақалпоғистон Республикаси

Бош прокуратура ҳузуридаги Департаментнинг Бешариқ тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “Қўрғонча” МФЙ бўйича ҳоким ёрдамчиси Д.Х. фуқаро М.Й.га тижорат банкида ишловчи танишлари орқали 150 млн сўмлик кредит ажратиб бериши эвазига “iPhone 17 Pro Max” русумли уяли алоқа воситасини олган вақтида ашёвий далиллар билан ушланган.

Вазият 24 | Фарғона вилояти ва Тошкент шаҳри