የጠቅላይ ሚኒስትር ዐቢይ አሕመድ (ዶ/ር) መልዕክት
*****************
ኢትዮጵያ እና የተባበሩት መንግሥታት፤ የጋራ ታሪክ፣ የአሁን እና ተሻጋሪ ትብብር፣ በሰላም አብሮ ለመኖር!
‎
‎ኢትዮጵያ የተባበሩት መንግሥታት የስምንት አስርት ዓመታት ጉዞን ምክንያት በማድረግ፣ "በሰላም አብሮ ለመኖር" በሚል መሪ ቃል ልዩ የመታሰቢያ ቴምብር ስብስብ አውጥታለች።

‎እነዚህ አራት ቴምብሮች እ.ኤ.አ. በ1945 በሳን ፍራንሲስኮ የተባበሩት መንግሥታት ቻርተርን ከመፈረም ጀምሮ፣ በኮንጎ የሰላም አስከባሪ ኃይሎችን እስከማሰማራት እና በአፍሪካ ምድር ለመጀመሪያ ጊዜ የተካሄደውን የተባበሩት መንግሥታት የጸጥታው ምክር ቤት ስብሰባ እስከ ማስተናገድ ያለውን የጋራ ታሪካችንን የሚተርኩ ናቸው።

በዓለም የፖስታ ህብረት በኩል ለ192 ሀገራት የተሰራጩት እነዚህ ቴምብሮች፣ ለአንድ ወቅት ብቻ ሳይሆን ለትውልድ ሁሉ የሚተርፍ የታሪክ ዐሻራ ማሳያ ናቸው።
‎
‎በዚሁ አጋጣሚ፣ ለተባበሩት መንግሥታት ዋና ጸሐፊ ክቡር አንቶኒዮ ጉቴሬዝ እና ለቡድናቸው፣ በዘመናዊው ታሪክ ውስጥ እጅግ ፈታኝ በሆነ ወቅት ላይ ሰላምን፣ ልማትን እና ሰብዓዊ መብቶችን ለማስከበር እያሳዩት ላለው ጽኑ አመራር ጥልቅ አድናቆታችንን እንገልጻለን።

‎የተባበሩት መንግሥታት የጸናው ሀገራት ከመከፋፈል ይልቅ ውይይትን ስለመረጡ ነው።
‎ኢትዮጵያም ይህንኑ የሁልጊዜ ምርጫዋን ታጸናለች!

አዲስ አበባ "በብርሃን ፍጥነት" እየተለወጠች ያለች ከተማ ነች፦ አንቶኒዮ ጉተሬዝ
*************************
የተባበሩት መንግሥታት ድርጅት ዋና ጸሐፊ አንቶኒዮ ጉተሬዝ፣ ድርጅቱ የተመሰረተበትን 80ኛ ዓመት ምክንያት በማድረግ በኢትዮጵያ የተዘጋጀውን ልዩ የቴምብር ስብስብ ከፍተዋል።

ዋና ጸሐፊው በሥነ-ሥርዓቱ ላይ ባደረጉት ንግግር፣ አዲሱ የመታሰቢያ ቴምብር የተመድን 80ኛ ዓመት ከማክበር ባለፈ በኢትዮጵያና በተመድ መካከል ያለውን ታሪካዊና የጠበቀ አጋርነት የሚያሳይ መሆኑን ገልጸዋል።

ኢትዮጵያ በአውሮፓውያኑ 1945 የተመድ ቻርተርን ከፈረሙ የመጀመሪያዎቹ 51 አገራት አንዷ መሆኗን ያነሱት ዋና ጸሐፊው፣ አብዛኛው የአፍሪካ አህጉር በቅኝ ግዛት ስር በነበረበት ወቅት ነጻነቷን ጠብቃ የቆየች ጥንታዊ የስልጣኔ ማሳያ መሆኗን አውስተዋል።

ኢትዮጵያ ሌሎች የአፍሪካ አገራት ነጻነታቸውን እንዲያገኙና የድርጅቱ አባል...https://web.facebook.com/EBCzena/posts/pfbid0PoRo9kJYFWZM6p7v9L2Be5RLBeBzuDxtstr2WWtqUygKggUEUM6pQp4i6DSXWFVBl

በመቅደላ ጦርነት የተዘረፉ ቅርሶች ከ158 ዓመታት በኃላ ወደ ኢትዮጵያ ተመለሱ
***********************
በመቅደላ ጦርነት ወቅት ተዘርፈው ወደ እንግሊዝ ተወስደው የነበሩት የንጉሠ ነገሥት አፄ ቴዎድሮስ የፀጉር ቁንዳል፣ የልብስ ቁራጮች እና የወርቅ አምባር ከ158 ዓመታት በኋላ ወደ ኢትዮጵያ ተመልሰዋል።

ቅርሶቹን ከእንግሊዝ ይዘው የመጡት የንግሥቲቱ ቤተሰብ ሙዚየም ኃላፊ ሮቢን ጃክሰን (ዶ/ር) እና የኢትዮጵያ ቅርስ አስመላሽ ኮሚቴ አባልና ተመራማሪው አሉላ ፓንክረስት (ዶ/ር) ናቸው።

የኢትዮጵያ ቅርስ ባለሥልጣን ዋና ዳይሬክተር ረዳት ፕሮፌሰር አበባው አያሌው እና የኢትዮጵያ አርበኞች ማኅበር አባላት..https://web.facebook.com/EBCzena/posts/pfbid0jUM3K224vkuFeBcLq2JAiw1kgPBfUAswabLUCH7mLU3HPRn9VWe39bYUSocxUt9xl

የቅዱስ ሲኖዶስ ምልዓተ ጉባኤ የቤተ ክርስቲያንን አንድነት እና የሀገርን ሰላም በሚያጠናክሩ ውሳኔዎች ተጠናቀቀ
******************
በኢትዮጵያ ኦርቶዶክስ ተዋሕዶ ቤተ ክርስቲያን ለሰባት ቀናት ሲካሄድ የቆየው የቅዱስ ሲኖዶስ ምልዓተ ጉባኤ፤ በሀገራዊ ሰላም፣ በቤተ ክርስቲያን አንድነትና በወቅታዊ ጉዳዮች ላይ ሰፊ ውይይት በማድረግ የተለያዩ ውሳኔዎችን አሳልፎ በዛሬው ዕለት ተጠናቋል።

የቤተ ክርስቲያኗን ሉዓላዊ ክብርና አንድነት መጠበቅ ዋነኛ ተግባሩ መሆኑን ያረጋገጠው ቅዱስ ሲኖዶስ፤ ለዚህም ሲባል የተቋቋመው “የሀገራዊ ሰላምና የቤተ ክርስቲያን አንድነት” ኮሚቴ ሥራውን አጠናክሮ እንዲቀጥል ወስኗል።

7ኛው ጠቅላላ ምርጫ ለሕዝብ አንድነት የሚበጅ እንዲሆን ቤተክርስቲያን ፀሎት...https://web.facebook.com/EBCzena/posts/pfbid02FpNnbDKxXrwy7CpxRG9cqPYj8fpz15TNKFEjuhXx5Yt2t6Q5Q1B7JApQjby3m7wvl

የዓለም ተስፋ በኒው ዴልሂ፦ የብሪክስ የውጭ ጉዳይ ሚኒስትሮች ስብሰባ ተጀምሯል
***********************
በህንድ መዲና ኒው ዴልሂ የተጀመረው የብሪክስ (BRICS) የውጭ ጉዳይ ሚኒስትሮች ስብሰባ፣ በዓለም ዙሪያ የሚታዩ ተግዳሮቶችን በጋራ ለመፍታትና አዲስ የትብብር ምዕራፍ ለመክፈት ትልቅ ተስፋን ሰንቋል።

ይህ ስብሰባ በመጪው መስከረም ወር በህንድ አስተናጋጅነት ለሚካሄደው 18ኛው የብሪክስ የመሪዎች ጉባኤ ስኬታማነት ወሳኝ መሠረት የሚጥል ሲሆን፣ የአባል ሀገራቱን አንድነትና ለዓለም አቀፍ መረጋጋት ያላቸውን ቁርጠኝነት የሚያሳይ ነው።

"ለጥንካሬ፣ ለፈጠራ፣ ለትብብር እና ለዘላቂነት መገንባት" በሚል መሪ ቃል እየተካሄደ ያለው ይህ ስብሰባ፣ በተለይም በዓለም አቀፍ ደረጃ ትኩረት የሚሹ የጤና ጉዳዮችን እና የኢኮኖሚ ትብብርን ለማጠናከር ያለመ ነው።

በስብሰባው ላይ የኢትዮጵያ፣ የሩሲያ፣ የደቡብ አፍሪካ፣ የብራዚል፣ የኢራን እና የኢንዶኔዥያ የውጭ ጉዳይ ሚኒስትሮች የተገኙ ሲሆን...https://web.facebook.com/EBCzena/posts/pfbid0WNnkUECSH5PuHongtmKJagC2K2ZQtFMgVgmwDBWYaakj2XKu9wjUiorYTtMfWvSDl