የትንሣኤ በዓል የሕይወት አሸናፊነትና የጥሩነት መገለጫ ነው” - ፕሬዚዳንት ቭላድሚር ፑቲን
************

የሩሲያው ፕሬዚዳንት ቭላድሚር ፑቲን የክርስቶስን የትንሣኤ በዓል ለሚያከብሩ የኦርቶዶክስ ክርስቲያኖችና ለመላው የሩሲያ ሕዝብ የእንኳን አደረሳችሁ መልዕክት አስተላልፈዋል።

ፕሬዝዳንቱ በመልዕክታቸው፣ ታላቁ የትንሣኤ በዓል በሚሊዮኖች የሚቆጠሩ ሰዎችን ልብ በእውነተኛ ደስታ፣ በሕይወት አሸናፊነት እንዲሁም በፍቅርና በፍትህ ድል አድራጊነት እንደሚሞላ ገልጸዋል።

በዓሉ ሕዝቡን ከቆዩት የቀድሞ አባቶች ወጎችና መንፈሳዊ እሴቶች ጋር የሚያስተሳስር ታላቅ ዕለት መሆኑንም አክለዋል።

የሩሲያ ኦርቶዶክስ ቤተ ክርስቲያንና ሌሎች የክርስትና እምነት ተከታዮች ታሪካዊና ባህላዊ ቅርሶችን በመጠበቅ፣ የቤተሰብን ተቋም በማጠናከርና ወጣቱን ትውልድ በትክክለኛ ሥነ-ምግባር በማነጽ ረገድ የሚጫወቱትን አርዓያነት ያለው ሚና ፕሬዚዳንቱ አድንቀዋል።

በተለይም ሃይማኖታዊ ተቋማት ከመንግሥት አካላት ጋር በመቀናጀት ለሀገራዊ አንድነት፣ ለሃይማኖቶች የጋራ ውይይት እንዲሁም በወታደራዊ ዘመቻ ላይ ለሚገኙ ዜጎችና ለቤተሰቦቻቸው እያደረጉት ያለው ድጋፍ የሚደነቅ መሆኑን ጠቁመዋል።

ፕሬዚዳንት ፑቲን ለመላው ሕዝብ መልካም ጤንነትን እና ብልጽግናን በመመኘት፣ በዓሉ የሰላምና የደስታ እንዲሆንላቸው መልካም ምኞታቸውን አስተላልፈዋል።

#Russia #Orthodox #Easter #VladimirPutin #Goodwill #HappyEaster