«قنوع بـ كل شي إلا .. في تقديري لذاتي
‏ما تليق فيني الهوامش وانا عنوان واضح»

"تراك أوّل غلا يسكن حشاي و يستحلّ أقصاي
معك تحلى مشاوير الشقى لو طال مشواري" ❤️

‏"أحس إن للزمن عبره ولدروب الحياة فحيح
وجابك ربي ترجع نقط عمري على أحرفها"

"وجهٍ اسوق العمر له ضحكة وفي وجهي عبس
‏ما أنساه من وِردي وأنا انسى فرض ما صليتها

‏عطني يدك بأمسح على صدري عسى ثقلٍ جلس
‏ينزاح من لمستْك وتبدَّد هموم اخفيتها"

"‏تمر الليالي وأنت وجهك هو اللي كان
مثل ضحكةٍ من قلب ما بين أبي وأمي"

«كلّ كلمة.. بلعنا شرّها بالكلايف
‏جعلها بالصحايف عند ربي ثقيلة»
— بشاير المقبل

«وش أذخر عن ثناياك العذاب ووجهك المملوح
‏وانا الِّلي راح عُمري في رجا ماها ومرعاها

‏أحبك كثر ما كنت أتوقَّى والغلا مفضوح
‏وأحب أيامي الِّلي جابتك يا أغلى عطاياها

‏أحبك من طلُوع الفجر الأول لَـ طلُوع الروح
‏أحبك .. كثر ما عودتك تنام إتّوحاها»
❤️

"أنت حبّك لو ورى حدب الضلوع ادسه
‏لا ضحك وجهي سعاده.. والله إنه يبين"

"‏عز الله إني ظلمت اسمي وميقافي
‏أخطيت في حق نفسي والخطا وارد

‏هقيت فيك الهقاوي وأنت ياكافي
‏ما أبرد من اعذارك إلا وجهك البارد"

"‏خل الطيور الخايبه بأفعالها الشينه تطير
وإن كان طاحت ما تطيح إلا على اشكالها"

‏"القلوب تشوف وأنا أحسب أنها ما تشوف
‏والعيون تميل وتحب قدام الملا

‏غير للي عودتني على كسر الشفوف
‏وارغمتني بالمحبة .. وتجديد الولاء

‏أطهر من المحرم اللي على الكعبة يطوف
‏وأصدق من الموت وأذير من ريوم الفلا"

"‏مديت لك عمري على كف يـمناك
‏وغيرك على رجوى هلا مد عمره

‏نزعت بيبان الثقل غايه رضاك
‏وشرّعت لك قلبي ويا طول صبره

‏ميّت شعور وفز قلبي لـ طرياك
‏وأعرف شعوري ما يجي غير مرّه"

"مرحبا بك وفي ذمتي يالوجه السموح
إن شوفتك تروي ظمأ ومقابلك يحيي الفؤاد"

"أقبلي يا طب قلبي وإرتياعي
أقبلي عقب المسافات الطويلة

مرحبا بك من ذراعي لذراعي
جابك الله علم وأنتي حلم ليلة

يا ثمر قلبي، وشوقي، وإندفاعي
يا غناتي فالسنين المستحيلة

مدّعين الحب والشوق الصناعي
‏كل أبوهم فدوةً لك يا جميلة"

"بعد عثرات ودروس وسنِين وتجربه وإدراك
‏عرفت إنْ أكبر كنُوز الحياة الفانية مبدأ"

"لك في قوس الضلوع مشيدٍ بيت ومشرّع باب
ما يقلط وسطه إلا حضرتك وأنت من اصاحيبه

تساوو في عيوني عقبك الحضّار و الغيّاب
وبديت أشكك أن عيوني الثنتين تركيبه"
💌❣️

"مابارت أهدافي لو ان الزمن بار
العزم مثل البحر ماله نهاية

ذقت الخساير والعزاير والأمرار
وسقت العمر كله لاجل غايه

مايصنع التاريخ من هاب الأخطار
ولا رقا في قمة المجد تايه

ولا يدري الإنسان عن بعض الأقدار
يمكن بعد خط النهاية.. بداية"

«جعل غيمٍ يوسع خاطرك ما يزول
وجعل كل الليالي فيك متبـاركة»

‏«مشكلتي إني ما أحب الرمادي
‏ومشكلتك تشوف المزيّف حقيقي

‏أنا صديق اللي يحبّ ويعادي
‏أمّا صديق الكل ماهو صديقي»