"أصوت له أدوّر له أبي فيه أتلفت .. ضاع
فقدته من ثلاث سنين والضيعه هي الضيعه."

"وأنت تدري كل ما تحتاجني تلقاني
يشهد الله عنك ماتقدر تشح إيديَّه"

غيرك من الناس يحسِن ولا يلقى قبول
وأنت حتّى يوم تجرح .. أردّد لك فدا

تهون إن صارت الرمضا حشاي وربعي الباقين
‏تمون إن سَمّرت وجهي من الخيبة لهايبها

‏تهون ودامني أقدر أهونها وأقول : تزين
‏يجي يومٍ وتعتقني همومي من طَلايبها

ما والله غيّرت طبعي الليال ولا كْسرت لي عين
‏لحد الحين تزعلني وأنا للحين أعَاتبها

‏تقول إن كَثرت هْمومي كثر مافيني من الزين
‏هذي كفّارة عيونك عسى الله لا يعاقبها..

ولا صرت ما حنيتني كيف أحنك ؟

لو أخشّ أسمك اللي يستحق الشعر و التمجيد
‏ تمحور حولك المعنى ويدرون أنك المعني ..

"نسيم الليل أنا في وجهك من الحزن والتذكار
لا تسري بي تحت جنح العتيم وخاطري ضايق"

‏فتق صدري تنهّاتي ولحقه من الحنين اتعاب
‏وغدت كل حاجةٍ بعدك تضحّكنا تبكِّينا

‏خذانا الحلم في غفلة ورجّعنا الزمان أغراب
‏وعلى الله كل ما تطري علي و أذكر ليالينا

‏يجوز إن الليالي ما تخلّينا نعود أحباب
‏ولكنّ الأكيد إن الليالي ما تنسِّينا ..

أنا القاضي وراع الحجه الأقوى وأنا المفلوج
‏وأنا اللي فاقدٍ حلو المنام .. و روحه المرحه

‏"ليه صوتك في حنين العمر راكن؟
‏و جرحك أكثر جرح موجع بس غالي"

"كنّهم عقب رحلوا شالوا ليالِ الأنس عنا
الخواطر لك عليها و الزمن .. ما هو بـ رايق"

"اللي خسر كل حاجة وش يخاف يخسر
ما يثمر اللي زرعت مْن المعاذير فيك
مانيب طيِّب بعدك وحالتي ما تسرِّ
عسى ما جاني من اللي شفت منِّك يجيك
حبِّيتك بقلبٍ ما يقسى ولا ينكسر
والحين لو تلمس أطرافه تْجرَّح أيديك"

أحنه من النسناس والريح لا تشقيه
‏لا منّه تثنى والهبايب تلاعب بّه

‏يسولف ويسرق ساعة الوقت بين يديه
‏كلامه يخلي فاقد السمع متنبّه

تجيبك صدفه أقسى من رداة الحظ و الغربال
و تسألني أنا باقي ؟ وأقول بكل عناويني

ترى لعيوني أكثر من صديق و لـ الخفوق أحباب
أشوفك تختصرهم في خفوقي يا أول جراحه.

جيتك من العمر وجروحي خلاف وأمام
ومدري لو إنك حدى جروحي وأنا أسعى لها

‏لا تخلّيني أكف الدمع و أسامر طيوفك
‏وش بقى لا شفتك بفرقاي متطمّن و سالي ؟