"تلمح العين وجهك ويتبدد نعاس
‏وتشعل الذاكره صوتك وأعجز أنتهيك

‏كل دربٍ مشيته عقب فرقاك .. ياس
‏وكل ليلٍ بدونك كان موتٍ وشيك."

‏"تعال وخلّ هفوات السنين الأوّليه
‏العمر مشكوك في نصفه ولحظاتك وكاد"

‏ويمر طاريك ويهب الهوى من شمال
‏ويعكر الصفو قلبٍ يطلب إعانته

‏لازال يعزف على لحن اللقا والوصال
‏حتى لو إنه يعاني وسط زنزانته

‏ماغيّرت منزلة حبك صدوف الليال
‏جوارحي لو يطول البعد ما خانته

‏ما أحبك إلين تاخذك السنين الطوال
‏أحبك إلين ربي ياخذ أمانته.

‏لك هاجس الذكرى سرق عنّي النّوم
‏ ماودّعه فكري ولا عنه ساري.

‏فقدك المدى وأوّل طريقي وصدر الدار
‏ياوجهٍ لو تْملّ البشر منه .. ما أملّه
‏
‏معك كنّي أخذ في فضى ليلتي مشوار
‏و أجاذبك صبحٍ يفهَق العمر عن حِلّه

"قليلة حظ لكني أبد ماني بـ قليلة شان
‏على كفي منابت ورد و بصدري شجر وطيور

‏ياربي مامعاي غير أنت وأنت القادر السلطان
‏وطبعٍ مايعرف الكيد والظلم وعهود الزور

‏طريقي لو عثى فيه الحنين وردته بيبان
‏خذ بيدي ياربي للطريق الطيّب الميسور."

‏"أخاف من الجدل ومن الزعل ومن الكلام الحاد
‏ يغرّبني قسى الغالين دايم و أشعر بغربة"

‏" إذا هزمتك كفو و أستاهل الانتصار
و إذا هزمتيني أنتي .. كني المنتصر "

‏تعوّدت الرحيل و ماعليّ خْلاف
‏أنا في كل نفس الله موزّعني

‏تخاف الفقد يوجعني ؟ أنا ماخاف
‏أنا أخاف الحنين اللي يرجّعني ..

‏لاحت يْدين الاماكن لـ مودّع
‏مثل ما لاحت بروق الفقد فوقي

‏ المزون اللي من الموق تْجدّع
‏ما حفظها لْـ غير هذا اليوم موقي

‏يوم أشوف شقوق جدرانك تصدّع
‏ما دريت اللي على جدارك عروقي

" قبلك ولا مرّه توقّعت الهوى ... فيه أنهزام
‏بعدك عرفت انّ الفراق اوّل عدوّ مْن العدا "

‏أشتقت واللي حط في قلبي الشوق
‏ما فيه ليل يْمرني ليل هادي

‏في داخلي غصّة وفي صدري فْتوق
‏ولا رحت أدوّر عند غيرك ضمادي

‏فرقت في عيني ولا فيه مخلوق
‏ينافسك واللي ينافسكْ غادي

‏ياليتك العادي ولا تملك فروق
‏و أستسهلك ويْكون فرقاك عادي

يوم شفتك للثقل والكبر والهجران ناوي
‏ما دريت إن عزّتي محدٍ من العالم شراها .

قابلك هالقلب بجروحك وطبّك
‏إن بغيت تطيب لي وإلا ترادا

‏ما تزحزح قدرك بعيني وربك
‏لك غلاً يركض بصدري ما تهادى

‏إعتدلت بكل شي إلا بحبك
‏كل مالي .. اتمادى واتمادى

‏ما عاد لي قلبٍ على توديع خلاّنه جسور
‏اللي ما يردعه الحنين ! البعد ماهو رادعه

‏هاجرت وأخترت الرحيل بصمت لن أقسى شعور
‏إنّك تواعد من سكن قلبك عشان توادعه