"طرت لي ليالي لو تذكرتها معذور
لو الوقت يرجع كان أنا جيتها عاني"

‏"لك في سما الروح غيمه ما تمل الهطول
‏تمطر على الهجر لين الهجر ينبت وصال"

أكتب عزاي إني تعقبت السواد .. و راح بي
دربٍ طويل من العطش بين الشفاه وكاسها

‏لك من القبول اللي ما قد مسّه التزييف
‏ما يجعلني أدري بإن الأحساس روحاني

‏أحبك .. ولا آبالي من البعد والتسويف
‏أنا كثر ما أحبك معك ودّي آعاني

‏ليه جيتي تاخذين البال و أحتاج لوجودك
‏حاجةٍ ما تشبه إلا حاجة الظميان للما

‏حالف إني لا أتمادى بالهوى و آصل حدودك
‏لو قطعت من الدروب الكايدة والروح تدمى

‏جيت أشوفك من بداية صدفتك حتى وعودك
‏و الليالي تنتظرنا من سنه .. والليل أعمى

"منت مخطي لو إنك في خطاك أسرفت
‏الصواب الصواب يصيب في مقتَل

‏أدري إن الجفا مصيرنا من شفت
‏السما فوقنا تِمطر ولا نبتَل"

‏أعرفك وأعرف شعورك و أصايد قلبك المغرور
‏أنا اللي خابرك من يوم ما كان الغرام إعجاب

‏"سمح خاطر ماهو على أدناة شيٍ يعيف
‏وليّا عاف؟ لا يمكن يعوّد على خبرك"

ودّي أبعد عن شعوري و اتوارى
‏لين أعوّد في يدي قلبٍ حديدي

‏"وأحاول في يد النسيان لو هي لحظة تلفِك
‏وأشوفك في مدى شوفي وشعري وإرتحالاته"

يا مقربك لو دعيتك بس كلمة تعال
أثقل على خاطري من حاجة المستحي

أعيش عقبك مشتت بين علّ و ياليت
خايف و أحاتي الليالي ويش هي رامعه

‏والله ان صدري معافى وخفاقي نظيف
‏لو أشوف الحزن في عين حسّادي زعلت

‏الملامح بعض الأحيان تظهرني عنيف
‏ولاّ أنا بالكلمة الطيبة .. ماقد بخلت

‏أقبل بوجهٍ يشرف ومنطوق عفيف
‏ولا لقيت اللي ينقص من حضوري رحلت

‏أتعدا عن عيوب البشر كني كفيف
‏ولا تبيّن شي للعين جنبت و غفلت

‏يارب عامًا بهيًّا في طلائعهِ
‏نهرٌ من الخيراتِ يُسقينا ..

يبخل لسانك و أنت للسمع طماع
و البخل في سِلم المحبيّن ممقوت.

‏ولا لي بالبشر غايه ولا لي بالثرى أوتاد
‏خفوقي حر وأتبع ما يعزّ النفس وأرضيها

‏ولامنّي عشقت أعشق شبيهي لو هواه جهاد
‏وأعاف اللي تذلّل بالمحبه من بلاويها

‏تركت أحلام واجد لأنها في ناظري أقیاد
‏وأنا ما أرضى القيود اللي تشلّ الروح بيديها

‏ولا أساوم ولا أقارن ولا ناظرت بالأنداد
‏أشوف إن كل شخص بدنيته يحيا لياليها

‏أحب الصدفه اللي ما يعذرب شهدها الميعاد
‏ وأعز اللحظه اللي ينتصر حظّ أجودي فيها

‏وأعرف إن العمر مرة وأعرف إن السنين شداد
‏" ونذر إني لأعزف أيّامي السود وأغنّيها "