والله إنّ الأرض عقبك ضيّقه لو هي فسيحة
‏ولو أعد العمر دونك راحت أيّامه خساير

‏وإذا أشرق صبحٍ ما جاد بهواك ولا تسامى فيك
‏بعيش العمر في رجوى الصباح اللي يطرّونه.

تركني ضايع بدونه ولا أدري حتى أنا ويني
أحاول أسلى بـ غيابه و أدور لـ الغياب أعذار

رجعت اسأل عن أخباره و تاهت بي عناويني
رجعت أداري جروحي .. و قلبٍ ما عرف يختار

"يا عيونٍ في أنتباهتها تغاضي
‏مرّي المتضايق و خليه الأرحب"

‏"حبيبي جعل ما يقفى مواصيلي معاك غياب
أنا مالي بعد غيمك سحاب يبلل أطرافي"

لا تعذّبني وأنا قبلك معذّب
‏خل بين الجرح والثاني مساحه
‏
‏والله أنه مايلام ولا يكذّب
‏من يقول إن الهوى مافيه راحه

‏صديقي الليل طوله مستمر و مديد
‏سولف يوم إن السوالف معك ما أملّها

‏خيبات عُمر البنادم ما تجي بالقصيد
‏لو خيبتي في قصيدة تخلص آهلّها

‏معاي جرحٍ قديم و جرح ثاني جديد
‏فيني جروح المسافة كلّها .. كلّها

‏ومعاي بالٍ نديم الذكريات و عنيد
‏وجهات نسيان جرحه خايف يدلّها

‏وأنت السوالف معاك تغيّر المود أكيد
‏الضحكه اللي تجي حلوه .. وفي حِلّها

‏خلّ المخاوف بعيد ومُفترضها بعيد
‏معاي حتى حقايق واقعك خلّها

كنت أقول إن المشاعر عنك توبتها نصوحه
و أثرها عُمرٍ ما يعطى فيه عهد و لا ضمانه

الغلا في كل يوم يطيح صرحٍ .. من صروحه
أدرك اللي باقي مْن الحب قبل يفوت آوانه

لا تحمّلك الخطايا هم عذر ولا سموحة
أرجع أنت وكل شيٍء فات يرجع في مكانه

كم قلت بعتاض منه في هوى غيره
‏وعجزت لا أقبل هوى غيره .. ولا أعتاضي

ما كفاك الوقت تغفر لي وتترفق بصدّي ؟
الزعل يكبر و أنا أحسب كم بياخذ من سنيني

ما زهدتك لو مسكت الشمس والقمرا بيدّي
و ما تمنّى غير يدّك تمسك براحه يديني

‏قربك يحدّد ليه ولا من متى ؟
‏والوقت بـ أيامه وبفصوله جميع

‏العام ماحسيت صيف ولا شتاء
‏العام كان بـ كل لحظاته ربيع

‏واليوم صرت أشوف الألوان بْهتا
‏وأشوفني وأشوفك وحنّا نضيـع

بعد وحشه غيابك في حياتي والقلوب أسرار
‏رسم لي طيفك المسرى وأهيم بسكة أوهامي

‏ملامح غيبتك بانت بوجهي التايه المحتار
‏ثلاث سنين وأحداقي تعيش بخيبة أحلامي

‏هذاك اليوم يا طول المساري واليدين قصار
‏على عزمي ترا عجزت تشيل عزومي عظامي

‏يوم جفت ضلوعي .. ساقك الله نهر
‏لين بدّد مسافات الظَما والرتابة

‏أعيش ضامي ولا أشرب من قراحٍ غزير
لا صار في جمة الماء غير دلوي دلو .

وفاه مقيّد شوفي و أنا وافي و من وافين
وغلاه يعّن روحي لا تلفت صوب داعيها.

"ترى المنخذل حتى النسم يحسب إنه درس
يمر الوجيه الساهيه مرَّت المُضحك."

لقيتك في زحام الباس حولي تخلق اللا باس
و طيفك من لمحته قلت ليته في كنف طيفي

ولا غيرك بنظرة عين أعمق ضلع فيني جاس
و ياليتك تعمدها و تحرمني تحاسيفي

لقيت أوصافك الندر على عرش الحشا جلاس
لقيتك لا شعورياً تصير أغلى .. مواليفي

وصرت أراهن بحبك و أنا أدري هالرهان أفلاس
و أنا اللي كان صيت الحُب في طاريه تخويفي

بصير بقيض روحك في ليالي ضيقتك نسناس
وأمطر لك نور مهما يعاند غيمتي صيفي

و اببحر لك و لو مينا المشاعر ما أنبنت في ساس
ولو بحر الهوى يكسر من امواجك مجاديفي

وبنسيك الأراضي السبع لولا حظي المياس
وأمشي قلبك اللي ليتني كيفه على كيفي