"وتسّج من غيره لو إنهم يذكرون
‏ومنين ما سِقت القدم ممشاك له.."

‏"أنا كني خذيتك خطوةٍ فيها الشهور سنين
وخذيتك شارةٍ يتعب ورَى تحقيقها الرامي.."

‏ما أحب إلا أنت وإن عيّا عليك النصيب
‏عيّيت عن زينة الدنيا ومشهاتها*

‏لو تذعذع بك رياحيني ونودي
‏النصيب إن ما تسيّر.. ما تسيّر *

والله إن قلبه تغير .. بس أنا قلبي رقيق
أذكر اللي كنت أحبّه قلبي لذكراه دار .

‏"أنا يكفيني أغيب و خافقي ما جاك منه قصور
‏وأنت يكفيك تذكر كل ليلة لهفة عناقي."

‏"يجول بخاطري شي يوردني لسان اللوم
‏وأنا بيني وبين الصمت أمور البوح منهيّه"

‏ما باح سدّي فالليال المخلّه
‏اللي ثلاث أرباع .. ونّاتها منْك

‏يدري عن غيابك وعن جرحك الله
‏هو الوحيد اللي تكلمت له عنْك

"يا مُناة اللي تمنى .. والزمن عيّا عليه"

"تفوت سنين ماعشت الحياة وتلتقي بإنسان
ينسيك السنين اللي قضيت وعشتها قبله"

يوم خيرني الزمن فالناس سهّلت أختياري
كنت أشوفك كل هالدنيا بعيني كل حزه

ماعشقتك نزوه وعذّبتك بطول أنتظاري
جيتك أسرع من جناح الطير لا عجّل مفزه

لا توقفني على خفة شموخي وأنكساري
ولا تساومني على العزه مدام إن لي معزه

أعتذر لي عن جروحك مره ورد أعتباري
لا تدنّس كل لحظه لي معك وأنت المنزه

‏"تهب من البطا ذكرى قديمة وأحتريها نَفْح
وأشوفك من دريشة حِزن الأمس غبار ماياوي."

‏يا حبيبي يوم فلَّ الليل لوعة ساهرينه
‏الصبْح ما كان أخفّ، ألَّا جعلَها سرمديّة

‏كل ما بانت خيوط الشمس من شرق المدينة
‏ما ذكرت ألّا سنَاك .. وما فقدت ألّا مجيِّه

‏معاك .. حتى الصدف تحتلّ ذاكرتي
‏ومع غيرك سنين لو مرتني أنساها.

‏"لعيونك الله خلق خفّاق محسوبك
‏يا طيب حظٍ تثنّى بك على بابي."