حبيبات قلبي الله يمسيكم بأنوار النبي

اليوم شمستنا عالية تأخرت بالطلعة من الشام للساعة ١١ وربع الحمد لله هلأ وصلنا بيروت بخير وسلامه بصراحة بدي صير اطلع الضهريات احسن من الصبحيات اسهل طلعة اليوم كرج المي سحبة وحدة الطريق سيرانة والحدود مافيها زحمة والتختيم على الماشي رغم انو معي طلاب معهم قبول جامعي وتاشيـ رة دراسية بس الحمد لله رب العالمين هونها مافي دغري ختمنا ودفعنا وضلينا ماشيين والجو حلو اليوم بفضل الله الامور جيدة بقيان لعشية عندي استقبال مطار على ٧ تيسير رب العالمين بدي استقبله وراجع على الشام إذا الله أراد لاتنسونا من دعواتكم أمانة ربي يسعدكم وينور دربكم يا أكابر ياحلوين

تحياتي للجميع

( توضيح منشان يلي سألونا عن فرص العمل بالمطارات السورية)

✅ طبعاً فرص العمل المطلوبة لمطار دمشق ومطار حلب ومطار اللاذقية

✅ مدير محطة طيران يعني ( Station Manager ) مهمته الاشراف على العمليات الأرضية في المطار

🔴 طبعاً رح يكون عنده مهام ومسؤوليات متعددة:

✔️ الاشراف الكامل على العمليات الأرضية لضمان أعلى مستويات الكفاءة والسلامة في المحطة

✔️ التنسيق المباشر و اليومي مع سلطات الطيران المدني وإدارات المطارات السورية لتسهيل حركة الطائرات والرحلات

✔️ إدارة وتوجيه الفرق الأرضية التابعة للشركة والتأكد من توافق معايير السلامة الدولية

✔️ تلبية متطلبات رحلات الخطوط الجوية المتعاقد معها (طيران تجاري/ شحن / طيران خاص أو رحلات عارضة )

✔️ اعداد تقارير التشغيل وحركة الطائرات اليومية والتعامل الفوري والفعال مع حالات الطوارئ أو تعديلات الجداول الزمنية

يلي حابب يكون ضمن الفريق عليه ارسال السيرة الذاتية على:
📩 lama@allameaa-aviation.com
📩 ops@allameaa-aviation.com

📞 00963956777352

والفرصة متاحة للعمل في مطار دمشق الدولي، مطار حلب الدولي، ومطار اللاذقية الدولي.

( ايمت رح يفتح معبر الدبوسية ياترحال بيروت ؟!)

😉 متل معبر العريضة تماماً متى ما قرأت عبر المواقع عبر ( قريباً) أو ( تمهيداً ) لعودته إلى الخدمة معناها لحد الآن ناطرين جيراننا بالطرف التاني ليتفذوا المطلوب منهم

🤣 يعني هلأ إذا شي صفحة كتبتلك لتعرف موعد افتتاح معبر العريضة أو الدبوسية ( علق بنقطة) مباشرةً عمل عليها إلغاء اعجاب لانه نفس هي الصفحة وعدتك بتاريخ 08/01 وبعدين رجعت وعدتك 09/01 وبعدين ....وبعدين

😎 خلينا نحكي بصراحة وانتو بتعرفونا نحنا بنحب نشرح ونحكي الأمور بتفاصيلها ماحدا بيعرف ايمت تاريخ افتتاح المعابر غير أصحاب القرار والقيادة من بكرا بيحسنوا يفتحوها لانه تقريباً من شهر كل شي جاهز بس بتصور الموضوع الو حسابات تانية

🌹 طبعاً السيد معاون رئيس الهيئة العامة للمنافذ والجمارك عمل زيارة لحتى يشيك على جاهزية منفذ الدبوسية الحدودي وقالوا بالخبر ( تمهيداً لافتتاحه )

❣️ بكل أمانة الهيئة العامة للمنافذ والجمارك عملت نفضة كاملة لمعابر العريضة والدبوسية بحيث الخدمات يلي تتقدم للمسافرين تضاهي خدمات المطارات والجماعة 99.99% جاهزين لافتتاح المعابر من حوالي اكتر من شهرين

❤️ بس الكل ناطر القرار من أصحاب القرار ممكن بكرا وممكن بعد اسبوع وممكن بعد فترة أطول والكل بيعرف في طلبات لازم يتم تنفيذها من عند الجيران لحتى ترجع الامور متل قبل

( جاء في المرتبة 22 عربياً)

جواز السفر السوري في المرتبة الأخيرة عربياً من حيث حرية التنقّل

بحسب منصة "Passport Reports"، حلّ جواز السفر السوري في المركز الـ22 عربياً

وذلك فقاً لمستوى تسهيلات السفر الدولي التي يتيحها لحامليه.

( قديش مرتبة جواز السفر التاني يلي حامله عالمياً ؟!)

أحد المسافرين من مطار دمشق قرر يجرب خدمات صالة رجال الأعمال ويخبرنا عن تقييمه للتجربة

( انتو شو رأيكم ؟!)

رجع لحتى يلف الكرة الأرضية ( في لبنان إخلاء سبيل د فود )

إخلاء سبيل صانع المحتوى #دكتور_فوود، وذلك بعد استفادته من قانون العفو العام الجديد في لبنان.

يُذكر أن #دكتور_فوود كان موقوفاً على ذمة قضية الممنو..عات، بعد أن صدر بحقه سابقاً حكم غيابي بالأشغال الشاقة المؤ.بدة، بينما أُغلق ملفه الآخر المتعلق بشكوى زوجته السابقة #شروق بعد دفع كفالة مالية في وقت سابق.

حديث قبل النوم ( رجعت العالم تسافر للاسف )

اليوم وصلت شخص على مطار بيروت صرله راجع من الغربة سنة على البلد المسكين اخد محل استثمار وفتح مشروع على قده ولكن للأسف ما زبطت معه الأمور ولقى حاله خسران صفى اموره وضب أغراضه ورجع سافر اليوم هلأ طبعاً هي الحالة مالها مقياس بس المفروض نحكي السلبيات والايجابيات

⚫ اول شغلة ذكرلي ياها الآجارات غالية ومبالغ فيها كتير كتير

⚫ مافي قوة شرائية وسيولة بين ايدين الناس لهيك الايراد مابيغطي النفقات

⚫ الأهم من كل هاد مافي مرونة بالمعاملات الإدارية بعده الروتين مسيطر على تسيير المعاملات

طبعاً منشان مصداقية النشر في ناس رجعت على البلد فتحت شغل وبلشت ترودج أمورها ولكن السؤال يلي بيطرح نفسه

🟢 ليش في ناس زبطت معها وناس ما زبطت معها ؟!

🟢 برأيك وين السلبيات ووين الإيجابيات ؟!

🟢 انت كمغترب عم تفكر ترجع بهيك وقت ولا مأجل الفكرة ؟!