‏لو ما تعلّق صورتي وياك ف جدار السنين
‏يكفيني إنك محتفظ فيها عشان تشوفها

‏مثل ما يخاف الذيب من ريحه البارود
‏"أنا أخاف من طاري المفارق ومن وقته"

‏عن شعوري ماني مكابر وجاحد
‏أنت أكبر من غرامي لك .. وهمّي

‏كيف أحبك ! أنت منت انسان واحد
‏فيك أخوي وفيك أبوي وفيك أُمّي

‏واهني الداله اللي عن التفكير ساج
‏ما بعد جرّب عنا الوقت من يومه صبي

‏والا أنا ماغير ادوّر من الضيق الخراج
‏وكل ليل يزيد همّي و ضيقي و اتعبي

‏علة ٍ في خاطري مالقيت لها علاج
‏من سبب ميلات الأيام ماهي بـسببي

‏من يسلفني سعة بال وأخلاق ومزاج
‏وياخذ الضيقه وياخذ عليها اللي يبي

‏الذكريات القديمه مع مهب النسيم
‏تحدّني لـ السهر وانا ما احب السهر

‏كم مرةٍ فيك هوجست وطرقت النديم
‏من يوم اصلي الفجر لين اتوضّى الظهر

‏واللي مثل حالتي فـ الحب قلبه غشيم
‏تعطيه شوك السلم ويجيب باقة زهر

‏وده تجيه الطعون اللي تجي فالصميم
‏ولا تجيه الطعون اللي تجي فـ الظهر

اكذب عليك ان قلت ماني بمشتاق
واضحك على نفسي ان قلت عاادي

عطني وعد واعطيك مليووون ميثاق
تبطل غياابك / وابطل عناادي

‏الليالي علمتني وانا طبعي عيوف
‏أرتجي رب الملا .. ما ترجيت الملا .

‏لـ الناس حاول ماترسم خارطه لـ الطريق
‏من قال وين انت رايح ؟ قل قريّب بدو

‏ترى الحسود الخفي يلبس ثياب الرفيق
‏وعند الزعل كل حاجه تنكشف في هدو

‏ايحارب اللي يشوف انك تعده صديق
‏ويصاحب اللي يشوف انك تعده عدو

‏على الهروج العوج افضّل سكوتي
‏لا قام كلً … عن ضميره يعبّر

‏كرّمت سمع اذني وكرّمت صوتي
‏والمشكله ، شافو سكوّتي تكبّر

‏عقب حبّي لو يحبّونك الناس أجمعين
‏يكفي إني في محبتك " راعي الأوله "

مساء الخير جميعاً 🌚

‏اللي يوريك الثقل والتغلي !
‏حاول توريه السمو و الانافه

‏خله يقال ان فيك كبر وتعلي
‏ولا يقال ان فيك ذل و ضعافه

‏والله ان حبك مع الوقت ماينقص يزيد
‏في غيابك لك محبّه ولك شوق و حنين .!

اكذب عليك ان قلت ماني بمشتاق
واضحك على نفسي ان قلت عاادي

عطني وعد واعطيك مليووون ميثاق
تبطل غياابك / وابطل عناادي

‏قدّر مقـام اللي يقدر .. مـقامـك
‏واجز الذي عاملك بالخير خيرين

‏أحـذر تنقص للـوفـي اهتمامـك
‏مايجحد الـوافيـن غير الـردييـن

‏ياصاحبي لا تشكي ظروف دنياك
‏ترى ظروف الناس تشبه ظروفك
‏.
‏لكن ليا حدك زمانك على أقصاك
‏أسجد بنص الليل وأرفع كفوفك

‏لو نطلب الناس ماسرّت ولا ضرّت
‏الخالق الله .. وحنا من مخاليقه

‏يالله .. بنفحات جودٍ كل مامرّت
‏يمر معها " فرج ربي وتوفيقه "

‏مافيه مثل العافيه ستر وغناة
‏ان جات للمسلم ،، تراها كافية

‏كم واحد يطلب ملذات الحياة
‏واذا مرض مايطلب الا العافية

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني .

‏يستر الله علي ويستر الله عليك
‏ياغرامٍ ذكرته عقب هب الهوا

‏لا يغرك سكوتي يعلم الله ابيك
‏بس حظي وحظك مايبينا سوا