ደማቅ ሩጫ ÷ ደማቅ ሕዳር! 🥳

በ2017 ሶፊ ልት ታላቁ ሩጫ በኢትዮጵያ ኢንተርናሽናል 10ኪ.ሜ ተቀላቀሉን 💫💫

#sofimalt #Creatingmemories  #Greatethiopianrun

እንኳን ደስ አለን! 🤩🎉⭐💫🏃‍♀️🏃‍♂️🏃‍♀️🏃‍♂️🇪🇹

2017 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ሩጫ በአለም አትሌቲክስ የውድድር ደረጃዎች ውስጥ ተካተተ!

መስከረም 28 ቀን 2017 አ.ም. ፦ የአለም አትሌቲክስ አስተዳዳሪ (World Athletics) የ2017 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ሩጫን የሌብል ደረጃ ያለው የጎዳና ላይ ውድድር ((Label Road Race) ሲል ዕውቅና ሰጥቶታል።

የአለም አትሌቲክስ የሌብል ደረጃ ሲል የሰየማቸው ውድድሮች በጥራት ዝግጅቶችን ከማድረግ ፣ ደህንነታቸው የተጠበቀ ከመሆን እና የተሳታፊዎች ውድድሩ ላይ የነበራቸው ቆይታ ፣ የከተማ አስተዳደሮች ለዝግጅቱ ያላቸውን ድጋፍ ፣ እንዲሁም ዝግጅቱ በአትሌቲክስ ውድድር ዘርፍ አበረታች መድኃኒት ላይ ለመስራት ያለውን ቁርጠኝነት ከግምት ውስጥ በማስገባት ነው።

እጅግ በርካታ የሩጫ ውድድሮች ባሉበት አለም ይህንን የሌብል ደረጃ ማግኘት ዝግጅቱ ከጊዜ ወደ ጊዜ ያሳየውን ዕድገት እና በአለማችን ካሉ ቀዳሚ እና ተመራጭ የጎዳና ላይ ውድድሮች መሀከል መሆኑን ያሳያል።

የአለም አትሌቲክስ አስተዳዳሪው አካል (World Athletics) ውድድሮችን በመመዘን በየአመቱ ደረጃዎችን ይሰጣል። የመሮጫ ኮርስ ልኬት ፣ የውድድር ሰዓት ምዝገባ እና የኤሊት አትሌቶች ተሳትፎ ከግምት ውስጥ የሚገቡ ጉዳዮች ናቸው።

24ኛው ዙር ታላቁ ሩጫ በኢትዮጵያ አለም አቀፍ 10ኪሜ ህዳር 8 ቀን 2017 በ50ሺ ተሳታፊዎች ይካሄዳል፡፡

#sofimalt #Creatingmemories #Greatethiopianrun #worldathletics

ታላቁ ሩጫ በኢትዮጵያ ሃ/የተ የግል ማህበር እና በአዲስ አበባ አስተዳደር አትሌቲክስ ፌደሬሽን መካከል የሶስት አመት የስራ መግባቢያ ሰነድ ተፈረመ፡፡

ጥቅምት 2 ቀን 2017 አ.ም. ፦ ታላቁ ሩጫ በኢትዮጵያ ተልዕኮው አድርጎ ከሚሰራባቸው ስራዎች አንዱ የአገራችንን አትሌቲክስ መደገፍ ነው፡፡  ይህንንም ለማጎልበት እና የበለጠ ውጤታማ ለማድረግ ታላቁ ሩጫ በኢትዮጵያ እና በአዲስ አበባ ከተማ አስተዳደር አትሌቲክስ ፌደሬሽን በጋራ ለመስራት ጥቅምት 2 ቀን 2017 አ.ም. በይፋ ተስማምተዋል፡፡

ስምምነቱን የፈረሙት የአ.አ. አትሌቲክስ ፌደሬሽን ፕሬዝዳንት አትሌት መልካሙ ተገኘ እና የታላቁ ሩጫ በኢትዮጵያ ዋና ስራ አስኪያጅ ዳግማዊት አማረ ሲሆኑ በፕሮግራሙ ላይ የፌደሬሽኑ ስራ አስፈጻሚ አባላት እንዲሁም የታላቁ ሩጫ በኢትዮጵያ አመራሮች ተገኝተዋል፡፡

የጋራ ስምምነቱም ካካተታቸው ተግባራት ውስጥ በፌደሬሽኑ በኩል የሙያዊ ድጋፍ ማቅረብና አትሌቶች በውድድሩ ላይ ተሳታፊ እንዲሆኑ ማመቻቸት ተጠቃሽ ሲሆኑ በታላቁ ሩጫ በኢትዮጵያ በኩል ደግሞ ለተተኪ አትሌቶች የውድድር ዕድል ማመቻቸት፤ ፌደሬሽኑ ለሚያደርጋቸው ውድድሮች ሙያዊና ቁሳዊ እገዛ ማድረግ፤ ፌደሬሽኑ የሚሰራባቸውን የታዳጊ አትሌቶች ፕሮጀክቶች መደገፍ እንዲሁም የአትሌቲክስ መሰረት ልማት ላይ በጋራ መስራት ተጠቃሽ ናቸው፡፡

ህዳር 8 ቀን የሚካሄደው ታላቁ ሩጫ በኢትዮጵያ አለም አቀፍ 10ኪሜ በየአመቱ ከክፍያ ነፃ በሆነ ተሳትፎ ከ500 በላይ አትሌቶችን በውድድሩ ላይ ያሳትፋል፡፡ በ24 አመት ውስጥ በውድድሩ አሽናፊ የሆኑ አትሌቶች ለማስታወስ በሪሁ አረጋዊ፤ ሰለሞን ባረጋ፤ ሞስነት ገረመው፤ መልክናት ውዱ፤ ትግስት ከተማ፤ ያለምዘርፍ የኋላው፤ አቤ ጋሻው፤ ፎይተን ተስፋይና ቢንያም መሃሪ ተጠቃሽ ናቸው፡፡

የ2017 ዩኒሴፍ የህጻናት ውድድር እና ሌሎችን ለመርዳት እሮጣለሁ ዘመቻ በይፋ ተከፈተ! 🏃‍♀️🏃‍♂️😯🤩🤩

የተመጣጠነ ምግብ ለሁሉም ህጻናት የዘንድሮው ውድድር መልዕክት ነው፡፡ 🍽️
     
ጥቅምት 05 ቀን 2017 ዓ.ም. ፦ በዛሬው እለት በይፋ የተከፈተው የ2017 ዩኒሴፍ ህጻናት ውድድር ምዝገባ እና ሌሎችን ለመርዳት እሮጣለሁ ዘመቻ የተለያዩ የህብረተሰብ አካላትን አሳታፊ እንደሚያደርግ ታውቋል፡፡

የዘንድሮ የህጻናት ውድድር መልእዕክት ‘’የተመጣጠነ ምግብ ለሁሉም ህጻናት’’ ነው።

የዚህ አመት ሌሎችን ለመርዳት ሮጣለሁ የገቢ ማሰባሰቢያ ዘመቻ ከሴቶችና ማህበራዊ ጉዳይ ሚንስቴር ቢሮ ጋር በመተባበር የተመረጡት ማለትም አዲስ ህይወት አይነ-ስውራን ማዕከል; የአረጋውያን ድጋፍ እና እንክብካቤ ሰጪ የበጎ አድራጎት ድርጅቶች ህብረት;  ቪዥን ማየት የተሳናቸው ህፃናት ወላጆች በጎ አድራጎት ድርጅትን በይፋ ማስተዋወቅ ይገኝበታል ፡፡ ታላቁ ሩጫ በኢትዮጵያ በዘንድሮው የገቢ ማሰባሰብ ዘመቻ ላይ 3 ሚሊዮን ብር ለማሰባሰብ ያቀደ ሲሆን፤ ከማሰባሰቢያ መንገዶቹ ውስጥ የተወሰኑ የታላቁ ሩጫ በኢትዮጵያ መሮጫ ቲሽርቶችን በተጨማሪ ዋጋ መሸጥ አንዱ መንገድ እንደሆነም ታውቋል፡፡ ታላቁ ሩጫ በኢትዮጵያ ባለፉት 23 አመታት ከ 30 ሚልዮን ብር በላይ አሰባስቦ አከፋፍሏል፡፡

የህጻናት ውድድር ላይ ለመመዝገብ በአለም ሲኒማ እና በታላቁ ሩጫ በኢትዮጵያ ቢሮ በመገኘት መመዝገብ የሚቻል ሲሆን የመመዝገቢያ ዋጋውም 400 ብር መሆኑ ተገልጧል፡፡

#sofimalt #UNICEF #creatingmemories #Greatethiopianrun