📑 اِســـلامـــی فِـــکر 📑

*دسمبر 1982 میں روسی فوجوں پر فتح یابی کے بعد حضرت مولانا سید ابو الحسن علی حسنی ندوی رحمہ اللہ کا جاری کردہ بیان۔*

476 views02:22

440 views02:22

امام مالک رحمہ اللہ کے استاد کی اپنے والد محترم سے 27 سال بعد ملاقات کا عجیب واقعہ ۔۔۔۔ !!

جب تک انسان کو اللہ کی پہچان نہ ہو ، اس کے دل میں اللہ کی محبت پیدا نہیں ہوسکتی ۔ بہت زمانہ پہلے یعنی ’’ بنو امیہ ‘‘ کے دور کاواقعہ ہے ، جب کہ امام مالک رحمہ اللہ ابھی طالب علمی کی زندگی گزاررہے تھے ، ان کے ایک استاذتھے ، جن کا نام ’’ رَبِیْعْۃُ الرَّائے ‘‘ رحمہ اللہ تھا ، بہت بڑے عالم تھے ، آپ اندازہ کرسکتے ہیں کہ امام مالک رحمہ اللہ کے استاذ کیسے ہوں گے ؟ بہت بڑے جلیل القدر فقیہ بھی تھے اور محدث بھی تھے اوراللہ والے بزرگ بھی تھے ، ان کے والد کانام ’’ فروخ ‘‘ تھا ۔

جب امام ریبعۃ الرائے رحمہ اللہ ماں کے پیٹ میں تھے ، تو ان کے والد فروخ ، ’’ خراسان ‘‘ کی جانب جہادکی مہم پرامیرالمؤمنین کے حکم سے نکل گئے ، جب جہاد میں جانے کے لیے نکلے ، توچوں کہ ان کومعلوم نہیں تھا کہ کب واپسی ہوگی اور کیا حالات ہوں گے کہ زندہ بھی آئوں گا یا اللہ کی راہ میں شہیدہوجائوں گا ؟ اس لیے ان کے پاس جو ۳۰ ؍ ہزار دینار یادرہم تھے ، انھوں نے اپنی بیوی کو دیا اور کہا کہ میں جہاد میں جارہاہوں اوریہ تیس ہزار تمھارے حوالے ہیں ، ضرورت کے مطابق اس میں سے خرچ کرتے رہنا ، اگراللہ تعالیٰ نے زندگی باقی رکھی اور واپسی ہوگئی ، تو پھرمیں تم سے آکرحساب لے لوں گا یہ کہہ کر نکل گئے ۔

جونکلے توایسے حالات ان کے اوپرآئے کہ ’’ تاریخ بغداد ‘‘ کے مطابق تقریباً اس واقعے کے ستائیس ( ۲۷ ) برس بعد ان کو لوٹنانصیب ہوا ، لمبے چوڑے عرصے کے بعد واپسی ہوئی ۔ ’’ مدینہ ‘‘ ان کی بستی تھی اوراپنی بیوی کومدینے میں ہی چھوڑکر گئے تھے ، جب واپس مدینہ آئے تودیکھا کہ وہاں کی پوری فضابدلی ہوئی ہے ، نئی نئی سڑکیں بن گئی ہیں ، نئی نئی عمارتیں بن گئی ہیں ، خیرآئے اوربہت غوروفکرکے بعد اپنی گلی وغیرہ کو پہچانا اوراپنے گھر پہنچے اورجب پہنچے ، تووہ رات کاوقت تھا ، اپنے گھوڑے کو ایک طرف باندھا اور نیزے سے دروازہ کھولااور دروازے کے اندرگھسنے لگے ۔

توایک صاحب باہرآرہے تھے ، دونوں میں ملاقات ہوئی ، جب انھوں نے دیکھا کہ یہ اندرگھس رہے ہیں ، توان کوٹوکا اورکہا کہ ارے اللہ کے دشمن ! کسی کے گھرمیں بلااجازت جاناجائزنہیں ہے ، توفروخ نے کہا : یہ کسی کاگھرنہیں ہے ، یہ تومیراگھرہے ، میرے گھرمیں کس سے اجازت لوں ؟ اب دونوں میں ’’ توتو ، میں میں ‘‘ ہونے لگی ، وہ کہتے ہیں یہ میراگھرہے اوروہ کہتے ہیں تم گھس نہیں سکتے ، یہ تومیراگھرہے ۔ دونوں میں جوگفتگوہوئی توپڑوسی لوگ جمع ہوگئے ، ربیعہ کہنے لگے کہ میں ان کو سلطان کے پاس فیصلے کے لیے لے جاؤں گا اور فروخ نے کہا کہ ہاں ! میں بھی تم کو بادشاہ کے پاس لے جاؤں گا ، یہ سب باتیں ہو رہی تھیں کہ ان کی بیوی نے اندرسے سنا اورآکردیکھا کہ کیاہورہاہے ؟

جودیکھاتوتماشایہ نظرآیاکہ دونوں باپ بیٹے دست وگریبان ہیں ، ان کوبڑا تعجب ہوااورانھوں نے کہا کہ یہ معرفت نہ ہونے کی وجہ سے جھگڑا ہورہاہے ، پہچان نہیں ہے ، باپ نے بیٹے کو پہچانااورنہ بیٹے نے باپ کو پہچانا ۔ بیوی نے کہاکہ تم دونوں آپس میں کیاکررہے ہو ؟ بیٹے سے کہا : بیٹا ربیعہ ! یہ توتمھارے باپ ہیں ،ملاقات کرواوران سے کہا فروخ یہ تمھارے بیٹے ہیں ، ان سے ملاقات کرو ۔ جب ماں نے پہچان کرائی ، تو پھردونوں نے معافی چاہی اورروتے ہوئے آپس میں گلے ملنے لگے ۔

( تاریخ بغداد : ۸ ؍ ۴۲۲ )

435 views08:32