K Surendran

ഇന്ത്യാ-പാക് താത്ക്കാലിക വെടിനിർത്തലിൽ ഇടപെട്ടിട്ടില്ലെന്ന് ഡൊണാൾഡ് ട്രംപ് വ്യക്തമാക്കിയതോടെ കൊങ്ങികളുടെ മൂന്നാം കക്ഷി ഇടപെടലും ചൈനീസ് മിസൈൽ പോലെ ചീറ്റിപ്പോയിരിക്കുകയാണ്. രാജ്യം ലോകത്തിന് മുമ്പിൽ അഭിമാനത്തോടെ തല ഉയർത്തിപ്പിടിച്ച് നിൽക്കുന്ന സന്ദർഭത്തിലും കോൺഗ്രസിൻ്റെ നെറികെട്ട രാഷ്ട്രീയ പ്രചരണം കല്ലുകടിയായിരുന്നു. പാക് ഡിജിഎംഒ ഇന്ത്യൻ ഡിജിഎംഒയെ വിളിച്ച് കാല് പിടിച്ചിട്ടാണ് വെടിനിർത്തൽ വന്നതെന്ന് സൈന്യം വ്യക്തമാക്കിയിട്ടും കോൺഗ്രസുകാർ ആ ക്രഡിറ്റ് അമേരിക്കയ്ക്ക് നൽകുകയായിരുന്നു. വിദേശകാര്യ സെക്രട്ടറിയും സാക്ഷാൽ പ്രധാനമന്ത്രി നേരിട്ടും കാര്യങ്ങൾ വ്യക്തമാക്കിയിട്ടും കോൺഗ്രസ് നേതാക്കൾ രാജ്യത്തിൻ്റെ മഹാവിജയത്തെ അവഹേളിച്ച് കൊണ്ടിരുന്നു. സത്യം തുറന്ന് പറഞ്ഞ ശശി തരൂരിനെ ഭീഷണിപ്പെടുത്താനാണ് എഐസിസി നേതൃത്വം ശ്രമിച്ചത്. മുംബൈ ആക്രമണത്തിന് പ്രതികാരം ചെയ്യാനുള്ള സൈന്യത്തിൻ്റെ തീരുമാനം അമേരിക്ക കണ്ണുരുട്ടിയപ്പോൾ വേണ്ടെന്നു വെച്ച കോൺഗ്രസിന് മോദി സർക്കാരിൻ്റെ ഇച്ഛാശക്തി മനസിലാക്കാൻ നൂറുജന്മം ഗംഗയിൽ മുങ്ങിക്കുളിച്ചാലും സാധിക്കില്ല. നമ്മുടെ സൈന്യത്തിൻ്റെ പോരാട്ടവീര്യത്തിനെ വരെ തള്ളിപ്പറഞ്ഞ കോൺഗ്രസിനും അവർക്ക് വേണ്ടി വാളെടുത്ത് ഉറഞ്ഞു തുള്ളിയവർക്കുമുള്ള മറുപടിയാണ് ഇന്ന് ലഭിച്ചിട്ടുള്ളത്. പ്രതിസന്ധിഘട്ടത്തിൽ പിന്നിൽ നിന്നും കുത്തുന്നവർക്ക് ഒറ്റ പേരേയുള്ളൂ, ''ഒറ്റുകാർ" എന്നാണത്.

ജയ്ഹിന്ദ്

👍11💯3

1.54K views16:15