‏" يوم شفتك تحبين المطر صرت ديمة
‏ويوم شفتك تحبين الشعر صرت شاعر "

‏عقرب ساعتي عآنق تمام الوقت الوحده و خمس
‏و تعبر محجري ذكرى اللّقى .. و تسيل محتاره .

‏بدهشة حزن ، تتوافد بليّا صرخ ، بليّا هَمس
‏طواري . . تشعل الضلع العوج لـ تزيد في ناره .

‏أشوفه حلم .. أمدّ ايدي ؟
‏تَلاشى من مُجرد لمس !
‏و أنا توّي على شوفه على أنشده شـ أخباره ؟

‏مسح كفي بقايا بِكايّ بـ ضيقه وخاطر عَمس ،
‏ ياا كيف ؟
‏" إن طيحة الهايم تجي له في عُقر داره "!

‏و لو رددت في نفسي : تعديّته حبيب الأمس
‏" عيون الفقد ماا تكذب ، عيون الفقد ثرثاره "!

‏ما ودي ادعي عليك ويقبل الله دعاي
‏واشوف حالتك من عقب الدعا تندمر

‏الله يغفر خطاك ، ويحسن الله عزاي
‏عن كل " لبّيه " بـ لساني و " تامر أمر "

‏"عليك الوجد والبال الطويل وجمرة التنهيد
‏ولا مريت في بالك عبور .. ولا أنت راجع لي"

‏قدومك فجر . . . ما شمّو هواه الناس
‏يوييييل الناس ، لو شمّو هوا فجرك 🚶🏻‍♂️

‏أتهجَّى صفحة الأيام وأسرَقك لـ وقوفي
‏كلّ ما زلّ القصيد أشوف جيَّاتك وديعة!

‏آه يا صبري عليك، وآه يا صمتي، وخوفي
‏عاشقك لو طاع عينك يا حبيبي من يطيْعه؟

‏أتردَّد.. لكن الليلة سرَت عنها طيوفي
‏وأنت لا بالك طوِيْل ولا سماء صدرك وَسيْعة

‏ردّ لي كلّ السنين الأوّله.. أوْ رِدّ جوفي!
‏طالبك.. لا تترك أيّامي؛ تْشرَّدها القطيعة

‏الشتاء لو جوَّدته النار، كيف أخيط صوفي
‏في شذى غيمٍ يشدّ الروح بارِقه، ولميْعه

‏إن تركْت كْتاب ضحكاتك على عاتق رفوفي؟
‏ما قدرت تردّ قلب ٍ جفّف التغرِيب رِيْعه

‏أنت نورك يكفي إنه ينسج الضحكة لـ شوفي
‏والله إنّه أجمل بـ واجد من أنسنة الطبيعة

‏طِلّ من فوق الحقايق والمسْ البرْد فـْ كتوفي
‏لين أعوّد [شعلةٍ حمرا] على رأس الطليعة!

‏اِستطعْت أعيش! لكني فقدت أحلى ضيوفي
‏عاد لو بكرهك؟ هذا هو اللي ما أستطيْعه!
‏
‏وبعتني قبل أتبصَّر -في مشاوِيرك- شفوفي
‏وإلَّا أنا قلبك -لو إنه في يديني- كيف أبيْعه؟

‏قرَّب ركابك، وقِل لآخرك، لا من حبّ: يُوْفِي
‏لا تعلّق خاطري في جوْعه، وتسرِق ربيْعه!

‏جيْت من كلّ الدروب وشدّد أيامك نكوفي
‏ما قدرت ألحق هواك، وخطوة أيّامك سريعة

‏

هات كفّك والله إني باسطٍ لأجلك كفوفي
‏جعل تفداك الكفوف الطيبة قبل الوضيعة

‏أتعقَّل في ديارك.. وأتجرَّد من سيوفي
‏كل ظلّ معك أحبَّه، كلّ دربٍ فيك أضيعه!

‏اقرأ لي من [فارق الأبيات] لا ملَّك عزوفي
‏القصِيْدة من شهدك أحلى ومن صوتك بديْعة

‏ما سريتك فاللّيَالي لأجل أجمع بك صفوفي
‏المساري تحتفل.. لا صارت لـ وصلك ذريْعة

‏أنت تعرفني، وتفهم حزني، وتجهل وصوفي
‏يتصنّع خاطري [نسيانك] ويخسر صنيْعه!

‏لا تحاول في مدى صوتي، ولا يانع حروفي
‏والحصون اللي تسوِّر [بارِد ظلالك] منيعة

‏ليش ضاقت من بعدك الأرض واحتالت ظروفي
‏وأنت لا منّك ضحكت؟ تعوِّد الدنيا وسيْعة.

‏- محمد السلطان *

‏أدري المقطع جا بووووقته ، العفو 🌷

‏-

‏ربّي { إنّي مسَّني الضُرّ } ولا غيرك مُعين ،
‏هَب لي اللّي لا غرقت يكون لي طُوق النّجاة .

‏" مُستجدّات الحياة .. وناسها المتغيّرين ،
‏ماااا تناسبني وأعاني مُستجدات الحياة ".

-

‏-

‏كنت أبوس عيونش وهم العذر : ماشلته
‏ليه . . صرت أحتاج عذر يجيبني لـ عيونش ؟

‏ضحكتي وسلم على راسك الديم
‏رقا على مفرق جديلك وحوّل

‏لبستي ابيض والسما لبست الغيم
‏وصارت دبي احلى من دبي الاول

‏قولي لعينك ياآخر سلالة الريم
‏يكرم نعسك من القصيد المقوّل

‏انالك من الجرح والدمع والضيم
‏ومن الزمان اللي صدوفه تهوّل

‏بقلبٍ بعد صوتك وضحكاتك يهيم
‏وبالٍ بعد طويلة العنق طوّل

‏إنتي السُّقيا ، بعد ساعتين الإبتهال
‏رحمةٍ من والي العرش مصقوله صقل

‏فيش من عين الحقيقة ، ومن وحي الخيال
‏وكل وصفٍ من وصوفش كاينٍ مستقل

‏لاتحاكيتي . . تحاكت معش سود الليال
‏ولا سكتي ، يحكي الرمش من فوق المُقَل

‏إلتفاتش . . . . . كنّه يقول هيّا للنزال !
‏والشجاع إن كان ما مات / دش المعتقل

‏إتركي فيني إجابة .. على شان السؤال ،
‏اي حاجه واضحه ، وضحي على الاقل !

‏من عيونش طحت يابنت ، ولّا لا أزال ؟
‏شي طبيعي يوم أشوفش كأن مالي عقل !

‏لاهي بلحية عمامه ، ولا لحية عقال
‏إتطوّح لش . . جميع العاميم والعقل

‏و الثقيل اللي يجي . . فالمهمات الثقال
‏ أقطع ايدي في مرورش إذا دقّ الثقل !

‏نصّ لـ الصديق عيسى المعيبد ، انا أجزم إنه هوّ ناسيه ..
‏-
‏هلا يا طير 🕊
‏عساك اكثر فرَح منّي ؟
‏عساك . . بخير ؟
‏ترا جابتني الصدفه ..
‏طرَاك إنسان ماعرفه !
‏وخااان اقدامي التعبير !!
‏وجيت آطير ..

‏يقولوا انك تغيّرتي ،
‏وحبّيتي بعد غيري .. وتكبّرتي !
‏وبدّلتي عناوينك ،
‏وغيّرتي فساتينك
‏وعطرٍ به تعطّرتي ..!

‏أَببببَد ما يَهمّ ، وِش قالوا
‏انا همّي أحين إنتي ..!

‏عسى للحين . . ما زِلتي ،
‏اذا مرّيت في بالك ،
‏أَمّر بخير .. !

‏هلا يا طير ،
‏يصيييير اتذكّر ايامي ؟
‏وايامك
‏يصيييير أسترجع .. احلامي
‏واحلامك !
‏يصييير آرجّعك فيني ،
‏يصير آبيك لي وحدي !
‏يصير آغييير ؟
‏بلاااش . . . إنسي !
‏يصييير أبكي على الذكرى ؟
‏يصير أسالك عن بُكرا ؟
‏اذا ودّك تجين نطير ..

‏خلاص آسسسف ،
‏أنا اصلاً جيت لك . . صِدفه !
‏وشششفت إنسان ماعرفه ،
‏معاك يصير .. كذا الدنيا اذا دارت
‏تدور وتبني أحلامك ،
‏وترجع تِتقن التدمير .. !
‏على فكرة !
‏وربّك صرت أحب أكرررره ،
‏وأتشآئم من التغيير !
‏هلا يا طير ..

‏مره احب العرب و امرار احب السجّه
‏في داخلي عودٍ تبرا من حداثة سنّي ..

‏أعرفك ،
‏وأعرف إن ورا ضحكتك حزنٍ يبكينا
‏و أعرف إن رغم ضيق صدرك
‏باقي تحاتينا ..

‏من زعّلك ؟ وشهو له الدمع ؟ قولي
‏هاتي سبب حزنك وأنا أعلّمك فيه

‏اللي يزعّل هالجمال الطفولي ؟
‏يا قصر نظراته .. ويا طول أذانيه 🚶

—

‏يا ذوات الأعين اللي لها فعلٍ مهول
‏أنا قلبي كل مامره الظبي فتنه

‏ودي أعلّق على الصدر ممنوع الدخول
‏لأن قلبي من دخل فيه ما يطلع منه

‏وودي أسمع كل الأعداء عني وش تقول ؟
‏وأنتظرهم لين يقضون وأقول " لعنه "

‏أبتلشنا بالكلام الكثير .. وبالخبول ،
‏الله من قصر الأيادي وطول الألسنه !

‏🚬