‏أنا مولي . . . . شايلٍ لي مولّي
‏كلٍ يبا الثاني يدلّه ، ولا دلّ !

‏يلعب بنّا سر الجمال المحلّي
‏الحلوه اكثر مشكله مالها حلّ !

‏- فهد بن قطنان *

‏تاركين الطاولة للي بغوها
‏قانعين بكلمة.. الدنيا كفيله

‏عارفين ان كان غبنا واقلبوها
‏قادرين نعيدها في ظرف ليله 🚶🏻‍♂️

‏—-
‏☕️☕️☕️

‏•

‏ملامح الحزن ما جتني على غفله
‏جتني من الليل .. من رحتي وانا ناطر

‏بس ينكسر خاطرك لا شفتي الطفله ؟
‏وانا عقب صدتّك .. ما أكسر الخاطر !

ودّعوني كل ماا يسرق الشمس الغروب
المسا يحتاج عُزلة ،، ونظرة عن كثب

اتركوني كلّي بـ صوب ، والعالم بـ صوب
وارفعو عن طيش الاقلام والفكر العتب

هاجسي ، كنّه يدور على : باب الهروب
ما يريّح لين ما ألقى على المطلع سبب

( عاد انا اللي كل ما طالت طوال الدروب
ما تحد ركاب صبري ، على ثني الركب 🤸‍♂️ )

كل ماعيّت تهيّا . . تباشييير النصوب
اتبسّم لـ المقابيل واصبر واحتسب

وأتغنّى فـ المواعيد . . يا خضر القلوب
لين اقرّب كل صدفة ، يميّلها الطرب 🎶

ياهنوفٍ . . دونها العمر ماهو بـ محسوب
الزعل تبّت يدينه ، وما جابت ، وتبّ !

أقبلي مثل الهمايل . . على القاع الجدوب
وأوقفي لين أسرق النوم من شّط الهدب

وانثني مثل الخزامى ليا هبّت هبوب
وإثبتي مثل المواثيق ، مابين العرب !

وإقلطي لاجابك الشوق فالصدر الرحوب
وهزّي جذوع القريحه ، تساقط لك كُتب

وعاتبيني كان ما ألبستك من الودّ ثوب
وإعذريني لو تماديت في ساعة غضب

والله إن ماني على كيّة الحب مْغصوب
مير مااا عيّنت مثلك على الكون الرحب

لك كلام اعذب من الما ولك صوتٍ عذوب 🎶
يشهد الله كنّه العافيه ، عقب التعب !

ولي خفوقٍ عن محبّتك . . . عيّا لايتوب
جنّته وصلك ، وفرقالك سوء المنقلب .

‏بـ وداعها / ضاااع الحكي !
‏تسكت ، بـ نظرة حانيه .

‏نظراتها ... قبل البكي ،
‏بكيه .. بصوره ثانيه ..!

‏كنت خيره ! لو بقى للعمر خيره
‏وش يحرّك ساكنك شُوووق ويثيرك ؟

‏مُوجعه ،، بعض التفاصيل الصغيره
‏مثل عطرك يوم شمّيته بـ غيرك ..!

‏لاتمدين العمر .. مدّي بيالة شاهي
‏اي حاجة منك تبعث للخفوق افراحه

‏صدقيني فـ الزمن هذا قليل اشباهي
‏ماني مفسر شعوري ، خابرك لمّاحه !

‏أنا حبيب ( بخير ) لو ماني بخير
‏وانا صديق الأرصفه والمقاهي ..

‏هلا باللي هدبها كل ما سلهم وفيه نعاس ،
‏صحت منه القصايد بعد ضاقت في مقابرها

‏انا ما جيت وادي عبقر اللي يذكرون الناس
‏ولكني سريت عيونها وأصبحت شاعرها ..

‏"بطريقة أو بأُخرى الأشياء اللي تشاهدها من أفلام، مسلسلات، أنمي، أو قراءاتك في الكتب، والأخبار والموسيقى اللي تسمعها، والأشخاص اللي تتحدث معهم بشكل يومي، تتأثر فيهم وهالشيء يخزّن في ذاكرتك بصورة طبيعية من غير إدراك منك، وتأثر على مشاعرك ونظرتك للحياة."

‏-

‏الساعة عدّت خمس
‏و الصبح ما يفرق

‏كل يوم تشرق شمس ،
‏شمسك متى تشرق ؟

‏أحارب أكثر من ثغر ، وأواجه أكثر من عدوّ
‏وارجع بعدها للغلا الواحد ، وللثغر الوحيد

‏جعل السعد فـ أيامي اللي ما غدو واللي غدوّ
‏يروح فيها رمشك الضافي — ومبسمك الفريد

‏أتلَى عهدنا يوم قلت : " مسافر قريّب بدوّ "
‏والبدو تطلق كلمة قريّب على الشي البعيد 🚶🏻‍♂️

‏" وطن عُمري عيونك ،
‏ديرتي .. ربعي .. هَلّي .. منفاي
‏حلالٍ إن غربتني ضحكةٍ مـاني بناسيها " .

‏تأخّر حيييييل ،
‏أنا خايف تناسى عطره يديني ..
‏ولهت كثييير ؛
‏أنا شايف .. دواي أغفى على كتفه !

‏أنا متعوّد . . . إنه من قسى وقتي يخبّيني
‏أنا منهو يخبّيني إذا هو شحّ في عطفه

‏تخاصمنا مسا الجمعه ، وعزّم يخليني
‏( سنه مرّت ) ولا شرّف صباح السبت في لُطفه 🚶

‏ما بين الحب والغيره وكثر اللوم
‏دعيت اللي جمعني بك ما يبعدنا

‏معي قلبٍ كثر ما يعشقك مظلوم
‏صبر لـ اجلك لو العذال تحسدنا

‏لا عانقتك وانا من ضمّتك محروم
‏تحدّيت .. الليااال اللي .. تعاندنا

‏" احبك والمسا ما هو مسانا اليوم
‏انا اللي فاقد شلونك .. و فاقدنا ".

‏——-
‏☕️☕️☕️☕️

‏ضحكتي وسلم على راسك الديم
‏رقا على مفرق جديلك وحوّل

‏لبستي ابيض والسما لبست الغيم
‏وصارت دبي احلى من دبي الاول

‏قولي لعينك ياآخر سلالة الريم
‏يكرم نعسك من القصيد المقوّل

‏انالك من الجرح والدمع والضيم
‏ومن الزمان اللي صدوفه تهوّل

‏بقلبٍ بعد صوتك وضحكاتك يهيم
‏وبالٍ بعد طويلة العنق طوّل

كن..

‏مشتاق للماضي ، و لـ اللّي حوله
‏يالحاضر اللي في عداد الماضي

‏حتى الكلام الفاضي اللي نقوله :
‏مشتاق حتى للكلام الفاضي 🚶

‏يا كل الدروب المدلهمّة
‏لا سراج .. ولا شعاع .. ولا وصالك

‏طيفك اللي يبتسم لي كيف أضمّه
‏لاح زولي ؟ مرّ عطري ؟ جيت بالك ؟

‏متّجه من غير درب ، و دون يِمّه
‏وأنتِ نجمة واقدة .. والليل حالك .