-

‏"لا تحسب إنّك على فرقاي متعوّد
‏بكره يطيح المطر ويجيب لي طاري"

‏لا فتّح الليل جفنه ، والشتا شتّى
‏على دفا صورتْش - ضميت جنحاني

‏لااايق عليش المطر - يااا طفلتي - حتّى :
‏حسّيت كنّ المطر فستانك الثاني🤍

‏هذا المطر . . . . . يفتح ابوابْ روحي
‏واحساسك أجمل احساس إنوجَد

‏متدفّي ومدفّي إحساسي . . يااا رُوحي ،
‏لا تخافين مْن المطر ومْن الرعَد ☔️

‏⁧ #متشائليات ⁩

يوم أمطرت ربّع شعوري وسال الملام
‏وماكان ناقصني ، إلّا شوفتك تبتسم 🤍

‏-

‏ورّد البرد خدك . . . وأنت خدك رقيق
‏وما رحم عودك الميّال ، ريح الشمال
‏
‏من بنفسج ثغرك ووجنتك ، لاااا تضيق
‏حاول البرد تشويهك . . وزادك جمال !

‏عسَّاس ما شافت عيوني موارِيْد
‏البِيْر وِش بقَّى الظمأ من حباله ؟

‏أعرِفك قبل أستأذنك للمواعِيْد
‏عذبٍ .. تمادَت رِقَّته في زلاله

‏" الله لو إني قدرَت أسبق العيد "
‏وأحبَّ وَجْهك ، وأنفرد به لـ حاله

‏"لولا القصيد بضحكتك يا أتلع الجيد "
‏ما كان لـ بيوت القصايد جماله ♡

‏بدرٌ . . . إذا كشف اللثام رأيتهُ
‏أبهى من القمر المُنير وأعظَما

‏نحس بوجع فرقا بعضنا وحنا سكوت
‏مانلقى مجال نوصل شعورنا عبره

‏حدتنا الظروف القاسية لين شفنا الموت
‏جبرنا الزمان اللي مانقدر على جبره

‏عسى المُترف اللي تشبعه حبتين التوت
‏يعوّد على خبري.. وأعوّد على خبره ☕️

‏اجامل الاعراف ، واقدّس الدين
‏واصدق معك فـ الماضيه والجديده

‏قلتي لي : انت تراوغ يسار ويمين ؟
‏طيب حلو ! خلّيني اروح سيده 🚶

‏( الحاجبين اللي تشكّل هلالين )
‏احلى من احلام الحياة السعيده

‏والخصلتين . . اللي تغطي على العين
‏احلى من خصال الرجال الحميده !

-

-

‏إسهري بين المشاعر ، وارقدي بـ فوادي
‏واعشقيني عشق ابوك لبسمتك يا بسمه

‏في حوَر عينك ، مراسي رحلتي لـ بلادي
‏ياااا فديت عيونك .. البكّايه / المبتسمه 🚶

‏وياا فديتك . . يا هديّة عيدي وميلادي ،
‏طلةٍ كنها من خيُوط الشفق منقسمه

‏ينجبر في جيّتك خاطر / كسرْه عنادي ،
‏وينقسم من صدّتك رجال قِسمه قِسمه

‏شاعرٍ يطرَب من إبداعه ، لا ضاق الشّادي
‏وكل بيتٍ من بيوته ينعرف من وَسمه

‏علّميني .. لا حَداني شوقي المتمادي ،
‏وِيش اسوي فالامور اللي ماهي منحسمه ؟!

‏ودّي اسولف في شسمه ، بس جنبي هادي /
‏وهادي مطوع وانا مشتاق لـ اللي شسمه 🚶🏻‍♂️

‏فارعٍ ريحة شذاها . . يستفزّ الكادي !
‏وجهها رسمه ، مثل روعة جسدها رسمه

‏كنها نبتة خزاما . . في فياض الوادي
‏فوقها ديمه ، وينعشها هبوب النسمه

‏علّميني .. لا حداني لـ المفارق حادي
‏في نهارٍ قدّر الدّمعه .. وأهان البسمه !

‏ويش أقول ؟ إن المفارق صعب ولّا عادي
‏يِقنع الرجّال ياخذ في حياته قِسمه ..

‏أحبك و أحنك و أخجلك بالكلام الزين
‏و أدور من يبشرني بجيتك و أفرح

‏وأنا والله إني خابر . . . أنك طرف سكين ،
‏متى ما عطاك الله تمكن . . تبي تجرح !

‏إحساسي لغيرك . . . سخيييف
‏في درب ادلّه ، وأجهله

‏أشتاق . . بس ما اخلق حديث ،
‏" انا اعرف اخلق مشكله " 🚶🏻‍♂️

‏على تفاصيلك وعطرك عظيم السلام
‏وعيونك اللي تجيب العيد من غير عيد

‏لو ضمت كفوفي كفوك علي الحرام
‏ماحط في ذمتي غيرك من الغيد غيد

‏يا منتهى كل شي وفيك مسك الختام
‏يا ملهمة كل حرف وكل طرقٍ جديد

‏" انا علي القصيد . . اللي عليه الكلام
‏وانتي عليك الكلام اللي عليه القصيد "

- 🌷

‏-

‏الساعة عدّت خمس
‏و الصبح ما يفرق

‏كل يوم تشرق شمس ،
‏شمسك متى تشرق ؟