‏مستوحشة كل الأماكن
‏وعلى ماقال / شعرت بالغربة وأنا في بلادي

‏عن فقدان الشغف
‏احدثك بيتين لـ سعد علوش :

‏تمرك العابرين وماتسلم عليك
‏الا غريب طوته الارض بسنينها

‏قال انت جالس لحالك تنتظر من يجيك ؟
‏قلت انتظر نفسي اللي .. ماعرف وينها .

‏"ما أخاف الحزن ، خلّ الحزن أعرفه زين
‏أخاف الشعور اللي لهالحين ما أعرفه"
‏- سلطان الوسمي

‏أنسحب من كل قلبٍ مايشيلك
‏و أبتعد عن كل عينٍ . . ماتودّك

‏ولا تجي للي تجيه وما يجي لك
‏ولا تعد اللي تعمّد . . مايعدك

٣:٢٢ص

بين الطواري والقصيد العذب والبيت الجزيل
‏ - أنا أحترق من داخلي والناس حولي هاديه -

‏يكفي ليا منك حضرتي تصبح الأرقاب عوج
‏النرجسي في حضرتك وشلون يبقى نرجسي

‏- خالد بن طفلان

بعض المعاذير ما تفرق عن الزلّه
‏تنام في ضيقك احسن لك بليّاها

‏من لاجبر خاطرك .. زاد الوجع بِلّـه
‏اشوا لك تروح لأحلامك تشكّاها

‏لاتبحث أعذار من يقسى على خِله
‏إبحث عن اللي يلهّيك و تخطّاها

‏يا أجمل من تراحيب المعزّب في عيون الضيف
‏يا أرقّ من الحنين بذاكرةٍ عشق طواه الياس .
- نواف التركي

‏ولا لي بالبشر غاية ولا لي بالثرى أوتاد
‏خفوقي حر و أتبع ما يعز النفس و أرضيها

‏« يطل الفجر وتعم السكينه والهوى ذعذاع
‏عسى نسمة هواه تطفّي الجمره من ضلوعي

‏لقيت بعينك النجلا حياةٍ برقها لمّاع
‏وانا اللي قبل اعرفك ما اعرف شهري من اسبوعي

‏تكلم في حروفك ما يداوي قلبي الملتاع
‏انا لولا حديثك ياحبيبي ما هدى روعي »

‏— مقباس

‏أبطيت ساكت والصدر فيه ما فيه
‏وقصرت عن شيٍ تمنيت أطوله

‏أقفيت عن حلمٍ قضى عمري أرجيه
‏في موقفٍ فيه الهزيمه بطوله

‏تبعتك لين ما جفّ الحنين و ماتت الاسباب !
‏ولا باقي سبب مقنع يحرّصني على الرجعه

‏أحسب إني بشوفك عقب طول الغياب
‏في نهارً يبين بها الصديق القريب

‏ أثرك الحاضر اللي فالمواجيب غاب
‏«غبت عني وأنا كنت احسبك ما تغيب »

‏اكتشفت الحقيقة ما عليها ضباب
‏ماتوقعت في مثلك ظنوني تخيب !

‏" عاد في كبدي من الماضي توالي
‏والسلامه الأوله ماهي صحيحه

‏إعتزلت الناس في جوٍ لحالي
‏واثر طول البعد ما يبرى جريحه

‏خَذْت منّك شربةٍ ما عدتها لي
‏مثل سَقْي أهل الضحية للذبيحه

‏إعرضوا ياناس عن كثر السؤالي
‏وش لكم ياهل القلوب المستريحه.

‏لو الذي مابيني وبينك .. بلاد
‏ قطعتها ولا شكيت المسافـة

‏بيني وبينك جـرح ما لمّه ضمـاد
‏وغربة مشاعر وانكسار وحسافه

‏كنت اسرق اللحظات في كل ميعاد
‏الحين وجهك بالصدف صرت اخافه

‏أشوفك فـ الليال السود نور ٍيوصل لـ رجواي
‏وأعدك وسعة الخاطر ، لا منها ضاقت رحابي

‏— سعد بن لويبه

‏غيابك علّم الدنيا تغيب وتذبل وتحتار

‏" الديار لو ربّعت ما هي ربيعٍ لي
‏ربيع قلبي بعيد وخابر دياره "