"يوم سلهم رمشك اللي ما سلمنا منه
والله إن عيني تصفق له وقلبي صفّق"

هو وجه واحد في حياتك " تحبّه "
و الباقي .. تدور على مثل هالوجه

- سعد علوش

‏على طاري الغلا إللي ما يبي له نشده وتبرير
‏يا كيف يسج منك واحدٍ ما غبت عن باله؟

أحبّك كل ما بان الصباح وغرّد العصفور
وأحبّك كل ما استاحشت ليلٍ ما يشرفني

‏عندي يقين ان الليالي المقبله ماهيب سود
‏انقى من قنوف السحاب اللي تلوح بروقها

‏عـسى لي أثر طيّب ومواقف وذكرى خير
‏ و نفـسٍ تنّـول اللي اتمـناه يـاربي

‏ولا تبتليني بالسعي في نصيب الغـير
‏ ولا تضيّـع سنيـني وأنا ادور لطبي

‏وهبّ لي بصيره ما توردنّي التقصير
‏تميز قلوب النـاس في كرهي و حبي

‏ونورنيّ أشوف الحقيقه مثل ما تصير
‏أنا اشوف الاشياء مثل ما يشتهي قلبي

‏ما عقب عاصوف الصبر غير الافراح
‏و سحايب الخير و ربيع الخواطر
‏و إن كان باقي بالعمر كثر ما راح
‏يالله بعمرٍ بالتباشير ماطر

‏"تسهَّل .. والسنين تعالج المجروح
‏ويرجع مثل ما كان الشجاع أشجع

‏أنا ماني مثل غيري يجي ويروح
‏أنا مثل – العُمر – لا راح ما يرجع"

صباح الخير
" الوقت يقطع والسنوات تُربّي
والأشياء التي نعي ضررها متأخرًا، خيرًا من أن نبقى نستظِلّ بوهمها إلى الأبد "

‏" تباطيت الفرج يالله وأنا داخلي تايه ومرتاب
‏يصيب من الهوا خاطري .. صوت رعبوبه

‏أشوف الأمل غايب والعنا داخلي قد جاب
‏همومٍ ملت صدري ولا هي بمرغوبه

‏مضى عمري الأول وضحكتي فصّ ملح وذاب !
‏يلاعبني الزمان ويضحك علي اليوم بإسلوبه "

‏الخاطر اللي على سود الليالي صـبور
‏يسري به الفكر ويحسب الأوادم سرت

‏أحـيان نمشي مع العالم بـليا شـعور
‏والناس عن مـا تكن صدورنا ما درت

‏كم حاجةٍ في معاليق الضماير تدور
‏آقـوم وآخلي المجلس لا منها طرت

‏وشلون صرنا نلتقي مثل الاغراب ؟
‏حتّى الحكي يقتلْه شكّي و ريبي

‏عقبك تضيع سنين عمري بلا حساب
‏مثل ما ضاع بخايب الناس طيبي

‏ما غير امرّ الامكنه ذيك مرتاب
‏على رجاء صدفه تجي من نصيبي

‏حتّى ولو حصّلت من عقبي احباب ؟
‏لا زلت اشوفك يا حبيبي .. حبيبي

‏-محمد ابن هرشان

‏كاني لقيت بـ عيون الليل دمع وبكيت ،
‏مصيري ألقى ورى حبك عيوني وانام !

‏*سعد الحريص

‏بعض المعاذير ما تفرق عن الزلّه
‏تنام في ضيقك احسن لك بليّاها

‏من لاجبر خاطرك .. زاد الوجع بِلّـه
‏اشوا لك تروح لأحلامك تشكّاها

‏لاتبحث أعذار من يقسى على خِله
‏إبحث عن اللي يلهّيك و تخطّاها.

‏كثر ما أزعلني الهجر و كثر ما أبكتني الأوجاع
‏حمدت الله يا شور الله بأن الأقدار مكتوبة

‏و لو قلبك علي إلتاع ؟ أنا كلّي عليك ألتاع
‏كأن غيرك ذنوب و كنك الغفران و التوبة .

‏تركت امنياتي لـ النهار الطويل و نمت
‏وذرفت آخر دموعي على خيبة ظنوني

‏ياجعل الكلام اللي مايقدر عليه الصمت
‏فدا لـ الشعور اللي تسولف به عيوني

‏

‏على القلوب المصّده مايفيد العتاب
‏كنك تسولف على الاموات فـ قبورها

‏- عايض العاطفي

‏"إذا الليل يسلب بسمتي . . دون سبق إنذار
‏ عسى الصبح يحمل بسمتي مع ذعاذيعه"

‏نرجوا انه يكون صباح خير و "ستغلبكَ الأيامُ إنْ كنتَ واهنًا
‏ وإن كنتَ صبّارًا فذو الصبرِ أغلبُ."