‏أحيانًا الإنسان
‏ودّه بشخص يفهم الحزن اللي يكنّه وسط جوفه
‏من دون لا يستنطقه مثل مدى المعرفة اللي وصل لها عبدالله بن دايس يوم قال /

‏" لا تتظاهر إنك طيب وماعليك خلاف
‏كلام الحزن بيّن وصوت الحزن بيّن

‏أنا مستعد أدفع ثمن ضحكتك أضعاف
‏لو أتسلّف الطائل من المال وأتديّن "

‏اكلم طيوفك لا مرتني بعد طول الضياع
‏حتى الهوى لا هب من يمك بديت اكلمه
‏-سعد بن لويبه وانا

‏معك تنساب السوالف والاحاديث الخجوله
‏ودي اعلمك بـ اشياءٍ مادروا عنها القرايب

‏من مكيدات الحياة .. لذكرياتي فـ الطفوله
‏لأخر جروح العمر التافهه والا العجايب

‏ممتلي حكيٍ ماهو لأيَّات احد بقدر اقوله
‏وانا ماعرَّضت صدري من قبلك الاّ الهبايب

‏الشاعر لمّا يرحّب في محبوبه يطلع بأقوى وأرق التراحيب

‏ويقول هنا الشاعر :
‏"أقبلي من صوب قلبي سلّم الله هالخطاوي
‏كل دربٍ في حضورك لا مشيتي تشرفينه"

‏وفي صيغة أخرى :
‏"مرحبا بك في مداهيل قلبٍ ما وطاه إلا أنتِ
‏يا أغلى من وطى حُبه جال قلبي وشريانه"

‏معاناة الإنسان مرتبطة بكل شخص أخذ فوق حجمه
‏وهنا أستذكر بيت سعد علوش يوم قال :

‏" لا عطيت أيَّ شخص قيمته ما يلحقك لوم
‏ أي قيمه زايدة .. تنخصم من قيمتك "

تجي ضحكتك في بالي المرهق المرتاب،
مثل لفحة النسناس في وجه متوضّي"

‏"أجنّب اللي تبي نفسي ولو هو ثمين
‏ياما من المغريات اللي تركته وراي

‏أخاوي الصبر وإن الله مع الصابرين
‏لين أصبح الصبر أخو .. والصابرين أخوياي"
‏- نجم الأسلمي

‏"من يترك الدمعه على خدّك تطيح
‏ماهو بـ كفو إنك تناظر عيونه"
‏هذه وصيّة اليوم ..

‏َ
‏أعرف انّ العوض دايم يجي لكن يجي بعدين
‏أنا ما كنت اظنّ إن العوض يستاهل إرهاقي

‏حبيبي جيت في خوفي شعورٍ يفرض التطمين
‏مثل ماغيبتك تفرض على درب الهوى اشواقي

‏أشوفك نور ما بين اليقين و عتـمة التخمين
‏تجي مثل الصباح اللي يصادف موعد إشراقي

‏أبتديتك و أنتهيتك يا لذيذ الغرام
‏و سمّح الله دربك و كان الله معك

‏والله إن القلب بعدك عليه الحرام
‏لا حب غيرك .. ولا يرى إلا أياك

‏و مرورك مهو مرور البرار الكرام
‏أخذت قلبي و ودعتك وهو معك .

‏مْازال الخيال يحفظ في ذاكرته ألبَوم
‏صور، والصور مايقدر العقل يحذفها
‏— محسن بن مترك

‏« كنت احبك حب واعشق غرامك واهتويك
‏كل كذبه من لسانك تجي —صدقتها—

‏أتجاهل شوفتك كثر ماودي أجيك
‏كلمة أحبك بعيني ولو ماقلتها

‏كل ماطاوعت قلبي يوديني إليك
‏كل فكرة في مواصل غرامك شلتها

‏والله أن بعض الاغاني لها طاري عليك
‏كني أشوفك قبالي ليا شغلتها »

‏في إلتماس العذر للغائبين، يقول راشد بن قطيما:
‏«شهور.. ما بادرتني في رسالة
‏عسى البلا من شركة الإتصالات»

‏من متى والغصن يختار الطيور
‏من متى والبال يختار الطواري

‏في غياب الشمس وش ذنب الزهور
‏والمطر لا شحّ وش ذنب الصحاري؟!

‏" يارب وإن ضاقت بوجهي مدينة / / يارب شرِّع
لي سماوات . . وبلاااااد "