‏فداك الشعر و الناس و الحلم و الأحباب
‏و أنا و السنين المقبله — وين ما كنت !

‏صباح الخير
‏" الوقت يقطع والسنوات تُربّي
‏والأشياء التي نعي ضررها متأخرًا، خيرًا من أن نبقى نستظِلّ بوهمها إلى الأبد "

‏ودّعت رغباتي عقب هدَّت الحيل
‏لوّحت لـ الأحلام ليلة حصادي

‏ما عاد تشفع للقصايد المواويل
‏ما يوصل الإحساس لو كان عادي

‏الجرح ما يشفيه حضن المناديل
‏و الخوف ما يخفيه كثر التمادي

‏“يجمل خطاك بعيني إنك قليل أشباه
‏لو إن الخطا اللي منك ماهو بـ العاده

‏ شعور الرضا ماكل من دوّره يلقاه
‏ وأنا راضيٍ باللي يجي منك وزياده”

‏"شعوري الوحيد اللي مايحتاج له مردود
‏خذه.. وآخر حدود الضياع؛ أوّل المسرى

‏شعوري وانا غايب؟ شعوري وانا موجود
‏أحبّك، وإذا مايدري الحظ؟ فـ أنت أدرى"

‏يا الله بتوفيق غير عن باقي التوافيق
‏يسكن صدري وقلبي ويسكن الحنايا

‏ويا الله برزقٍ ما عليه منّة رفيق
‏من عطاياك اللي ماهي مثل العطايا

‏وارجوك يالله تدلني على خير الطريق
‏اللي بكل خطوةٍ اخطيها تعفى الخطايا

‏و إجعلني يا الله مخلص لك عهد ومواثيق
‏و إجعل عهدك على ارقاب ناس شرايا

‏« هلا بالمفارق دام لي فيه راحة بال !
‏و يا مرحبا بالصّد — و البعد يا حيّه

‏فراقٍ يعّز القلب — عن ذِلَة الآمال
‏ولا حبٍ فيه النفس بالوهم مشقيّه »

‏ولا أعاتبك .. لكني اسأل وش الطاري
‏وش اللي حصل يوم إني أطري على بالك

‏ولا أعاتبك .. لكنك أبطيت عن داري
‏جلست أنتظر والباب مردود لوصالك

‏ولا أعاتبك .. لكن على زحمة أفكاري
‏تمنيت يوم اصحى على صوت مرسالك

‏ولا أعاتبك .. لكني أعاتب إصراري
‏على انك حبيبي .. والزمن ما تهيا لك

‏« أنا لولا توهّج ضحكتك بين الرجى والياس
‏ تناساني الربيع ومتّ — بين البرد و الّلاظي »

‏كل يوم وهاجسي في حروته !
‏انتظر والشوق ما يلعب معاي
‏ورغم هذا الانتظار وقسوته
‏انتظر لي واحدٍ ماهوب جاي

‏اي والله إني تايبٍ عنك وخلاص
‏وإني خرجت من الضلاله للهدى

‏وإني جريحٍ منك وجروحي قصاص
‏وغفرت .. ما أبي منك طيب ولا ردى

‏— مزيد الوسمي

‏أحسب إن الغلا يمحى بكثر الشد و الترحال
‏و أثر لك في وسط صدري حنينٍ يلغي دروبي

‏قطعت بشقّ الأنفس من مفارق يديك أميال
‏ولا أدري كيف رجّعني حنيني لأول دروبي

‏أقول إني نسيتك و أدري إن وجهك خشير البال
‏يمرر ضحكتك و أضحك و لو ضايق علي ثوبي

‏"شعوري الوحيد اللي مايحتاج له مردود
‏خذه.. وآخر حدود الضياع؛ أوّل المسرى

‏شعوري وانا غايب؟ شعوري وانا موجود
‏أحبّك، وإذا مايدري الحظ؟ فـ أنت أدرى"

‏" جعل شمس الحظ لها مع الشرُوق إشراق
‏تنفض غبَار الأُمنيات . . و تنُور عتمة أحلاميّ ".

"صباح الخير يا ضحكة العمر عقب النكايد،
يا سلوة الخاطر اللي مبطيٍ ما صفى جوه"

‏"أنت ضحك اليوم .. على دموع البارحة"
‏هذا الشطر أفضّل من يعكس أو يمثّل قيمة شعور العوض.

‏غالبًا ما يؤثر في الشخص هي الذكريات
‏ و تجعله يمر بأسوأ مراحله النفسية

‏و قيل على سياق ذلك :

‏« من عذاب الذكريات احتاج لي صبر و عزيمة
‏ ليت دون الذكريات القاسيه عازل حراري »
‏—— عايض العاطفي

‏أن تتصفح محادثة قديمة اشبه بـ زيارتك لـ بيت طين قديم ، تعلم انه ليس هناك جدوى من ترميمه ولا تستطيع ان تسكن فيه ولكن مليء بـ الذكريات فـ تبقى به حتى تكاد ان تجنّ من الحنين و ترحل

‏رسايلنا القديمة .. صايرة كنها بقايا دار
‏ما عاد الا طيوف اصحابها تسكن زواياها