‏اللَّهُم إنا استودعناك شهر رمضان فلا تجعله آخر عهدنا ، وأعده علينا أعواماً عديدة ، وأزمنة مديدة .

كل عام وانتم بخير
‏وتقبل الله طاعتكم 💗

‏حبيبي كيف ما مريت في بالك صباح العيد ؟
‏وانا اسمي تسمعه لا عايدوك بـ "عيدك مبارك"
‏- مبارك بن وافي

‏&

‏عيدك اسمي رغم بعدي وطول انتظارك
‏و اعتبر ذا القصيده نايبه عن حضوري

‏يكفي ان العباد تقول ( عيدك مبارك )
‏ويكفي انْك الوحيد اللي تملّك شعوري
‏-هود

‏«الحزن يصنع من المألوف، وجهٍ غريب
‏واخاف لاشفتك أسأل وين شفتك قبل ؟»

‏—العنود الواصلية

‏كثر اللّٰه خيرك ياقليل الكلام
‏ليت طبعك مثل وجهك رضي وسموح

‏ المحبه ثلاث ارباعها اهتمام
‏وانت لا جيتني ماهمك الا تروح !

‏له المرحبا تدبل على شوفته ثنتين
‏مجيّه مثل وبل المطر لا فرحنا به

أشوفك في صباحات الأماني
وإبتسام الحال
وأحنِّك في
غروبٍ
ياخذ الشمس
من أياديها

‏أخاف العمر يسرقني وأنا عشت العمر طواف
‏ما بين الأمس والذكرى وأعدائي وأصحابي

‏تطيح الدمعتين ثقال ويحسبها البعيد خفاف
‏وأشوف الوقت ياخذ من يديني معظم أحبابي

‏وأشوف الليل يغتال النهار بظلمته .. وأخاف
‏تصاحبني الظروف الظالمة وتصاحب أبوابي

‏الوطن حيث المحبوب

‏قال خلف بن هذّال: "مالي وطن بالعارض .. إلّا وطنها"

‏متى يذعذع على صدري نسيم الهبوب
‏وارتاح من زحمة افكار القلق واهدى

‏اي والله احنّ واهوجسّ وروحي تذوب
‏طرقي واشوف إغتراب الروح ماله مدى

‏واخاف من كسرة الخاطر وكسر القلوب
‏لو لحقت الفرصه الفرصه وراحت فدى

‏أدخل على الله من دروبٍ عليها دروب
‏والحاجه اللي تجيني من طوارف ردى

‏انا البس الحزن يومياً مع ثيابي
‏وابدا بطاريك وانهيها بموضوعك

‏لا ينزل الدمع لو جرحك من اسبابي
‏اقوى معاتبْك لكن مَاقدر دموعك

‏- احمد صالح البحا

‏فترة عنوانها: ” حملت من جور العنا، فوق ما أطيق“

‏” لا تنّزعج من كثر صدّات الوجيه من العباد
‏العيش تال الوقت بالوجه الحقيقي مُعجزه “
‏— محمد الرويبخ.

‏” أحب أبيض هقاوييّ و أعاف المكر
‏ لو أني أحتاج بعض أحيان صحوة دهاه

‏ أطري على بالهم مثل القصيد البكر
‏ و أغيب غيبة مفارق ما يطالع وراه “

‏سقى غيثك صحاري قلبي و قلبي بدوي أطباع
‏يرحّب بالمطر حتى ولو بلّ المطر ثوبه*

‏الا انت سولف لي عن احوالك وخل عنك القصيد
‏يعني وش اللي في غيابك راح اقوله واكتبه

‏شعري على حطة يدك في غيبتك ما من جديد
‏البيت من قبل اكتبه افكر اني اشطبه

‏دامك تعرف ان الشعر لا يقنعك ولا يفيد
‏استوعب حضوري وهو انساه لا تستوعبه

‏ركز معي الله يرضى لي عليك ولا تزيد
‏الهم هم وعدني ضيف نويت توجبه

‏ما ابيك من بعد الجفا ترجع لي بقلب بليد
‏حسسني بشوقك ودمعك من عيونك اسكبه

‏ضيعني بشهقة بكاك وجيب فيني الف عيد
‏بحكيك اللي حافظه ولا عرفت ترتبه

‏هي كلها هالساعتين وعقبها ببقى وحيد
‏لا تشح بشعورك علي ولا اتمادى وانتبه

‏لا شفتني سجيت عنك فيك جودني من ايد
‏قلبي ووصلني لقلبك برضاه او اغصبه

‏هذه سنه ان ما سكنت القلب مسكنك الوريد
‏ونفس السنه مرت وحقي فيك ضايع واطلبه

‏يا ادمي مدام نظراتك باحاسيسي تشييد
‏لا تترك اسالتي تموت ولا لقت بك اجوبه

‏ليه انت راضي بالعناد وبالرضى تصبح عنيد
‏ليه اتساهل بالجفا ليه الوصل تستصعبه

‏وليه اتمنى الموت في بعدك واحس انه بعيد
‏وليه اشعر ان الموت في لحظة وصولك ما اقربه

‏وليه اعتبر نفسي اذا ذبحني شوقي لك شهيد
‏ولا انت حتى الشوق لا ردك علي تستغربه

‏جاوب وريحني او انسى كل شي ولا تعيد
‏سؤالك عن شعر شطبته من قبل لا اكتبه

‏من أسوء المراحل مرحلة تحوّل مكانة المحبوب إلى مكانة الغريب بكُل أسف / و قيل في ذلك

‏" حبيبي عقب المودة أصبحت أشوفك غريب بلاد
‏عقب ماكنت الموطن اللي دونه ضاعت اسيادي "

‏وأيضًا :

‏" غريبة ! كيف أمرّ بـ مجرياتك يا حبيبي ضيف
‏عقب ماني معزّب عينك النجلاء وضحكتها !! "

‏- إمّا مثل وفاء فهد بن بجاد ولا فلا !

‏« اشوفها مثل الامانه يوم تثقلها الوصاه
‏في عاتقي ما اخونها لو تطلب اللي تطلبه

‏ان قالو اخفض قدرها وابشر بمفتاح الغناه
‏ما ارخصتها لو طول عمري واقفٍ على عتبه

‏في وجهي من الجور ومن الزور وهروج الوشاه
‏لـ احطها في كوكبة - واللي بقو في كوكبه »

‏أشوف الفنى فيني ولكن ظاهري حي
‏وأحس بغربه بصدري وأنا داخل بلادي

‏على الهون يا نفسي ترا ما معي شيء
‏يمر الكلام ولكن داخلي ساكت وعادي

‏أخاف من الفرح ياتي علي شوي شوي
‏و أحصل روحي بوادي ونفسي بوادي

‏لو إن ربي خالق الصدر شفّاف
‏وأقول؛ طالع خافقي وأنت تدري

‏والله لو إن اللي في الأعماق ينشاف
‏ماتلمح إلا صورتك وسط صدري