‏أنا شلون بـ آنسى ذكرياتك مع الأيام ؟
‏و هوى ذكرياتك غاليه يا هوى بلادي

‏أحبك على الواقع و أحبك مع الأحلام
‏و أحبك و أنا داله و أحبك و أنا غادي

‏ذكرتك و طاح الدمع من ذكريات العام
‏و تراك الوحيد إللي قدر يكسر عنادي

‏أوقف ليا من مر ( ذكرك ) قدر و إكرام
‏غرامك ملاذي و الوصل غاية مرادي

طموحاتي اللي حطّها الوقت للنسيان
‏تخليت عنها كأن ماهي طموحاتي

‏ما أحب الرمادي لو لمحته مع الألوان
‏أحب البياض اللي مثل وجهي وذاتي

‏مايلوي ذراع الصبر غير الأقدار
‏أو دعوةٍ نامت بمتن السحابه

‏شي نبيه ويمشي العمر ماصار
‏وشي يصير وما حسبنا حسابه

‏عودت نفسي مااتحسف على شي
‏لأن العمر مايحتمل للحسايف

‏بعيش لحظات الفرح دامني حي
‏وبزرع الضحكة بجرد الشفايف

‏ولا ألحق الهقوات شي ماهو لي
‏ولاعدت أجزع من فراق الولايف

‏إن غاب غالي بالحزن باخذ شوي
‏أيام وتروح علومه طرايف

‏وموصي قلبي لاشفت الخطا عيّ
‏يا اما تعدلها أو تصد عايفَ .

‏- يا كبر خيبة فيصل القاضي يوم قال /

‏« كنت لك موطن وامان وكنت غربه واحتلال
‏كنت باني لك حياة — و كنت تبني لي ضريح ! »

‏على كثر الجروح اللي بـ صدري ماعرفت أعتاد
‏يجيني الجرح ما كن له دروب بـ داخِلي رحبه
‏⠀
‏و على كثر المفارق في الزمان بخاطري ما فاد
‏أنا للحين فيني من الموادع و الحزن رهّبه.

‏هو يدري إن الغلا له سرّ و إجهار
‏وإن الفرح مُمكن يجي من . . رساله .

‏الانسان النبيل او كما يصفه البدو "الأجودي"
‏هو من يغلب الطيب معدنه على شدة المواقف فلا ينحدر إلى مستوى الخصام ،
‏ولا يبادل الإساءه بمثلها :

‏حنيتك من الكلام الموجع الجاري
‏وسكت وانا ما عاش اللي يسكتني (:

‏"لا تحزن على اللي لا سكت ما خذا له وقت
‏غير أحزن على اللي لا سكت .. طوّل سكاته"
‏- عبدالله بن سعد

‏عن نقطة التحوّل الإيجابية التي تحدث في حياة أحدهم، قائلاً:
‏"معك كل الليالي فارقه حتى ليال السبت
‏لو إنّي قبل أعرفك كنت واحد ما يدانيها"

‏لا تطاول في قصير الشبر شبرك
‏ولا تنازل عن شيمك .. ولا تراجع

‏ولا تسمّع باهتين الذوق .. شعرك
‏وانت شعرك من عروق البرق راضع

‏وزمّ روحك بين جنحانك .. ووكرك
‏كان ما عندك على النوماس مانع

‏ولا تواضع للوضيع يضيع قدرك
‏منت مجبورٍ على بعض التواضع !

‏"ياكم غلطة تقفّاها الندم لكن أنت؟
‏ الغلطة اللي لو يرد الزمن..عدتها"

‏الظروف تفُر راسي وأنا بالي طويل
‏ماذبلت عزوم نفسي ولا ذلّيتها

‏الليالي ماعطتني سِوى الشي القليل
‏بس روحي من قليل العطا أغنيتها
‏- عبدالله ابن شايق

‏صباح الخير وبعد:
‏"وإذا القلوبُ توكّلت ماضرَّها
‏ عسرُ الحياةِ وربُّها .. يكفيها"

‏مرّ في بالي شريطٍ فيه من عمري مواري
‏يشبه السنين وعثرة اليأس الأخيرة

‏مو غريب إن السكون يجول في سكّة نهاري
‏الغريب إن الصخب في ليلي أحداثه كثيرة

‏بين صدفة جابها العمر ووداعٍ بأختياري
‏ما عرف قلبي يطيع الواقع أو يرضي ضميره

‏

ودي أقسى ودي أنسى ودي أرسى في مساري
‏وأمسك يدين اليقين اللي تخافه كل حيره

‏لليال الذكريات ولصباحات الطواري
‏وللعبور التضحيات ولسنين البعد خيرة

‏العمر ما هو مشاورني ولا هو رهن لقراري
‏العمر يمضي وسيف الوقت ما يحضن جفيره

‏أعذب تساؤل شعري يكّمن في مفردة « ليه »
‏وعلى هذا السياق قيل /

‏ليه أعودّ لك مدام إن مـا ورّى المعواد طايل
‏وش يرّد اللهفة لنفسي على أشياء كنت أبيها ؟

‏ وفي رواية أخرى /

‏ليه توقد من هجيرك جمرةٍ بين المحاني ؟
‏كنّ هذا العمر ناقص خوف وجروحٍ جديده .

‏انت الشعور اللي ماقد حسيت فيه
‏و أنت الكلام .. اللي ماقد قلته لأحد !
‏- عبدالله السراهيد

‏- وعن طمأنينة المحب يقول فارس فايح:

‏كل همٍ تحسبينه مايزول اليوم زايل
‏لايجي في بالك إنّي بأترك همومك ثقيلة.

‏ما يزعجك لو تشوف الدمع بأحداقي ‏حتّى ولو عن طريق الكذب جاملته
‏يعني ما قدّرت حبّي لك وأشواقي ‏والليل اللي عشان أرضيك ما نمته؟