‏- يا حلو عذوبة سعد بن لويبه يوم قال /

‏« تضحك الدنيا بوجهي لا شفتك تضحكين
‏ كني املك مال قارون — يوم املك رضاك

‏انتي لي مصدر سعاده , و نعمه , و اكسجين
‏جعلني ما افقد وجودك ولا اعتاض بـ غلاك »

‏مالي ولا لك بد عن حكم النصيب
‏مهما ضلوعي من مواجعك امتلت

‏احيانا اوجاع الظنون اللي تخيب
‏اقوى من اوجاع الوجيه اللي رحلت

‏الورد يذبل لكن الشيء الغريب
‏وشلون حتى وجيه الايام ذبلت

‏ماعقب عاصوف الصبر غير الأفراح
‏و سحايبّ الخير .. و ربيع الخواطر

‏و إن كان باقي العمر كثر ما راح
‏يا الله بعمرٍ بالتباشير ماطر .

‏«ديرةٍ ما أنت بها ماهيب ديره/لو ثراها عشب وأعلاها سحايب»*

‏وليفٍ عليه يسابق القلب معلاقه
‏عليه الضمير من المّحل يبست أطرافه

‏ ـــ محمد بن حمد

‏صباح الخير ،
‏تأكدوا بأن الهجر أعفّ لصدوركم من القرب البارد وعلى ذلك قالوا :
‏« أصعب من فراقه أعيش في قربه غريب »

‏القلب إذا تعلق بشخص
‏غالبًا يبقى متشتت بالتفكير فيه
‏حتى لو كان جالس مع أعز الناس له
‏إلا إن ذهنه شارد بمحبوبه

‏وفي ابيات ضيدان بن قضعان يقول فيها :
‏" جالس معكم مهوجس وسجيت وسريت
‏رحت كلي مابقى الا عيوني وجسدي " .

‏أجيك بلهفتي واروح في عيني بريق دموع
‏وأكابر والمكابر في حياتي شبه "روتيني"

‏تطمّن يا حبيبي لا تقول وصالنا ممنوع
‏وأنا في كل يوم ألقاك«بين دعاي وآميني»

‏تمادى فالطعون الخضر مادام العتب مرفوع
‏ترى قلبي ملااااذك — لا نويت تطيح من عيني

‏لا صار ما يدري بخافيك غير انت
‏ترتاح لو انك عن الدرب غادي

‏— ذعار الفريدي

‏من عرفت ان ما لجرحي غير طبك
‏رحت ابشر ضيقة النفس بسعدها
‏,
‏وقلت لك كل الكلام .. الا احبك
‏كنت اخاف اقولها واسكت بعدها
- العبلان

‏"لا تاخذك الليالي.. والليالي ماهي بـ شرواي
‏تداري خاطرك من كل تنهيدة، وتلويعة

‏عفى الله عن حبيبي لو حبيبي ماهوب ويّاي
‏كثر ما أعاند الشوق بـ غيابه، وأرجع اطيعه"

‏فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وسامحني على التقصير
‏وصلنا آخر حدود العشره اللي مالها خانه .

"أسج وأضحك وأتظاهر للعيون أني نسيت
‏والا أنت شيٍ تبطي أيامه وهو في الذاكرة"

‏قِصر بال، وشح وصل، و قِل دبره
‏والسؤال أجاوبه بـ أدري و مدري

‏والله إني حاسدٍ مثقاب الابره
‏"يومه أوسع للهواء من ضيق صدري" ..

‏لا باس يالجوف الكتوم وسلامات
‏فيك اسرفت كف الجروح الكريمه

‏‌واللي يشوف الوجه والابتسامات
‏ما يدري ان الصدر مسرح جريمه

‏— سالم حمد الملعبي

‏«لو دروب مواصلك عكس الدروب المستقيمه
‏ما تصاعبت الوصول، ولا تكاثرت المسافه»

‏في مرحله يوصلها الإنسان مثل
‏- الإكتفاء بالنفس والسلامة الداخلية -

‏ وطرّاه اللي يقول:
‏وش لزومي في مفاهيم البشر مخطي وصايب
‏ العقول مقسمة والعاقل بعقله تقدّا

‏أستميل لعزلتي وأبعد ولا عندي سبايب
‏غير حبي للهدوء إللي عن اللجة مبدّا

‏كن ورا صدري من الضيق، جمهورٍ غفير
‏لو سكت شوي —— يمكن تبين أصواتها