‏فيه نوع من أنواع الزعل يخليك ساكت ، ولا تعاتب
‏ولا تلوّم ، وتكتفي ب أنك ترحل
‏وقيل على سياق ذلك/
‏لا أنتهى عمر الغلا وأقفيت عن ديارك
‏لك يمين اللّٰه إني ما أتنازل بـإلتفاته

من اجمل القنوات اشتركوا فيها 💘

‏معك كل الدروب « ميسَره » وموفّقه توفيق
‏وبسماتي ملت وجهي ، وترحابي وضح فيني

‏لقيتك للدروب الموحشة ذخر وللضياع رفيق
‏وعقب رمضى العمر وياك ، تو تزهر بساتيني

‏عليك الله وامانه من ليال البعد والتفريق
‏وسوء الظن لا يدخل حبيبي « بينك وبيني »

‏لا زاد التغلّي و آنقطع .. طاري الأعذار
‏يقل الغلا و يغادر " بـ شكل تدريجي "

‏- عبدالله السراهيد

‏أخاف أصحى بيوم ولا معي قلبٍ عليك يذوب
‏ولا لي عين يزعّلها البطا منك وترضيها

‏اللي ورا الصدر مايطلع لاحد برّا
‏لله همّي — وللنّاس ابتساماتي

‏لا زلت أشوفك بوصلة قلبي الشكاك
‏وأنا التايه اللي دل دربه مابين يديك

‏تسرّيني أنسام الهبايب على ذكراك
‏عساي أهتدي للمفرق اللى يدل إليك

‏مع إني بذلت الجهد كلّه عشان انساك
‏ما عندي سبب مقنع .. يخليني اخليك

‏صباح الخير
‏«ألمحك شمسٍ — نهاري يمّها»
‏- مساعد الرشيدي

‏عليك الغـلا مرّدود .. يالغايب الموجود
‏سوالفك غابت مير طواريك ما غابت

‏غيابك حضورٍ له بصدر البيوت شهود
‏وش اللي يغيّب ضحكتك .. والغلا ثابت

‏أحنّك مثل ما أحن وجهي من المنقود
‏وأعدك ليا عديت الأيام وش جابت

‏"بتزين الامور .. وينشرح صدرك
‏العسر بعدّه يسر .. لو طالت المدّه

‏اظن بالله الكريم .. ظن الواثِق المُدرك
‏مهما تضيق الصدور وتكبر الشِدّه"

‏بكـره تشّع إن قالها الله — امانيـك
‏مهما غفت في ليل الأقدار شمسك

‏"قديم الود .. وايام الصبا والحِلَّ والترحال
‏أعرفك مثل نظرات الوله في عيْن متجَاهل"
‏- محمد السلطان

‏يوم قّربت امسك طموحي بيمناي
‏والارض من كبر الفرح ماوسّعتني
‏
‏قامت وتلاشّت فرحتي من محياي
‏وأوهام عمري بالخفى صافحتني

‏يا الله بتوفيق غير عن باقي التوافيق
‏يسكن صدري وقلبي ويسكن الحنايا

‏ويا الله برزقٍ ما عليه منّة رفيق
‏من عطاياك اللي ماهي مثل العطايا

‏وارجوك يالله تدلني على خير الطريق
‏اللي بكل خطوةٍ اخطيها تعفى الخطايا

‏استريحي ياعيوني واستكنّي
‏مابه إلا .. ما كتبه الله علينا

‏لو نحصل مانحبه بالتمني
‏كان كل اللِي نحبه في يدينا .

‏معك من وين ماودّك بلا مرسى ولا ميقاف
‏معك لو مالت أوراق الشعور المنهك الذاوي

‏معك حتى لو سنين الحنين الماضيات عجّاف
‏معك حتى وأنا مدري علينا الوقت وش ناوي

‏معك لو غاب درب اللقاء وبعدِنا ميلاف
‏معك لو خاننا التوقيت واحتار الزمن ناوي

‏أعرف الهوى بين المسرَّة ، وبين الجور
‏وش اللي يجيبك في شروقه، وفي غربه!

‏تزود المحبة، وأنت يا الخالي المعمور
‏معك ما يخلّي واسع الصدر.. في كربة

‏أجاذب ظلامك، آه لو لفَّني لك نور :
‏وأساور ضميرك، وألعن الهمَّ، والغربة!

‏قسى مراحل تحول العلاقه من "قريب الى غريب"

‏وعلى سياق ذالك يقول جابر النشيرا :

‏"رغم الثقة تعتريني شكة المستريب
‏وأقول جعل الليالي بالجهل ماتدور

‏ياوجدي إن عوّد المألوف مثل الغريب
‏ذي والله الحاجة اللي .. تستفز الشعور"

‏⁧ #يوم_عرفه⁩
‏عن النبي ﷺ أنه قال : خير الدعاء دعاء يوم عرفة وخير ما قلت أنا والنبيُّون من قبلي " لا إله إلا الله وحده لا شريك له ، له المُلك وله الحمد وهو على كل شيءٍ قدير "